សម្តេចធិបតី ផ្ញើសារជូនពរសម្តេចតេជោ ហ៊ុន សែន ក្នុងឱកាសខួប ៤៩ឆ្នំា នៃចំណង​អាពាហ៍ពិពាហ៍

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី៥ ខែមករា ឆ្នាំ២០២៤នេះ បាន​ផ្ញើសារជូនពរដល់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និង​ជា​ប្រធាន​គណបក្ស​ប្រជាជន​កម្ពុជា​ក្នុង​ឱកាស​ជ័យ​មង្គល​ខួប​អនុស្សាវរីយ៍ ៤៩ឆ្នាំ​នៃចំ​ណង​អាពាហ៍​ពិពាហ៍(​៥.១.១៩៧៦-៥.១.២០២៤)។

សម្តេចធិបតី នាយករដ្ឋមន្រ្តីបានលើកឡើងថា ក្នុងឱកាសជ័យមង្គលខួបអនុស្សាវរីយ៍ ៤៩ឆ្នាំ នៃ​ចំណងអាពាហ៍ពិពាហ៍ ០៥.០១.១៩៧៦ – ០៥.០១.២០២៤ សូម​គោរព​ជូន​ពរ​សម្ដេច​អគ្គ​មហា​សេនាបតីតេជោ ហ៊ុន សែន ប្រធាន​ឧត្ដមប្រឹក្សាផ្ទាល់ព្រះមហាក្សត្រ និង​សម្ដេច​កិត្តិ​ព្រឹទ្ធ​បណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ទទួលបាននូវសុខភាពល្អបរិបូរណ៍ កម្លាំង​ពលំ​មាំមួន បញ្ញាញាណភ្លឺថ្លា ជន្មាយុយឺនយូរ ដើម្បីរួមចំណែកក្នុងការកសាង និង​អភិវឌ្ឍន៍មា​តុភូមិឱ្យកាន់តែរីកចម្រើនរុងរឿងថែមទៀត ក្រោមម្លប់សន្តិភាព។ សូមសម្ដេចតេជោ និង​សម្ដេចកិត្តិព្រឹទ្ធបណ្ឌិត ព្រមទាំងបុត្រាបុត្រី និងចៅប្រុសចៅស្រីជាទីស្រឡាញ់ សូម​សម​ប្រកប​ដោយសុ​ខភាពល្អ បវរសួស្ដី សិរីមង្គល វិបុលសុខមហាប្រសើរគ្រប់ប្រការ។

សូមជម្រាបថា ថ្ងៃទី៥ ខែមករា ឆ្នាំ២០២៥ នេះ គឺខួបអាពាហ៍ពិពាហ៍ ៤៩ឆ្នាំ របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ សម្តេចតេជោ និងសម្តេចកិត្តិព្រឹទ្ធបណ្ឌិតមិនបានរៀបការតាមបែបប្រពៃណី និងឱ្យគគ្រឹកគគ្រេងឡើយដោយសារតែកាលនោះគឺប្រជាជនកម្ពុជាកំពុងតែរងទុក្ខវេទនាក្នុងសម័យរបបប្រល័យពូជសាសន៍ ប៉ុល ពត។

ជីវិតប្តីប្រពន្ធរវាងសម្តេចតេជោ និងសម្តេចកិត្តិព្រឹទ្ធបណ្ឌិតក្នុងសម័យ ប៉ុល ពត នោះគឺគ្មានឡើយសេចក្តីសុខ។ សម្តេចតេជោ និងសម្តេចកិត្តិព្រឹទ្ធបណ្ឌិតបានតស៊ូរួមគ្នា ឆ្លងកាត់ការលំបាកជាច្រើនក្នុងសម័យខ្មែរក្រហមនោះ ប៉ុន្តែយ៉ាងណាលោកទាំងទ្វេមិនដែលបោះបង់គ្នាឡើយ៕