សម្តេចធិបតី៖ រាជរដ្ឋាភិបាលនឹងដំឡើងប្រាប់ឧបត្ថម្ភជានិច្ចដល់អតីតយុទ្ធជន និងអតីតកងកម្លាំងគ្រប់ប្រភេទ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអះអាងថា រាជរដ្ឋាភិបាល​បាន​បន្តគិតគូរជានិច្ច ក្នុងការដំឡើងប្រាប់ឧបត្ថម្ភដល់អតីតយុទ្ធជន ​និងអតីតកងកម្លាំងគ្រប់ប្រភេទ ស្របទៅតាមស្ថានភាពជាក់ស្តែង ​និងទៅតាមលទ្ធភាពថវិកាដែលរដ្ឋមាន ខណៈគោល​នយោបាយនេះនឹងធ្វើឡើងជារៀងរហូត ដោយគ្មានការរាថយនោះទេ គ្រាន់តែឆ្នាំខ្លះមានតិចឆ្នាំខ្លះមានច្រើនតែប៉ុណ្ណោះ។

នៅក្នុងពិធីសម្ពោធដាក់ឱ្យប្រើប្រាស់ជាផ្លូវការសមិទ្ធផលសំខាន់ៗ ក្នុងភូមិប៊ុនរ៉ានីសែនជ័យ​ដំណាក់ទ្រយឹង ស្ថិតនៅក្នុងឃុំព្រងិល ស្រុកភ្នំក្រវាញ ​ខេត្តពោធិ៍សាត់ នាថ្ងៃទី២០ ខែមករា ឆ្នាំ២០២៥នេះ ​សម្តេចធិបតី ហ៊ុន ម៉ាណែត បានលើកឡើងថា រាជរដ្ឋាភិបាលមិនដែលទុក​អតីត​យុទ្ធជនណាម្នាក់ចោល ឬទុកឲ្យនៅឯកោដូចការលើកឡើងរបស់ជនអគតិមួយចំនួននោះឡើយ ពោលគឺ ដោយរាជរដ្ឋាភិបាលបានគិតគូរជាប្រចាំ ​និងរកដំណោះស្រាយជានិច្ចជូនដល់ពួកគាត់ ដោយ​បានខិតខំផ្ត់ដសម្បទានសេដ្ឋកិច្ចជូនពួកគាត់ សាងសង់ផ្ទះជូនពួកគាត់ រួមទាំងរក​ដំណោះស្រាយ​ជាច្រើនទៀតជូនពួកគាត់ជាបន្តបន្ទាប់។

សម្តេចធិបតី នាយករដ្ឋមន្ត្រី បានបន្ថែមទៀតថា រាជរដ្ឋាភិបាលនឹងបន្តជួយសាងសង់ផ្ទះ​ ចែកដី ជូនដល់បងប្អូនអតីតយុទ្ធជនបន្ថែមទៀតផងដែរស្របទៅតាមពេលវេលា ហើយការធ្វើនេះនឹង​ធ្វើ​ឡើងម្តង បន្តិចម្តងបន្តិច តែនឹងទៅមុខជានិច្ច។

ជាក់ស្តែងដូចសមិទ្ធផលដែលបានកំពុងកើតមានឡើង​នៅភូមិប៊ុន រ៉ានីសែនជ័យដំណាក់ទ្រយឹង​យ៉ាង​ដូច្នេះដែរ គឺរាជរដ្ឋាភិបាលបានធ្វើឡើងជាបន្តបន្ទាប់ ហើយតំបន់នេះក៏ នឹងអាចមាន​មន្ទីរពេទ្យបង្អែក​នាពេលឆាប់ខាងមុខនេះផងដែរ ​ដើម្បីកាត់បន្ថយការចំណាយទាំងពេលវេ លា និងថវិការបស់ប្រជាពលរដ្ឋដែលកំពុងរស់នៅតំបន់នេះ៕អត្ថបទបាន ចក់