ពលរដ្ឋខេត្តស្វាយរៀងសំដែងការសប្បាយរីករាយដែលរាជរដ្ឋាភិបាលបានស្ថាបនាផ្លូវក្រាលកៅស៊ូតាមសំណូមពរ

ស្វាយរៀង ៖ តំណាងពលរដ្ឋឃុំសំឡី ស្រុកកំពង់រោទិ៍ ខេត្តស្វាយរៀងលោក សុខ សារ៉ាយុទ្ធ នៅថ្ងៃទី៣០ ខែធ្នូ ឆ្នាំ២០២៤ នេះបានសំដែងនូវការសប្បាយរីករាយ និងគោរពថ្លែងអំណរគុណចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលសម្តេចបានគិតគូរស្ថាបនាផ្លូវកា្រលកៅស៊ូឆ្លងកាត់ភូមិឃុំ ដាក់អោយពួកគាត់ប្រើប្រាស់តាមការចង់បានរបស់ពួកគាត់ជាយូរយាណាស់មកហើយ ។

 តំណាងពលរដ្ឋបានបញ្ជាក់ថា នៅមូលដ្ឋាននេះ កាលពីមុនមិនមានផ្លូវ សម្រាប់ប្រើប្រាស់ ធ្វើដំណើរ ពិសេស ការដឹកជញ្ជូនកសិផលផ្លាស់ប្តូរពីតំបន់មួយទៅតំបន់មួយបានទាន់ពេលវេលា ។ ដូច្នេះពីពេលនេះនិងឈានទៅដើមឆ្នាំ២០២៥ខាងមុខពួកគាត់ មានសង្ឃឹមថាទទួលបានផ្លូវដ៏ល្អសម្រាប់ប្រើប្រាស់ដូចនៅតំបន់ផ្សេងៗទៀតក្នុងខេត្តផងដែរ ។

តាមរបាយការណ៏ ដែលBTVទទួលបានតាមសារតេឡេក្រាមបញ្ជាក់អោយដឹងថា ្លូវដ្រុមកាងារកំពុងស្ថាបនាេះ ជាផ្លូវប្រភេទ DBSTស្ថិតនៅក្នុងភូមិ រាមជោ ឆ្ពោះមកភូមិព្រៃម្នាស់ ឃុំសំឡី ស្រុកកំពង់រោទិ៍ មានប្រវែង១២គីឡូ ៥២៥ម៉ែត្រ និងទទឹងផ្លូវ ៨ម៉ែត្រ បច្ចុប្បន្នក្រុមការងារ របស់ក្រុមហ៊ុន អ៊ឹម ស៊ឹមស៊ា ស្ថាបនាសម្រេចបានប្រមាណ៤០% និងឈានទៅបញ្ចប់គម្រោងសាងសង់នៅដើមឆ្នាំ២០២៥ខាងមុខ ។