ធនាគារជាតិបោះផ្សាយលក់មូលបត្ររដ្ឋលើកទី៣០ ក្នុងទំហំជួញដូរ ៥០០ប៊ីលានរៀល

ធនាគារជាតិនៃកម្ពុជា បោះផ្សាយលក់មូលបត្ររដ្ឋលើកទី៣០ ក្នុងទំហំ​ជួញ​ដូរ​មាន​ទឹក​ប្រាក់​ប្រមាណ ៥០០ប៊ីលានរៀល កំណត់ ដោយក្រសួងសេដ្ឋកិច្ច និងហិរញ្ញវត្ថុ ដោយមានតម្លៃ​ចារឹក​ក្នុង​មួយ​ប័ណ្ណ ១ លានរៀល នៅក្នុងឥណប្រតិទានដែលមានកំណត់ នៅតាម ចំនួនឆ្នាំនីមួយៗ។

ធនាគារជាតិនៃកម្ពុជា ចេញសេចក្តីជូនដំណឹង ស្តីពីការបោះផ្សាយមូលបត្ររដ្ឋលើកទី ៣០ ដល់​គ្រឹះស្ថានធនាគារនិងហិរញ្ញវត្ថុ នៃការដាក់ឱ្យដេញថ្លៃមូលបត្ររដ្ឋ ដោយប្រព្រឹត្តទៅថ្ងៃទី ២២ ខែ មករា ឆ្នាំ ២០២៤ ខាងមុខនេះ តាមប្រព័ន្ធដេញថ្លៃលើថ្នាលរបស់ ធនាគារជាតិនៃកម្ពុជា (National Bank of Cambodia Platform – NBCP) ចាប់ពីម៉ោង ៨ ព្រឹក ដល់ម៉ោង ២ រសៀល​។

ចំពោះការដាក់ដេញថ្លៃនៃការបោះផ្សាយមូលបត្ររដ្ឋនេះ គឺជាភេទមូលបត្រឥណប្រតិទាន (ការ​ទូទាត់​ ឬកាលកំណត់) ១ ឆ្នាំ, ដោយមានទំហំសរុប (មិនមានការកំណត់), មានតម្លៃ​ចារឹក​មួយ​ឯកតា (ឬមួយប័ណ្ណ) ១ លានរៀល, អត្រាគូប៉ុង ២,៨០% (ថេរ), ថ្ងៃទូទាត់នៅថ្ងៃទី ២៤ ខែ មករា ឆ្នាំ២០២៥, ចំណែករយៈពេលទូទាត់គូប៉ុង នឹងធ្វើឡើងរៀងរា់ ខែម្តង និងមាន​កំណត់​លក្ខ​ខណ្ឌ ជាច្រើនទៀត នៅក្នុងសេចក្តីជូនដំណឹងរបស់ធនាគារជាតិនៃកម្ពុជា។

ជុំវិញការបោះផ្សាយមូលបត្ររដ្ឋនេះ ក្រសួងសេដ្ឋកិច្ច និងហិរញ្ញវត្ថុ ក៏បាន​ជម្រាប​ជូន​ដំណឹង​ដល់​វិនិយោគិន​សក្កានុពលទាំង អស់ នៃការអនុលោម​តាម​ច្បាប់​ស្តីពី​ហិរញ្ញវត្ថុ សម្រាប់​ការ​គ្រប់​គ្រង​ឆ្នាំ​២០២៥ ​និងក្របខ័ណ្ឌ​គោល​នយោបាយ ស្តីពីការអភិវឌ្ឍមូលបត្រ រដ្ឋ ២០២៣-២០២៨ របស់​រាជ​រដ្ឋាភិបាល, ក្នុងនោះសម្រាប់ឆ្នាំ២០២៥នេះ ក្រសួងសេដ្ឋកិច្ច និងហិរញ្ញវត្ថុ នឹងធ្វើការ​បោះ​ផ្សាយ​លក់ មូលបត្ររដ្ឋ តាមរយៈការដេញថ្លៃនៅលើថ្នាលរបស់ធនាគារជាតិនៃកម្ពុជា NBCP ក្នុង​ទំហំ ៥០០ ប៊ីលានរៀល សមមូលប្រមាណ ១២៣ លានដុល្លារអាមេរិក សម្រាប់​ជា​ហិរញ្ញប្ប​ទាន​ចំណាយ​លើកា​រវិនិយោគនៅលើវិស័យជាច្រើន ដែលជាវិស័យអាទិភាពរបស់ រាជរដ្ឋាភិបាល និង​ក៏​ជា​ការ​រក្សាតុល្យភាពថវិកាជាតិផងដែរ៕ អត្ថបទ៖ សុន រ៉ាឌី