ក្រុមអ្នកគាំទ្រ និងប្រឆាំងការចោទប្រកាន់ទម្លាក់តំណែងប្រធានាធិបតីកូរ៉េខាងត្បូង នៅតែបន្តប្រមូលផ្ដុំគ្នាជិតលំនៅដ្ឋានលោកYoon

មនុស្សរាប់រយនាក់ដែលគាំទ្រលោក Yoon Suk Yeol ប្រធានាធិបតីដែលត្រូវបានចោទប្រកាន់ទម្លាក់តំណែង និងក្រុមអ្នកដែលកំពុងអំពាវនាវឱ្យចាប់ខ្លួនលោកជាបន្ទាន់ បានប្រមូលផ្តុំគ្នានៅជិតលំនៅដ្ឋានប្រធានាធិបតីនៅថ្ងៃពុធទី៨មករានេះ មួយថ្ងៃបន្ទាប់ពីតុលាការបានបន្តដីកាឃុំខ្លួនលោកជុំវិញការប្រកាសច្បាប់អាជ្ញាសឹករបស់លោក។

ក្រុមអ្នកគាំទ្រប្រហែល៦០០នាក់បានប្រមូលផ្តុំគ្នានៅផ្លូវមួយក្បែរស្ថានីយ៍រថភ្លើង ហានកាងជីន

(Hangangjin)ភាគច្រើនមកពីក្រុមពលរដ្ឋអភិរក្សដែលដឹកនាំដោយមេដឹកនាំសាសនា លោក ជេអ៊ុន ក្វាងហ៊ុន (Jeon Kwang-hoon)និងសហជីពសេរីភាព(Freedom Union)ដែលជាអង្គការអភិរក្សមួយផ្សេងទៀត។

ដោយកាន់ដំបងភ្លើងពណ៌ក្រហម និងគ្រវីទង់ជាតិកូរ៉េខាងត្បូង និងអាមេរិក ក្រុមអ្នកគាំទ្របានស្រកថា ចាប់ខ្លួនលោក លចេ -មីយ៉ុង (Lee Jae-myung) ដោយសំដៅលើមេដឹកនាំបក្សប្រឆាំង និង យើងប្រឆាំងការការចោទប្រកាន់ទម្លាក់តំណែងនេះ។

ក្រុមអ្នកគាំទ្របានអះអាងថា ដីកាឃុំខ្លួនលោក Yoon គឺខុសច្បាប់ ព្រោះការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ (CIO) ដែលកំពុងដឹកនាំការស៊ើបអង្កេតលើការចោទប្រកាន់ពីបទបះបោរទាក់ទងនឹងក្រឹត្យច្បាប់អាជ្ញាសឹករបស់លោក Yoon មិនត្រូវបានអនុញ្ញាតឱ្យស៊ើបអង្កេតការបះបោរនោះទេ។

ការជួបជុំដាច់ដោយឡែកមួយទៀត ដែលបានទាមទារឱ្យមានការចាប់ខ្លួនលោកYoon ជាបន្ទាន់ ត្រូវបានធ្វើឡើងនៅក្បែរនោះដែរ ដោយមានមនុស្សរាប់សិបនាក់បានជំរុញឱ្យ CIO អនុវត្តដីកានេះឱ្យលឿន៕