សមាគមវិស័យឯកជនដើរតួនាទីយ៉ាងសំខាន់ ជាមួយរាជរដ្ឋាភិបាល​ តាមរយៈការងារមនុស្សធម៌ និងសង្គម

រយៈពេល១ឆ្នាំកន្លងមកនេះ សមាគមគ្រឹះស្ថានឧត្តមសិក្សាបច្ចេកទេស និងបណ្តុះបណ្តាលវិជ្ជាជីវៈឯកជន បានធ្វើសកម្មភាពដើម្បី រួមចំណែកអភិវឌ្ឍវិស័យអប់រំ និងធនធានមនុស្សប្រកបដោយប្រសិទ្ធភាពជាមួយរាជរដ្ឋាភិបាលកម្ពុជា ។

នៅព្រឹកថ្ងៃទី១២ ខែមករា ឆ្នាំ២០២៥នេះ សមាគមគ្រឹះស្ថានឧត្ដមសិក្សាបច្ចេកទេស និងបណ្ដុះបណ្ដាលវិជ្ជាជីវៈឯកជន បានបើកកិច្ចប្រជុំស្ដីពីការបូកសរុបលទ្ធផលការងារកន្លងមក និងលើកទិសដៅ ការងារបន្ដរបស់សមាគមក្រោមអធិបតីភាពឯកឧត្តមបណ្ឌិត ណុប នរិន្ទ ប្រធានសមាគមគ្រឹះស្ថានឧត្ដមសិក្សាបច្ចេកទេស និងបណ្ដុះបណ្ដាលវិជ្ជាជីវៈឯកជន។

ក្នុងឱការនោះ ឯកឧត្តមបណ្ឌិត ណុប នរិន្ទ មានប្រសាសន៍ថា កន្លមងមក និងបច្ចុប្បន្នសមាគម បានចូលរួមចំណែកការងារមនុស្សធម៌ និងសង្គមសម្រេចបានជាច្រើន តាមផ្តល់អាហារូបករណ៍ជូនសម្ដេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត តាមរយៈសម្ដេចមហាបវរធិបតី ហ៊ុន ម៉ាណែត និងលោកជំទាវ​បណ្ឌិត ចំនួន​៥៤០ កន្លែង, ឯកឧត្ដមអភិសន្ដិបណ្ឌិត ស សុខា ចំនួន៤០០កន្លែង, និងផ្ដល់អាហារូបករណ៍ជូនថ្នាក់ដឹកនាំផ្ស ដើម្បីផ្ដល់ូនសិស្ស-និស្សិតក្រីក្រជារៀងរាល់ឆ្នាំ។

ក្នុងនោះ សមាគម បានដឹកនាំសិស្សនិសិ្សតអាហារូបករណ៍សម្តេចតេជោ ហ៊ុន សែន និងសម្តេចកិត្តិព្រឹទ្ធណ្ឌិត ​និស្សិតអាហារូបករណ៍​សហភាពសហព័ន្ធយុវជនកម្ពុជា ចុះទស្សនកិច្ចសិក្សានៅតាមរមណីយដ្ឋាន និងតំបន់ប្រវត្ដសាស្ដ្រនានា ដូចជា ប្រាសាទព្រះវិហារ ,ប្រាសាទកោះកេរ , ប្រាសាទអង្គរវត្ត- និងចូលរួមដាំកូនឈើចំនួន១០៤០ដើម និងក្រាលស្មៅ តាមដើមឈើ​ក្នុងតំបន់បរិវេណអង្គរ នៅខេត្តសៀមរាបផងដែរ ។

បើតាមឯកឧត្តមបណ្ឌិត ណុប នរិន្ទ បានលើកឡើងថា សមាគមបានបើកដំណើរមកដល់ពេលនេះ ក្រៅពីការងារអប់រំ បណ្ដុះបណ្ដាលបច្ចេកទេសវិជ្ជាជីវៈ សមាគមបានចូលរួមចំណែកយ៉ាង សកម្មនៅក្នុងកិច្ចការសង្គម និងមនុស្សធម៌ ដូចជា៖ ចូលរួមឧបត្ថម្ភដល់ពលរដ្ឋមានជីវភាពខ្វះខាត លោកគ្រូសាស្ត្រា សិស្សិនិស្សិត ដែលជួបបញ្ហាដោយជំងឺ គ្រោះថ្នាក់ចរាចរណ៍ដែលកំពុងសម្រាកព្យាបាល ចូលរួមបរិច្ចាគឈាមជូន មជ្ឈមណ្ឌលជាតិផ្ដល់ឈាម, ឧបត្ថម្ភថវិកាដល់កាកបាទក្រហមកម្ពុជា, បានចូលរួមបរិច្ចាកថវិកាក្នុងយុទ្ធនាការ ១ម៉ឺននាក់ ១ម៉ឺនរៀល ដើម្បីមូលនិធិគន្ធបុប្ផាកម្ពុជា ។

ឯកឧត្តមបណ្ឌិត បានបន្ដថា សមាគម បានចូលរួមចំណែកការងារមនុស្សធម៌ជាមួយរាជរដ្ឋាភិបាល តាមរយៈការអភិវឌ្ឍធនធាន សកម្មភាពមនុស្សធម៌ជាច្រើន ហើយសមាគមខិតខំប្រឹងប្រែងចូលរួមការងារ មនុស្សធម៌ ជាមួយរាជរដ្ឋាភិបាលរហូតមកដល់សព្វថ្ងៃនេះ ។

ឯកឧត្តមបណ្ឌិត ណុប នរិន្ទ បានបញ្ជាក់បន្ថែមទៀតថា ទិសដៅការងារបន្ដ បន្ដពង្រឹងសមាជិកដែលកំពុងមានស្រាប់ និងពង្រីកសមាជិក សមាជិកាថ្មីបន្ថែមទៀត។បន្ដចូលរួមសកម្មភាព សសយក ក្នុងកិច្ចការសង្គម។បន្ដផ្សព្វផ្សាយសកម្មភាព ស ស យ ក ដើម្បីឱ្យបណ្ដាគ្រឹះស្ថានសិក្សា មជ្ឈមណ្ឌលបណ្ដុះបណ្ដាល​វិជ្ជាជីវៈ អង្គការ ក្រុមហ៊ុនដៃគូ ឱ្យយល់ពីសកម្មភាពសង្គមដែលស្មារតី ស ស យ ក បានធ្វើកន្លង​មក​ឱ្យបាន​ផុសផុល៕