អាជ្ញាធរក្រុងប៉ៃលិន សហការជាមួយស.ស.យ.ក ជួសជុលផ្លូវក្នុងមូលដ្ឋាន

ប៉ៃលិន៖ ដោយសារផ្លូវមួយចំនួនក្នុងមូលដ្ឋានសង្កាត់ទួលល្វា មានសភាពខូចខាត(ផ្លូវសំបុកមាន់) នាព្រឹកថ្ងៃទី២៨ ខែធ្នូ ឆ្នាំ២០២៤ លោក លី សុងហ៊ី អភិបាលក្រុងប៉ៃលិន បានសហការជាមួយសហភាពសហព័ន្ធយុវជនកម្ពុជាខេត្ត ជួសជុលដើម្បីសម្រួលដល់ការធ្វើដំណើររបស់ពលរដ្ឋ។

លោក លី សុងហ៊ី អភិបាលក្រុងប៉ៃលិន បានមានប្រសាសន៍លើកឡើងថា៖ ក្រោមការចង្អុលបង្ហាញពីលោកជំទាវ បាន ស្រីមុំ អភិបាលខេត្តប៉ៃលិន និងជាប្រធានសហភាពសហព័ន្ធយុវជនកម្ពុជាខេត្ត បានជំរុញដល់អាជ្ញាធរក្រុង/ស្រុក និងអាជ្ញាធរមូលដ្ឋាន ត្រួវពិនិត្យមើលឡើងវិញនូវស្ថានភាពលំបាកនានក្នុងមូលដ្ឋានរបស់ខ្លូន ហើយត្រូវចូលរួម ឲ្យសកម្មបន្ថែមទៀត ក្នុងការសំរាលទុក្ខលំបាក របស់ពួកគាត់។ ជាក់ស្តែងនៅព្រឹកនេះក្រុមការងារសហភាពសហព័ន្ធយុវជនកម្ពុជាក្រុង និងខេត្ត កំពុងរួមចំណែកក្នុងការដោះស្រាយ និងសម្រាលទុក្ខលំបាក របស់បងប្អូនប្រជាពលរដ្ឋយើង ដោយធ្វើការជួសជុលផ្លូវសំបុកមាន់ ដែលរងការខួចខាត ដើម្បីបញៀ ឲ្យាននូវផលប៉ះពាល់ធ្ងន់ធ្ងរណាមួយ ជាយថាហេតុ ស្របពេលដែលបងប្អូន កំពុងធ្វើដំណើរឆ្លងកាត់ ជាពិសេសការកាត់បន្ថយគ្រោះថ្នាក់ចរាចរណ៍ផងដែរ។ លោក លី សុងហ៊ី អភិបាលក្រុងប៉ៃលិន បានមានប្រសាសន៍បន្តថា៖ កន្លងមកក្រុមយុវជន ស.ស.យ.ក បានចូលរួមការងារសង្គម ការងារមនុស្សធម៌ ជាពិសេសចុះជួយដោះស្រាយការលំបាក របស់ប្រជាពលរដ្ឋនៅតាមមូលដ្ឋានក្នុងខេត្ត ,ការចូលរួមរៀបចំព្រឹត្តិការណ៍នានា, ការសម្អាតបរិស្ថានទីក្រុង, ការចូលរួមបរិច្ចាកឈាម ដល់មន្ទីរពេទ្យ ,ការចុះជួយប្រជាពលរដ្ឋក្រីក្រ និងជនរងគ្រោះ ដោយសារគ្រោះថ្នាក់ចរាចរណ៍ គ្រោះធម្មជាតិនានា ព្រមទាំងអប់រំ ដល់យុវជនឲ្យធ្វើតែអំពើល្អ និងកិច្ចការសង្គមជាច្រើនផ្សេងទៀត ពិសេសកិច្ចការមនុស្សធម៌តែម្តង។ លោកអភិបាលក្រុងប៉ៃលិន ក៍បានអំពាវនាវដល់បងប្អូនប្រជាពលរដ្ឋ ត្រូវចេះរៀបចំសំរាម កាកសំណល់ផ្សេងៗ ឲ្យមានរបៀប និងចូលរួមថែរក្សាផ្លូវថ្នល់ទាំងអស់ ដើម្បីយើងអាចប្រើប្រាស់ផ្លូវថ្នល់ បានយូរអង្វែង និងដើម្បីសោភ័ណភាពក្នុងក្រុងប៉ៃលិន ។ ជាមួយគ្នានេះ ត្រួវរៀបចំសណ្ដាប់ធ្នាប់ ឲ្យបានល្អ ទាំងការលក់ដូលើចំណីផ្លូវសាធារណៈ សំណង់អាណាធិបតេយ្យ ព្រោះបើមិនធ្វើការរៀបចំពីឥឡូវទេ ថ្ងៃទៅមុខនឹងធ្វើឲ្យសណ្ដាប់ធ្នាប់ ក្នុងក្រុងប៉ៃលិន កាន់តែគ្មានរបៀបរៀបរយ ហើយពេលដែលមាន គម្រោងចង់ពង្រីកផ្លូវ បង្កការលំបាកក្រុមការងារ ក្នុងការដោះស្រាយផងដែរ៕