NatureLife៖ ចំនួនសត្វក្រៀលនៅតំបន់ដីសណ្ដមេគង្គក្រោមក្នុងប្រទេសកម្ពុជាថយចុះជាងឆ្នាំ២០២៣

អង្គការជីវិតធម្មជាតិនៅកម្ពុជា (NatureLife Cambodia) បានឱ្យដឹងថា ចំនួនសត្វក្រៀលនៅតំ បន់ដីសណ្ដមេគង្គក្រោមក្នុងប្រទេសកម្ពុជា ចយចុះជាងឆ្នាំ២០២៣ ដែលការថយចុះនេះបណ្ដាលមកពី កត្តាប្រឈមមួយចំនួន ដូចជា ការប្រែប្រួលទីជម្រក ការរំខានពីសកម្មភាពមនុស្សចូលនេសាទ និងការ លែងសត្វក្របីច្រើនពាសវាលពាសកាលក្នុងតំបន់ការពារ ជាដើម។

អង្គការជីវិតធម្មជាតិនៅកម្ពុជា កាលពីថ្ងៃទី៣០ និង៣១ ខែធ្នូ ឆ្នាំ២០២៤ សហការជាមួយមន្ទីរ បរិស្ថានខេត្តតាកែវ និងកំពត បានធ្វើជំរឿនសត្វក្រៀលប្រចាំខែធ្នូ ឆ្នាំ២០២៤ នៅតំបន់ការពារទេសភាព បឹងព្រែកល្ពៅ ក្នុងខេត្តតាកែវ និងតំបន់ការពារទេសភាពអន្លង់ព្រីង ក្នុងខេត្តកំពត។ ការធ្វើជំរឿននេះមាន ការចូលរួមពីមន្ត្រីឧទ្យានុរក្ស មន្ត្រីកងរាជអាវុធហត្ថ សហគមន៍មូលដ្ឋាន អ្នកស្ម័គ្រ និងបុគ្គលិកអង្គការជីវិត ធម្មជាតិនៅកម្ពុជា ចំនួន១៣រូប ។

លទ្ធផលជំរឿន បានកត់ត្រាសត្វក្រៀល ចំនួន៥២ក្បាល (ជំទង់ ១២) មានវត្តមាននៅតំបន់ដី សណ្ដមេគង្គក្រោមប្រទេសកម្ពុជា។ ក្នុងនោះ សត្វក្រៀល ចំនួន៤៤ក្បាល (ជំទង់ចំនួន១១) មានវត្តមាន ក្នុងតំបន់ការពារទេសភាពបឹងព្រែកល្ពៅ និងចំនួន៨ក្បាល (ជំទង់១) មានវត្តមានក្នុងតំបន់ការពារទេស ភាពអន្លង់ព្រីង។ ចំនួន៥២ក្បាលនេះ គឺបានថយចុះ១៥ក្បាល (២២.៣៩%) ធៀបនឹងចំនួនក្នុងខែធ្នូ ឆ្នាំ២០២៣ ដែលមានចំនួនសរុប៦៧ក្បាល ។

អង្គការជីវិតធម្មជាតិនៅកម្ពុជា បានសំណូមពរដល់សហគមន៍ អាជ្ញាធរមូលដ្ឋាន និងប្រជាពរដ្ឋ ទូទាំងប្រទេស ចូលរួមការពារតំបន់ដីសើមនេះ និងនិយាយថាទេចំពោះការបរិភោគសាច់សត្វព្រៃគ្រប់ ប្រភេទ ។ «រួមទាំងអស់គ្នា យើងអាចការពារបក្សីដ៏កម្រនេះ និងទីជម្រករបស់វា» ៕