សម្តេចធិបតី ផ្តាំផ្ញើសិស្សនិទ្ទេសAកុំទាន់មោទនភាព ត្រូវខិតខំបង្កើនសមត្ថភាពឱ្យកាន់តែខ្លាំងទៀត

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងនូវការកោតសរសើរ ចំ ពោះជ័យលាភីសិស្សដែលទទួលបាននិទ្ទេស«A» ប៉ុន្តែទោះជាយ៉ាងណា សម្តេចបានផ្តាំផ្ញើថា​សូមកុំទាន់ មានមោទនភាពខ្លាំងពេកចំពោះជោគជ័យនេះ ត្រូវខិតខំឱ្យកាន់តែខ្លាំងតទៅមុខទៀត ។

សម្តេចធិបតី ហ៊ុន ម៉ាណែត នាយកតដ្ឋមន្ត្រី ក្នុងពិធីជួបសំណេះសំណាលជាមួយសិស្សនិទ្ទេស «A» ជាងពីរពាន់នាក់ នៅមជ្ឈមណ្ឌលពិព័រណ៍អន្តរជាតិជ្រោយចង្វារ នាព្រឹកថ្ងៃទី២៣ ខែធ្នូ នេះ បានមាន ប្រសាសន៍ថា ការប្រឡង គ្រាន់តែជាការវាស់ស្ទង់សមត្ថភាពប៉ុណ្ណោះ សំខាន់គឺត្រូវខិតខំ​បង្កើន​សមត្ថភាព របស់ខ្លួនបន្ថែមទៀត ទោះបីមានលទ្ធផលនិទន្ទេស«A» ឬលទ្ធផលបែបណាក៏ដោយ មិនត្រូវឱ្យលទ្ធផល ​របស់ខ្លួន ក្លាយជាឧបសគ្គរារាំងដល់កិច្ចំទៅមុខទៀតនោះទេ ។

សម្ដេចធិបតី ហ៊ុន ម៉ាណែត ានផ្ដាំផ្ញើទៀតថា ការបញ្ចប់ថ្នាក់ទី១២ ជាពេលវេលាឈានដល់ ការចាប់ផ្តើមម្ចាស់ការលើជីវិតខ្លួនឯង។ ការបញ្ចប់ថ្នាក់ទី១២ គឺឈានដល់ផ្លូវបំបែក ដែលត្រូវទ​ទួលខុសត្រូវ និងបង្កើតជំហរសមត្ថភាពដោយខ្លួនឯង ត្រូវប្រឹងកាន់តែខ្លាំងទើបរឹងមាំ។ មកដល់ផ្លូវបំបែកនេះ លែង ត្រូវពឹងផ្អែកទៅលើអាណាព្យាបាលទៀតហើយ ។ ការទទួលបាននិទ្ទេស A ជាភាពជោគជ័យមួយក្នុងជីវិត សិក្សា តែដំណើរជីវិតនៅវែងឆ្ងាយបន្តទៀត ដែលទាមទារការយកចិត្តទុកដាក់ខិតខំបន្តទៀត ៕ អត្ថបទ៖ មុត សុទ្ធ