អតីតយុទ្ធជន និងពលរដ្ឋធ្លាប់ឆ្លងកាត់សម័យសង្គ្រាមគាំទ្រការបង្កើតច្បាប់ភេរវកម្ម

អតីតយុទ្ធជន និងពលរដ្ឋធ្លាប់ឆ្លងកាត់សម័យសង្គ្រាម យល់ឃើញថា ការតាក់តែងច្បាប់ដាក់ក្រុម ជ្រុលនិយមទៅជាក្រុមភេរវកម្ម គឺអាចធានានិរន្តរភាពសុខសន្តិភាពនៅក្នុងប្រទេសកម្ពុជា និង​ស្នើ​ដល់​រាជរដ្ឋាភិបាលគួរពន្លឿនការបង្កើតច្បាប់ថ្មីនេះ តាមសំណើផ្តួចផ្តើមរបស់សម្តេចតេជោ ហ៊ុន សែន ប្រធានព្រឹទ្ធសភា ។

អតីតយុទ្ធជនរស់នៅក្នុងរាជធានីភ្នំពេញ នៅថ្ងៃទី១៣ ខែមករា នេះ បានប្រាប់BTVថា ជាការពិត ណាស់កន្លងទៅ និងបច្ចុប្បន្ន ក្រុមជ្រុលនិយមនៅក្រៅប្រទេស តែង​តែ​អុជ​អាល​ប្រជា​ពលរដ្ឋ​ឱ្យ​ប្រឆាំង​រាជរដ្ឋាភិបាលស្របច្បាប់ ដែលកើតចេញពីឆន្ទៈរបស់ប្រពលរដ្ឋ។ ការអុជអាលដដែលៗ គឺដើម្បីផលប្រ យោជន៍បក្សពួកខ្លួនប៉ុណ្ណោះ មិនបា​ន​គិតគូរ​ពី​ផល​ប្រយោជន៍​ប្រទេស​ជាតិ​ពិត​ប្រាកដ​នោះ​ទេ ម្លោះហើយ ការបង្កើតច្បាប់ថ្មី ដាក់ក្រុមជ្រុលនិយមទៅជាក្រុមភេរវកម្ម ពិត​មាន​ជា​មាន​សារ​សំខាន់ណាស់ ដើម្បីធានា និរន្តរភាពសុខសន្តិភាពនៅក្នុងប្រទេសកម្ពុជា ។

អតីតយុទ្ធជន បានសំដែងការគាំទ្រចំពោះគំនិតផ្ចតើមរបស់សម្តេចតេជោ ហ៊ុន សែន ប្រធាន ព្រឹទ្ធសភា ឱ្យបង្កើតច្បាប់ដាក់ក្រុមជ្រុលនិយមនៅក្រៅប្រទេសជាក្រុមភេរវកម្ម។

ពលរដ្ឋ​ធ្លាប់​ឆ្លងកាត់សម័យសង្គ្រោម បានលើកឡើងថា បច្ចុប្បន្ន ប្រទេសជាតិ មានសុខសន្តិភាព ពេញ​លេញ រស់នៅសុខស្រួល ដូច្នេះពួក​គេ​មិន​ស្តាប់​តាម​ការ​ញុះញង់​របស់​ក្រុម​ជ្រុលនិ​យម​ដែល​មាន​​បំណងចង់ផ្តួលរម្លំរាជរដ្ឋាភិបាលស្របច្បាប់នោះទេ។ លើសពីនេះ ប្រជាពលរដ្ឋ​បាន​ស្នើ​ដល់​រាជ​រដ្ឋាភិបាល គួរពន្លឿនការបង្កើតច្បាប់ដាក់ក្រុមជ្រុលនិយមទៅជាក្រុមភេរវកម្ម ដើម្បីទប់​ស្កាត់​អស្ថិរ​ភាព​សង្គម។

គំនិតផ្តួចផ្ដើមរបស់សម្តេចតេជោ ហ៊ុន សែន ប្រធានព្រឹទ្ធសភា បង្កើតច្បាប់ដាក់ក្រុមជ្រុលនិយម ទៅ​ជា​ក្រុមភេរវកម្ម ត្រូវបានអ្នកនយោបាយ ក្រុមអង្គការស៊ីវិល ប្រជាពលរដ្ឋ និងស្ថានប័ន​ពាក់​ព័ន្ធ​នានា ប្រកាសគាំទ្រជាបន្តបន្ទាប់៕ អត្ថបទ៖ សោភ័ណ