ក្រុមអ្នកគាំទ្រ និងប្រឆាំងលោកYoon Suk Yeol ប្រមូលផ្តុំគ្នានៅទីក្រុងសេអ៊ូលក្រោយលោករួចផុតពីការចាប់ខ្លួន

ក្រុមបាតុករជាគូប្រជែងរបស់កូរ៉េខាងត្បូងរាប់ពាន់នាក់បានប្រមូលផ្តុំគ្នាក្នុងរដ្ឋធានីសេអ៊ូលមួយថ្ងៃបន្ទាប់ពីការប៉ុនប៉ងបរាជ័យក្នុងការចាប់ខ្លួនប្រធានាធិបតី ដែលត្រូវបានព្យួរតួនាទីរបស់ប្រទេសនេះ គឺលោក Yoon Suk Yeol សម្រាប់ការដាក់ក្រឹត្យច្បាប់អាជ្ញាសឹករយៈពេលខ្លីដែលនាំឱ្យមានការចោទប្រកាន់ទម្លាក់តំណែងលោក។

ក្រុមបាតុករបានជំនះការធ្លាក់ព្រិល និងភ្លៀងក្នុងទីក្រុងសេអ៊ូល។

ប្រទេសនេះបានធ្លាក់ក្នុងភាពចលាចលនយោបាយចាប់តាំងពីខែមុនមក ដោយលោក Yoon បានផ្គើនទៅនឹងដីកាចាប់ខ្លួនពួនសំងំនៅក្នុងគេហដ្ឋានប្រធានាធិបតី ដែលហ៊ុំព័ទ្ធដោយមន្ត្រីសន្តិសុខស្មោះត្រង់រាប់រយនាក់ ហើយរហូតមកដល់ពេលនេះបានប្រឆាំងនឹងកិច្ចខិតខំប្រឹងប្រែងរបស់រដ្ឋអាជ្ញាដើម្បីចាប់ខ្លួនរូបលោក។

ក្រុមអ្នកគាំទ្រការចោទប្រកាន់ទម្លាក់តំណែងលោកប្រធានាធិបតីកូរ៉េខាងត្បូង Yoon Suk Yeol អង្គុយតវ៉ានៅខាងមុខគេហដ្ឋានផ្លូវការរបស់លោក។

ក្រុមអ្នកស៊ើបអង្កេតបានផ្អាកការប៉ុនប៉ងចាប់ខ្លួនប្រធានាធិបតីកូរ៉េខាងត្បូង Yoon Suk Yeolកាលពីថ្ងៃសុក្រ។

ក្រុមបាតុកររាប់ពាន់នាក់មានទាំងអ្នកគាំទ្រ និងប្រឆាំងលោក Yoon បានប្រមូលផ្តុំគ្នានៅមុខគេហដ្ឋាន និងនៅតាមដងផ្លូវំាន់្នុងទីក្រុងសេអ៊ូលកាលពីថ្ងៃសៅរ៍ ដោយទាមទារឱ្យចាប់ខ្លួនរូបលោក ខណៈក្រុមអ្នកគាំទ្រអំពាវនាវឱ្យមានការបញ្ជាក់ថាការចោទប្រកាន់ទម្លាក់តំណែងលោកគ្មានសុពលភាព៕