ក្រសួងមហាផ្ទៃដាក់ដំណើរការទីស្នាក់ការផ្តល់សេវាលិខិតឆ្លងដែននៅខេត្តសៀមរាប

ក្រសួងមហាផ្ទៃ បានសម្ពោធដាក់ឱ្យដំណើរការ ទីស្នាក់ការផ្តល់សេវាលិខិតឆ្លងដែន នៅខេត្តសៀមរាបហើយ កាលពីរសៀលថ្ងៃទី០៤ ខែមករា ឆ្នាំ២០២៥នេះ។ការដាក់សម្ភោធទីស្នាក់ការនេះ ក្រោមអធីបតីភាពឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ឯកឧត្តម ឧត្តមសេនីយ៍ឯក តុប នេត អគ្គនាយកនៃអគ្គនាយកដ្ឋានអត្តសញ្ញាណកម្មក្រសួងមហាផ្ទៃ លើកឡើងថា ការបង្កើតទីស្នាក់ការនេះ ដើម្បីបង្កើនប្រសិទ្ធភាពនៃការផ្តល់សេវាឱ្យកាន់តែល្អជូនប្រជាពលរដ្ឋ ស្របតាមយុទ្ធសាស្ត្របញ្ចកោណ ដំណាក់កាលទី១របស់រាជរដ្ឋាភិបាលកម្ពុជា ជាពិសេសទីស្នាក់ការនេះ បានជួយកាត់បន្ថយការចំណាយធ្វើដំណើរទៅធ្វើលិខិតឆ្លងដែនផ្លូវឆ្ងាយរបស់ប្រជាពលរដ្ឋ ។ឯកឧត្តម បន្ដថា ការផ្តល់លិខិតឆ្លងដែន នៅខេត្តសៀមរាបនេះ នឹងជួយបង្ខិតសេវាកម្មធ្វើលិខិតឆ្លងដែនកាន់តែជិតប្រជាពលរដ្ឋនៅមូលដ្ឋាន ទូទាំងប្រទេសកម្ពុជា ដោយប្រជាជាពលរដ្ឋអាចមកធ្វើលិខិតឆ្លងដែននៅខេត្តសៀមរាបបាន មិនចាំបាច់តែធ្វើនៅរាជធានីភ្នំពេញនោះទេ ដែលនេះជាកិច្ចខិតខំរបស់រាជរដ្ឋាភិបាល ដែលមានក្រសួងមហាផ្ទៃជាសេនាធិការ។

ឯកឧត្តម ឧត្តមសេនីយ៍ឯក តុប នេត បញ្ជាក់ថា ីស្នាក់ការផ្តល់សេវាលិខិតឆ្លងដែន ្ថិតៅជាន់ទី ផ្សារទំនើប The Heritage Walk អគារលេខ១៥៨ ផ្លូវជាតិលេខ៦ ភូមិមណ្ឌល២ សង្កាត់ស្វាយដង្គំ ក្រុងសៀមរាប ខេត្តសៀមរាប ដែលនឹងផ្តល់សេវា ពីម៉ោង ៩:០០ព្រឹក ដល់ម៉ោង ៤:០០រសៀល – ពីថ្ងៃពុធ ដល់ថ្ងៃអាទិត្យ ដោយឈប់សម្រាកថ្ងៃចន្ទ និងថ្ងៃអង្គារ ព្រមទាំងថ្ងៃឈប់សម្រាកផ្លូវការ។សូមជម្រាបថា ក្រៅពីរាជធានីភ្នំពេញ និងខេត្តសៀមរាបដែលទើបបើកដំណើរការទីស្នាក់ការផ្តល់លិខិតឆ្លងដែននេះ ពលរដ្ឋកម្ពុជាក៏ស្វែងរកការផ្តល់សេវាកម្មលិខិតឆ្លងដែន នៅខេត្តបាត់ដំបង និងក្រុងប៉ោយប៉ែត ខេត្តបន្ទាយមានជ័យផងដែរ៕