អាជ្ញាធរស្រុកត្រពាំងប្រាសាទ ធ្វើស្ពានឈើមួយកន្លែង ដើម្បីសម្រួលដល់ការធ្វើដំណើររបស់ពលរដ្ឋ

ឧត្តរមានជ័យ៖ ដោយមើលឃើញពីបញ្ហាប្រឈមរបស់បងប្អូនប្រជាពលរដ្ឋ នៅក្នុងចំណុច​ភូមិអូរជីក ឃុំផ្អាវ ស្រុកត្រពាំងប្រាសាទ ​ពិបាកក្នុងការធ្វើដំណើរឆ្លងកាត់​នូវរដូវវស្សាម្តងៗ អាជ្ញាធរស្រុក សហការជាមួយកម្លាំងយុវជនបក្សស្រុក កម្លាំងយោធា និង​ប្រជាពលរដ្ឋ បាននាំគ្នា​ធ្វើស្ពានឈើថ្មីមួយកន្លែងនេះឡើង ដើម្បីសម្រួលដល់ការធ្វើដំណើររបស់ពលរដ្ឋ ក្នុងមូលដ្ឋាន ។

លោក ហាំង ម៉េង អភិបាលស្រុកត្រពាំងប្រាសាទ បានបញ្ជាក់ថា កន្លងមកស្ពានឈើមួយកន្លែងនេះ មានសភាពចាស់បាក់​ទ្រុឌទ្រោម​ពិបាកធ្វើដំណើរឆ្លងកាត់​ដោយសារ​តំបន់នេះ នៅរដូវវស្សាម្តងៗ មានប្រភពទឹកអូរហូរកាត់ច្រើនពលរដ្ឋមិនអាចឆ្លងកាត់ដោយការ​ប្រថុយប្រថាន​បាននោះឡើយ​ គឺត្រូវធ្វើដំណើរជិះវាងផ្លូវចំណាយ​ពេលវេលាយូរផងដែរ។

លោកអភិបាលស្រុក ​បាន​បន្ថែមទៀតថា ​អាជ្ញាធរស្រុក ​បាន​សហការ​ជាមួយ​ក្រុមការងារ​យុវជន​បក្ស​ស្រុក កងកម្លាំងយោធាកងពលលេខ៦ ​និង​កម្លាំង​ប្រជាពលរដ្ឋ ក្នុងមូលដ្ឋាន ដែលជា​កម្លាំង​ស្នូល​រឹងមាំ​បាននាំគ្នាធ្វើការកសាងស្ពានឈើមួយកន្លែងនេះឡើងវិញ ​ដើម្បី​ជា​ប្រយោជន៍​សម្រួល​ដ់​ពរដ្ឋ ក្នុងមូលដ្ឋាន ៕