វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប៉ៃលិន អាណត្តិទី៤ ឆ្នាំទី១ នៅក្រុងប៉ៃលិន

ប៉ៃលិន៖ ឯកឧត្តម ជា ចាន់ឌិន ប្រធានក្រុមប្រឹក្សាខេត្ត និងលោកជំទាវ បាន ស្រីមុំ អភិបាល​ខេត្តប៉ៃលិន បានដឹកនាំធ្វើវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត នៅ​ក្រុង​ប៉ៃលិន ដើម្បីផ្ដល់ព័ត៌ មានដល់ប្រជាពលរដ្ឋ និងអ្នកពាក់ព័ន្ធ អំពីសមិទ្ធផល​សម្រេច​បាន​លើ​ការ​អនុវត្ត​សកម្មភាពនានារបស់ក្រុម ប្រឹក្សាខេត្ត អាណត្តិទី៤ ឆ្នាំទី១ និងឆ្លើយតបទៅនឹង បញ្ហា​ប្រឈម និងសំណូមពរ របស់ប្រជាពលរដ្ឋ ដែលបានលើកឡើងនៅក្នុងវេទិកានេះ។

លោកជំទាវ បាន ស្រីមុំ បានមានប្រសាសន៍ថា ក្នុងកិច្ចដំណើរការកំណែទម្រង់អភិបាលកិច្ច ថ្នាក់​មូល​ដ្ឋាន​នៅក្នុងប្រទេសកម្ពុជា សំដៅពង្រឹងលទ្ធិប្រជាធិបតេយ្យ ជំរុញកិច្ចអភិវឌ្ឍសេដ្ឋកិច្ច និង​សង្គមកិច្ច នៅមូល ដ្ឋាន ដើម្បីចូលរួមចំណែកកាត់បន្ថយភាពក្រីក្រ របស់ប្រជាពលរដ្ឋ ប្រកប​ដោយ​ប្រសិទ្ធភាព ដូច្នេះការរៀបចំវេទិកាផ្សព្វផ្សាយ និងពិគ្រោះយោបល់ គឺជាឧបករណ៍​ដ៏​មាន​សារៈ​សំខាន់​មួយសម្រាប់លើកកម្ពស់គណនេយ្យភាព តម្លាភាព និងការចូលរួម របស់ប្រជាពលរដ្ឋ នុង​្ចដំណើរការ អភិបាលកិច្ចរបស់ក្រុម ប្រឹក្សាៃរដ្ឋបាលថ្នាក់ក្រោមជាតិ ព្រមទាំង​ផ្តល់​ឱកាស​ក្នុង​ការ​ពិភាក្សាប្រកបដោយតម្លាភាព គ្រប់ជ្រុងជ្រោយ ការទទួលបាន​នូវ​ពហុ​គំនិត​ពី​រដ្ឋបាល​ថ្នាក់​ក្រោម​ជាតិ សង្គមស៊ីវិល សាធារណៈជននានា ដែលអាចទទួល​បាន​នូវ​ការ​ផ្ទៀងផ្ទាត់​នូវ​តម្រូវ​ការ​ពិត​ប្រាកដ របស់បងប្អូនប្រជាពលរដ្ឋផងដែរ។

នាឱកាសចូលរួមឆ្លើយតបចំពោះសំណើរ សំណូមពរ របស់ប្រជាពលរដ្ឋនៅមូលដ្ឋានក្រុងប៉ៃលិន ដែល​បានលើកឡើងនៅក្នុងវេទិការ លោកជំទាវ បានបង្ហាញពីការយកចិត្តទុកដាក់ខ្ពស់ ក្នុងនាម​ជា​អាជ្ញាធរខេត្ត ធ្វើការដោះស្រាយនូវសំណើរ សំណូមពរ និងបញ្ហាប្រឈម​របស់​ប្រជាពលរដ្ឋ​ប្រកប​ដោយ​ការទទួលខុសត្រូវខ្ពស់ ជាពិសេសលើបញ្ហាសន្តិសុខសណ្តាប់ធ្នាប់សាធារណៈ ការ​ពង្រឹង​ការ​អនុវត្តគោលនយោបាយភូមិ ឃុំមានសុវត្តិភាព តាមរយៈការ​បង្ក្រាប​ជា​បន្ត​បន្ទាប់​នូវ​ក្មេង​ទំនើង ការបង្ក្រាបចំពោះជនដែលលួចលាក់ជួញដូរ និងប្រើប្រាស់ដោយ​ខុស​ច្បាប់​នូវ​សារ​ធាតុ​ញៀន ​និងការឆ្លើយតម្រូវការមូលដ្ឋាន ដូចជា បញ្ហាភ្ជាប់ទឹកស្អាត អគ្គិសនី ការកសាង​ហេដ្ឋា​រចនា​សម្ព័ន្ធ និងការដោះស្រាយបញ្ហាវិវាទរបស់ប្រជាពលរដ្ឋជាដើម។

ឯកឧត្តម ជា ចាន់ឌិន ប្រធានក្រុមប្រឹក្សាខេត្ត បានមានប្រសាសន៍ថា វេទិកាផ្សព្វផ្សាយ និង​ពិគ្រោះយោបល់នាពេលនេះ គឺធ្វើឡើងក្នុងគោលបំណង ដើម្បីផ្ដល់ឱកាសជូនប្រជាពលរដ្ឋ និង​អ្នក​ពាក់​ព័ន្ធទាំងអស់ បានព្ចោញ មតិរបស់ខ្លួន ដែលពាក់ព័ន្ធនឹងក្ដីកង្វល់ សំណូមពរ និងតម្រូវ​ការ​ជាក់​ស្ដែងក្នុងមូលដ្ឋាន ដើម្បីឲ្យអាជ្ញាធរមានសម្ថតកិច្ច ដោះស្រាយ និងឆ្លើយតបរាល់តំរូវការ សំណូម​ពរ ដែលបានលើកឡើង ចំគោលដៅទាន់ពេលវេលា ក្នុងការកែលំអ ក្នុង សហគមន៍​របស់​ពួក​គាត់ ឱ្យកាន់តែល្អប្រសើរ ជាពិសេសពង្រឹងការចូលរូមរបស់ ប្រជាពលរដ្ឋ លើការ​អភិវឌ្ឍ​នៅ​តាមមូលដ្ឋានឲ្យកាន់តែល្អប្រសើរឡើង ដើម្បីឆ្លើយតប ទៅនឹងគោលការណ៍នៃការអភិវឌ្ឍ តាម​បែប​ប្រជាធិបតេយ្យ នៅថ្នាក់ ក្រោមជាតិ។

ឯកឧត្តម បានថ្លែងអំណរគុណ ចំពោះវត្តមានឯកឧត្តម លោកជំទាវ លោក លោកស្រី មន្ត្រីរាជការ សមាជិក សមាជិការនៃអង្គវេទិការ និងប្រជាពលរដ្ឋទាំងអស់ ដែលបានចូលរួម្នុងវេទិការ ិត​ជា​បានបង្ហាញឲ្យឃើពីការប្តេជ្ញាចិត្តចូលរួមសហការយ៉ាងខ្លាំងក្លានៅក្នុងដំណើរការ នៃ​ការ​គាំទ្រ និងជំរុញការ អភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ស្របតាម​ក្រប​ខ័ណ្ឌ​យុទ្ធ​សាស្ត្រ ស្តីពីកំណែទម្រង់វិមជ្ឈការ និងវិសហ មជ្ឈការ ឲ្យកាន់តែទទួល​បាន​លទ្ធផល​ជោគ​ជ័យ​ថ្មី​ៗ​ថែម​ទៀត ដើម្បីបម្រើឱ្យសេចក្តីត្រូវការពិតប្រាកដរបស់ ប្រជាពលរដ្ឋ ក្នុងមូលដ្ឋាន។

សូមបញ្ជាក់ថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប៉ៃលិន អាណត្តិទី៤ ឆ្នាំ២០២៤ នៅក្រុងប៉ៃលិន នាឱកាសនេះ ប្រជាពលរដ្ឋ និងអ្នកពាក់ព័ន្ធនានា បានលើកឡើង​នូវ​សំណួរ និងសំណូមពរ ដោយផ្ទាល់មាត់ មានចំនួន១៤ករណី និងជាលាយលក្ខណ៍អក្សរ ចំនួន១៥​ករណី ដោយឆ្លើយតបដោះស្រាយភ្លាមៗក្នុងអង្គវេទិការ ចំនួន១៤ករណី៕