វិស័យឯកជនបើកទំព័រថ្មីនៅដើមឆ្នាំ២០២៥ នេះ ដើម្បីលើកកម្ពស់ដល់សហគ្រិនក្នុងខ្សែច្រវាក់ផលិតកម្ម

ភ្នំពេញ ៖ ស័យឯកជនបានបើកទំព័រថ្មីនៅដើមឆ្នាំ ២០២៥ នេះ ដើម្បីពង្រីកនិងពង្រីកចំណេះ ជំនាញ និងការទទួលនូវបទពិសោធន៍បន្ថែម សម្រាប់ជាមូលដ្ឋានគ្រឹះលើការគ្រប់គ្រង និងការរៀបចំផែនការសកម្មភាពអាជីវកម្មរបស់សហគ្រិនកម្ពុជា ដើម្បីឈានទៅអភិវឌ្ឍ ខ្សែច្រវាក់ផលិតកម្ម និងការចូលរួមចំណែកដល់ការនាំចេញរបស់កម្ពុជាឱ្យកាន់តែប្រសើរ។

​សមាគមសហគ្រិនវីម៉ូកម្ពុជា នៅដើមឆ្នាំ២០២៥ នេះ បានបើកវេទិកាជំនួបអាជីវកម្ម ការផ្គូផ្គងពាណិជ្ជកម្មជាតិ និងអន្តរជាតិ ក្នុងគោលបំណងលើកកម្ពស់សហគ្រិនក្នុងស្រុក តាមរយៈការពង្រីងនិងពង្រីក ចំណេះ ជំនាញ និងការទទួលនូវបទពិសោធន៍ផ្សេងៗ លើការគ្រប់គ្រង និងការរៀបចំផែនការសកម្មភាពអាជីវកម្ម និងការបង្ហាញអំពីសក្តានុពល និងភាពអំណោយផលផ្សេងៗ ដែលកម្ពុជា កំពុងទទួលបាន ដែលតាមរយៈនេះម្ចាស់អាជីវកម្មត្រូវតែខិតខំពង្រឹងខ្លួន ដើម្បីជំរុញភាពជោគជ័យក្នុងការធ្វើអាជីវកម្ម ឈានទៅ អភិវឌ្ឍន៍ខ្សែច្រវាក់ផលិតកម្មឱ្យកាន់តែរីកចម្រើន ជាពិសេសការចូលរួមចំណែកដល់ការនាំចេញរបស់កម្ពុជាឱ្យកាន់តែប្រសើរ។

ជាក់ស្តែងជំនួបអាជីវកម្ម និងផ្គូផ្គងពាណិជ្ជកម្មនេះជាដើម គឺជាការលើកកម្ពស់ដល់សហគ្រិនដែលជាសមាជិករបស់សមាគម និងសហគ្រិនដែលបានចូលរួមផ្សេងទៀត អាចចាកឱកាសឱមានម្លៃនេះ ដើម្បីជំរុញអាជីវកម្ម ការធ្វើពាណិជ្ជកម្ម និងការគ្រប់ គ្រងនៅក្នុងក្រុមហ៊ុន ឬសហគ្រាសរបស់ពួគគាត់ឱ្យកាន់តែមានប្រសិទ្ធភាព តាមរយៈនៃការផ្លាស់ប្តូរនូវផ្នត់គំនិត នៅក្នុងការធ្វើការងារ និងសកម្មភាពក្នុងអាជីវកម្មជាដើម ដើម្បីពង្រឹងនិងពង្រីកអាជីវកម្មរបស់ពួកគាត់ឱ្យកាន់តែប្រសើរ ខណៈដែលរាជរដ្ឋាភិបាល នៅក្នុង ឆ្នាំ២០២៥ បានចាត់ទុកជាឆ្នាំការស្តារ និងអភិវឌ្ឍសេដ្ឋកិច្ចជាតិឡើងវិញ។

សូមបញ្ជាក់ថា ទាក់ទិននិងសេដ្ឋកិច្ចនេះ, រាជរដ្ឋាភិបាលបានកំពុងជំរុញធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែងដោយ ផ្តោតលើការអភិវឌ្ឍវិស័យគន្លឹះ និងប្រភពថ្មីនៃកំណើនសេដ្ឋកិច្ច ការកែលម្អបរិយាកាស ធុរកិច្ច និងការវិនិយោគ ការពង្រឹងប្រសិទ្ធភាព និងភាពទាក់ទាញនៃតំបន់សេដ្ឋកិច្ច ពិសេសរួមបញ្ចូលទាំងសួនឧស្សាហកម្ម សួនកសិឧស្សាហកម្ម និងតំបន់ពាណិជ្ជកម្មសេរីក្នុងស្រុក និងការធ្វើនវានុវត្តន៍យន្តការហិរញ្ញប្បទាន និងផលិតហិរញ្ញវត្ថុសម្រាប់គាំទ្រដល់ការវិនិយោគជាដើម ដែលប្រការទាំងនេះ គឺជាមូល ដ្ឋានគ្រឹះគាំទ្រដល់ដំណើរសេដ្ឋកិច្ច និងភាពរីកលូតលាស់នៃវិស័យឯកជន៕

អត្ថបទ៖ សុន រ៉ាឌី