ក្រសួងបរិស្ថាន៖ ត្រឹមម៉ោង២រសៀលនេះគុណភាពខ្យល់នៅបណ្ដារាជធានី-ខេត្តមានសន្ទស្សន៍គុណភាពល្អឡើងវិញ

ភ្នំពេញ៖ ក្រសួងបិរស្ថានបានឱ្យដឹងថា គិតត្រឹមម៉ោង២រសៀល ថ្ងៃទី២៧ ខែមករានេះ គុណភាពខ្យល់នៅបណ្ដារាជធានី-ខេត្តទាំងអស់ គឺមានសន្ទស្សន៍គុណភាពល្អណាស់ឡើងវិញ។ នេះបើតាមសេចក្ដីជូនដំណឹងរបស់ក្រសួងបរិស្ថាន។

ក្រសួងបរិស្ថាន បានបញ្ជាក់ថា ស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា (Air Quality Index) សម្រាប់ថ្ងៃទី២៧ ខែមករា ឆ្នាំ២០២៥ ចាប់ពីម៉ោង ៧ ព្រឹក ដល់ម៉ោង ២ រសៀល ដែលមានកំហាប់ភាគល្អិតនិចលគិតជាមធ្យមស្មើនឹង ១៧.១៦ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់គឺ “ល្អណាស់”។

ពណ៌ខៀវៈ គុណភាពខ្យល់ល្អណាស់ មានខេត្តបន្ទាយមានជ័យ ខេត្តបាត់ដំបង ខេត្តកំពង់ចាម ខេត្តកំពង់ឆ្នាំង ខេត្តកំពង់ស្ពឺ ខេត្តកំពត ខេត្តកណ្តាល ខេត្តក្រចេះ ខេត្តមណ្ឌលគីរី រាជធានីភ្នំពេញ ខេត្តរតនគិរី ខេត្តស្ទឹងត្រែង ខេត្តស្វាយរៀង ខេត្តតាកែវ ខេត្តកែប ខេត្តឧត្តរមានជ័យ ខេត្តកំពង់ធំ ខេត្តព្រៃវែង ខេត្តត្បូងឃ្មុំ ខេត្តសៀមរាប ខេត្តប៉ៃលិន និងខេត្តព្រះសីហនុ

ពណ៌បៃតងៈ គុណភាពខ្យល់ល្អមាន ខេត្តខេត្តកោះកុង និងខេត្តខេត្តពោធិ៍សាត់៕