ពុទ្ធិកបឋមសិក្សានៅស្រុកព្រៃកប្បាសបើកការប្រឡងវិញ្ញាបនបត្រធម្មវិន័យសម្រាប់ឆ្នាំសិក្សា ២០២៤-២០២៥

ថ្លែងក្នុងឱកាសអញ្ជើញកាត់ ស្រោមវិញ្ញាសារប្រឡងវិញ្ញាបនបត្រធម្មវិន័យ ថ្នាក់ត្រី ទោ ឯក សម្រាប់ឆ្នាំសិក្សា២០២៤-២០២៥ នៅមណ្ឌលប្រឡងទី៥ សាលាពុទ្ធិកបឋមសិក្សាបារមីគោតម ស្ថិតក្នុងឃុំ ពោធិ៍រំចាក ស្រុកព្រៃកប្បាស ខេត្តតាកែវ លោក ឌឹម គឹមសាន អភិបាលស្រុកព្រៃកប្បាសបានថ្លែងថា ដើម្បីធានាឱ្យបានប្រសិទ្ធភាពក្នុងការប្រឡងធម្មវិន័យ បេក្ខៈ សាមណៈសិស្សទាំងអស់ត្រូវខិតខំប្រឹងប្រែង និងបញ្ចេញឱ្យអស់ពីសមត្ថភាព ហើយត្រូវតែមានការជឿជាក់លើគណៈកម្មាធិការប្រឡងព្រោះការប្រឡងក្នុងវិស័យពុទ្ធចក្រនិងអាណាចក្រគឺមានភាពតម្រឹងដូចគ្នានិងមានពាក្យស្លោកដូចគ្នាចេះគឺជាប់។

លោកអភិបាលស្រុកបានថ្លៃបន្តថា ដូចការប្រឡងហើយអាណាចក្រដែរ បេក្ខជនប្រឡងទាំងអស់ត្រូវ រក្សាអោយបានសណ្តាប់ធ្នាប់ក្នុងពេលប្រឡង មិនត្រូវបង្កភាពរញ៉េរញ៉ៃ ដោយលួចចម្លងគ្នា ឬយកប្រយ៉ុងចូលក្នុងបន្ទប់ប្រឡង រឺមានការផ្លាស់ប្ដូរបេក្ខៈសាមណៈប្រឡងឡើយនិងមិនត្រូវដើរឆ្លងពីតុមួយទៅតុមួយទៀតនោះទេ ពោលធ្វើយ៉ាងណា គោរពជាដាច់ខាត និងអនុវត្តឲ្យបានល្អ នូវបញ្ជា្ផផ្ទៃក្នុងរបស់មណ្ឌលប្រឡង ហើយបើសិនជាមានបេក្ខៈសមណៈរូបណាប្រព្រឹត្តផ្ទុយនឹងបទបញ្ជា នឹងត្រូវធ្លាក់ដោយស្វ័យប្រវត្តិ ។

សូមបញ្ជាក់ដែរថាសម្រាប់ មណ្ឌលប្រឡងទី៥នេះ មាន២ស្រុកចូលរួមគឺស្រុកព្រៃកប្បាស និងស្រុកអង្គរបូរីដោយមានបេក្ខៈសមណៈ ប្រឡងសរុបចំនួន ៣២៦អង្គ/នាក់ ចែកចេញជា១៤បន្ទប់ក្នុងនោះ៖

-ថ្នាក់ត្រី ចំនួន១៧៥អង្គ/នាក់ ស្មើនឹង០៧បន្ទប់

-ថ្នាក់ទោ ចំនួន៩៣អង្គ/នាក់ ស្មើនឹង០៤បន្ទប់

-ថ្នាក់ឯក ចំនួន៥៨អង្គ/នាក់ ស្មើនឹង០៣បន្ទប់

ដោយឡែកសម្រាប់មណ្ឌលប្រឡងនេះមានការគាំទ្រ និងទំនុកបំរុង ទាំងផ្នែកចង្ហាន់ ភេសជ្ជៈ ជូនបេក្ខៈសាមណៈប្រឡងទាំងអស់ដោយ ព្រះគ្រូសីលាភិមុនី សែម សុខណេង ទីប្រឹក្សាផ្ទាល់សម្ដេចព្រះសង្ឃនាយក នៃព្រះរាជាណាចក្រកម្ពុជាព្រះមន្រ្តីសង្ឃជំនួយការសាលាអនុគណស្រុកព្រៃកប្បាស និងជាព្រះចៅអធិការវត្តបារមីគោតម រួមនិងពុទ្ធបរិស័ទជិតឆ្ងាយជាច្រើនាក់ផងដែរ៕