សម្តេចធិបតីដាក់ឈ្មោះឲ្យទណ្ឌិតក្បត់ជាតិបីជំនាន់ថា ជាអ្នកវិភាគជើង១០ភ្នែក៥ ខណៈអង្គុយតែរិះគន់ ដើម្បីគេងចំណេញនយោបាយ

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានហៅក្រុមទណ្ឌិតក្បត់ជាតិបីជំនាន់ និងអ្នកវិភាគមួយក្តាប់តូចថា ជាមនុស្សជើង១០ ភ្នែក៣ និងភ្នែក៥ ខណៈក្រុមឧទ្ទាមក្រៅច្បាប់ទាំងនោះ អង្គុយតែរិះគន់រាជរដ្ឋាភិបាល ដើម្បីតែគេងចំណេញនយោបាយ,មានការគុំគួន និងច្រណែនឈ្នានីសជាដើមនោះ។

ការចំអកចំៗដល់ក្រុលក្រុមឧទ្ទាមក្រៅច្បាប់ទាំងនោះ គឺបានធ្វើឡើងនៅក្នុងឱកាសដែលសម្តេច អញ្ជើញសម្ពោធដាក់ឱ្យប្រើប្រាស់ជាផ្លូវការសមិទ្ធផលសំខាន់ៗ ក្នុងភូមិប៊ុនរ៉ានីសែនជ័យ ដំណាក់ទ្រយឹង ស្ថិតនៅក្នុងឃុំព្រងិល ស្រុកភ្នំក្រវាញ ខេត្តពោធិ៍សាត់ នាថ្ងៃទី២០ ខែមករា ឆ្នាំ២០២៥នេះ។

សម្តេចធិបតីនាយករដ្ឋមន្រ្តី បានសង្កត់ធ្ងន់ថា ក្នុងរយៈពេលប៉ុន្មានថ្ងៃចុងក្រោយនេះ មានក្រុមនក វិភាគមួយក្តាប់តូចដែលំពុងនីរទេសខ្លួននៅក្រៅប្រទេស ​បាន​កំពុង​វាយប្រហារដល់​រាជ​រដ្ឋាភិបាលយ៉ាងខ្លាំង​លើតម្លៃស្រូវ​ ដោយចោទរាជរដ្ឋាភិបាលថា មិនបានអើពើដល់ប្រជាកសិករ។ ប៉ុន្តែការវាយប្រហារ ​និងការរិះគន់របស់ពួកទាំងនោះមិនមែនធ្វើឡើងដើម្បីស្ថាបនា និងស្រលាញ់​ប្រជាកសិករពិតប្រាកដនោះទេ ​គឺធ្វើឡើងដើម្បីគាប់សង្កត់​ និងធ្វើឲ្យប្រជាពលរដ្ឋស្អប់ត្រកូល ហ៊ុន តែប៉ុណ្ណោះ។

សម្តេចធិបតីនាយករដ្ឋមន្រ្តី បានបន្ថែមទៀតថា ​ការចោទប្រកាន់ថារាជរដ្ឋាភិបាលមិនបានអើពើ ចំពោះ​បញ្ហាកសិកម្មជូនដល់ប្រជាកសិករនេះ ​ជាការចោទប្រកាន់ដោយអយុត្តិធម៌​បំផុត ខណៈរាជ​រដ្ឋាភិ​បាលបានកំពុងខិតខំយ៉ាងយកចិត្តទុកដាក់បំផុតក្នុងការរកទីផ្សារ​ជូន​ដល់បងប្អូន​ប្រជាកសិករ ខណៈទីផ្សា​ សម្រាប់កសិកម្មពីមុនមានត្រឹមតែជាង៧០ប្រទេស​ ឥឡូវមានរហូតដល់ជាង៩០ ប្រទេសនោះ។

យ៉ាងណាក៏ដោយសម្តេចធិបតី ​បានផ្តំាផ្ញើទៅក្រុមអ្នកវិភាគជើង១០ ភ្នែកបី និងភ្នែកប្រាំទាំង​នោះ​ផងដែរ​ថា កុំបន្ត យករឿងអ្វីគ្រប់យ៉ាង​ទៅភ្ជាប់ជាមួយនយោបាយ​ទាំងអស់ ហើយបើគិតថា​ខ្លួន​ស្រលាញ់ជាតិពិតប្រាកនោះគប្បីទៅធ្វើការអង្វករដល់ទីផ្សាអន្តរជាតិ ឬទីផ្សាអឺរ៉ុប​ឲ្យមកជួយ​ទិញកសិផលខ្មែរបន្ថែម កុំតាំងខ្លួនឯងថា​ ស្រលាញ់ជាតិ ស្រលាញ់ប្រជាជនតែបែជាអំពាវនាវ​ឲ្យគេកុំទិញ​សមិទ្ធផលខ្មែរទៅវិញនោះ៕អត្ថបទបាន ចក់