រដ្ឋបាលខណ្ឌ៧មករា ជំរុញដល់មន្រ្តីការិយាល័យច្រកយកចិត្តទុកដាក់ផ្ដល់ឯកសារជូនពលរដ្ឋ និងឲ្យបានលឿនរហ័ស

ដោយមានការយកចិត្តទុកដាក់ពី រដ្ឋបាលរាជធានីភ្នំពេញ លោក ថេង សុថុល អភិបាលខណ្ឌ៧មករា បានជម្រុញដល់មន្រ្តី ឲ្យផ្តល់សេវាបញ្ជាក់ឯកសារនីត្យានុកូលកម្មដល់សិស្សានុសិស្ស ដែលមកសុំសេវានៅការិយាល័យច្រកចេញចូលតែមួយនៃរដ្ឋបាលខណ្ឌ៧មករា។

ជាក់ស្ដែងនៅព្រឹកថ្ងៃចន្ទ ទី១៣ ខែមករា ឆ្នាំ២០២៥ រដ្ឋបាលខណ្ឌ៧មករា លោក ថេង សុថុល អភិបាល នៃគណៈអភិបាលខណ្ឌ៧មករា បានអញ្ជើញចុះហត្ថលេខាដោយផ្ទាល់លើឯកសារនីត្យានុកូលកម្ម ជូនបងប្អូនប្រជាពលរដ្ឋ និងសិស្សានុសិស្ស ទោះក្នុងកាល:ទេស:មមារញឹកយ៉ាងណាក្តី ក៏លោកអភិបាល នៅតែយកចិត្តទុកដាក់ក្នុងការផ្តល់សេវាសាធារណៈជូនប្រជាពលរដ្ឋ ដែលបានមកស្នើសុំសេវា នៅការិយាល័យច្រកចេញចូលតែមួយខណ្ឌ៧មករា អោយបានឆាប់រហ័សទាន់ចិត្ត ទាន់ពេលវេលា និងមានតម្លាភាព និងឲ្យអង្គុយរងចាំឲ្យយកឯកសារ ទៅវិញភ្លាមៗតែម្ដង។

ជាមួយការទទួលយកសេវាបញ្ជាក់ វិញ្ញាបនបត្របណ្តោះអាសន្ននេះ សិស្សានុសិស្ស បានសម្តែងនូវក្ដីសប្បាយរីករាយ ប្រកបដោយស្នាមញញឹម ខណៈថ្នាក់ដឹកនាំ មន្ត្រី ដែលផ្តល់នៅច្រកចេញចូលតែមួយរបស់រដ្ឋបាលខណ្ឌ៧មករាបម្រើប្រជាពលរដ្ឋ ដោយយកចិត្តទុក្ខដាក់ លឿនាលវេលា ្រកបដោយសុជីវធម រួសរាយរាក់ទាក់។ សិស្សានុសិស្សបន្តថ្លែងអំណរអរគុណដល់ថ្នាក់ដឹកនាំខណ្ឌ៧មករា ដែលយកចិត្តទុកដាក់ពីការផ្ដល់ឯកសារជូនដល់ពួកគាត់ ក៏ដូចជាប្រជាពលរដ្ឋ ដទៃផ្សេងទៀត បានលឿន និងឲ្យរងចាំយកឯកសារ វិញភ្លាមៗតែម្ដង។

ជាចុងក្រោយអាជ្ញាធរក៏ដូចជាមន្ត្រីជំនាញនៃការិយាល័យច្រកចេញចូលតែមួយ របស់រដ្ឋបាលខណ្ឌ៧មករា សំណូមពរដល់ប្រជាពលរដ្ឋក៏ដូចជាសិស្សានុសិស្ស​សូមមកទទួលសេវាដោយផ្ទាល់នៅការិយាល័យច្រកកុំប្រើសេវាពឹងពាក់ទៅលើអ្នកដទៃនាំឲ្យខាតបង់ពេលវេលានិងប្រាក់កាស៕ អត្ថបទ៖ កុម្ភៈ