ឧបនាយករដ្ឋមន្ត្រីប្រចាំការ វង្សី វិស្សុត ប្រកាសដាក់ឱ្យអនុវត្តឯកសារយុទ្ធសាស្ត្រសំខាន់ពីរ និងបំពាក់គ្រឿងឥស្សរិយយសជូនថ្នាក់ដឹកនាំនៃទីស្តីការគណៈរដ្ឋមន្ត្រី

ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី នៅព្រឹកថ្ងៃទី២៧ ខែធ្នូ ឆ្នាំ២០២៤ បានអញ្ជើញជាអធិបតីក្នុងពិធីប្រកាសផ្សព្វផ្សាយ និងដាក់ឱ្យ​អនុវត្ត​ឯកសារ​សំខាន់ពីរគឺ «ផែនការយុទ្ធសាស្រ្តទីស្តីការគណៈរដ្ឋមន្ត្រី ឆ្នាំ២០២៤-២០២៨​» ផែនទីបង្ហាញផ្លូវស្តីពីការជំរុញបរិវត្តកម្មឌីជីថល នៃទីស្តីការគណៈរដ្ឋមន្ត្រី ២០២៤-២០២៨»

នាឱកាសនោះ ឯកឧត្តមវង្សី វិស្សុត បានថ្លែងកោតសរសើរចំពោះការ​ខិតខំរបស់​ក្រុម​ការងារ​រៀបចំ និងបានវាយតម្លៃចំពោះឯកសារដ៏មានសារសំខាន់ទាំងពីរថា ជាសមិទ្ធផលថ្មីរបស់​ទីស្តី​ការគណៈរដ្ឋមន្ត្រី ហើយនឹងក្លាយទៅជាមគ្គុទេសក៍សម្រាប់តម្រង់ទិសដល់ការដឹកនាំ ការ​គ្រប់គ្រង និងការអនុវត្តការងាររបស់ ថ្នាក់ដឹកនាំ និងមន្ត្រីនៃទីស្តីការគណៈរដ្ឋមន្រ្តី ដើម្បីលើក​កម្ពស់​ប្រសិទ្ធភាព និងគុណភាពការងារក្នុង​នាមជាសេនាធិការនាយករដ្ឋមន្ត្រី និងគណៈរដ្ឋមន្ត្រី។

ក្នុងឱកាសនោះដែរ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ បានអញ្ជើញ​បំពាក់​គ្រឿង​ឥស្សរិយយស​តាមលំដាប់ាក់ូនដល់ថ្នាក់ដឹកនាំ ជារដ្ឋលេខាធិការ និងអនុរដ្ឋលេខាធិការ នៃ​ទីស្តីការ​គណៈរដ្ឋមន្ត្រីផងដែរ៕