ចំហេះព្រៃនៅ Los Angeles របស់អាមេរិក បង្កក្ដីបារម្ភលើការធានារ៉ាប់រងក្នុងចំណោមជនរងគ្រោះ

អ្នកស្រុកនៅទីក្រុង Los Angeles របស់សហរដ្ឋអាមេរិក បានមើលឃើញលំនៅឋានរបស់ពួកគេឆេះក្លាយទៅជាផេះផង់ ដោយសារតែរលកដ៏កាចសាហាវនៃចំហេះព្រៃ ហើយមនុស្សជាច្រើនមានការភ័យខ្លាចថា គោលនយោបាយធានារ៉ាប់រងរបស់ពួកគេអាចនឹងមិនគ្របដណ្តប់ថ្លៃសាងសង់ឡើងវិញទេ និងថ្លៃបង់លើកក្រោយអាចនឹងឡើងខ្ពស់កប់ពពក។

ចំហេះព្រៃនេះស្ថិតក្នុងចំណោមគ្រោះមហន្តរាយធម្មជាតិដ៏អាក្រក់បំផុតមិនធ្លាប់មានដែលវាយប្រហារលើរដ្ឋកាលីហ្វ័រនីញ៉ា បានសម្លាប់មនុស្សជាង ២០នាក់ និងបានបំផ្លាញ ឬបង្កការខូចខាតយ៉ាងធ្ងន់ធ្ងរលើរចនាសម្ព័ន្ធរាប់ម៉ឺនកន្លែង។

ក្រុមហ៊ុនធានារ៉ាប់រងបានសន្យាជួយម្ចាស់ផ្ទះ ខណៈស្នងការធានារ៉ាប់រងរដ្ឋកាលីហ្វ័រនីញ៉ា លោក Ricardo Lara បានអំពាវនាវឱ្យផ្អាករាល់ការមិនបន្តោលនយោបាយ និងលុបចោលពីក្រុហ៊ុនធានារ៉ាប់រងសម្រាប់រយៈពេលមួយឆ្នាំ។

ភាគហ៊ុនធានារ៉ាប់រងរបស់អាមេរិក បានធ្លាក់ចុះកាលពីថ្ងៃសុក្រសប្ដាហ៍មុន ខណៈអ្នកវិភាគបានប៉ាន់ប្រមាណថា តម្លៃធានារ៉ាប់រងពីចំហេះព្រៃអាចឡើងដល់ ២០ពាន់លានដុល្លារ។ អ្នកព្យាករណ៍ឯកជន អាឃ្យូវ៉េដឺ (AccuWeather) បានប៉ាន់ប្រមាណការខូចខាត និងការបាត់បង់សេដ្ឋកិច្ចពីចំហេះព្រៃ ក្នុងចន្លោះពី ១៣៥ពាន់លានដុល្លារ ទៅ ១៥០ពាន់លានដុល្លារ ដែលបង្ហាញពីកំណើនការចំណាយដ៏លើសលប់លើការធានារ៉ាប់រងរបស់ម្ចាស់បន្ទាប់ពីហេតុការណ៍នេះបញ្ចប់៕