ក្រសួងបរិស្ថាន៖ ព្រឹកនេះគុណភាពខ្យល់នៅកម្ពុជា បន្តមានសន្ទស្សន៍គុណភាពខ្យល់ «ល្អ»

ភ្នំពេញ៖ ក្រសួងបរិស្ថានបានបញ្ជាក់ឱ្យដឹងថា នៅព្រឹកថ្ងៃទី៣១ ខែមករា ឆ្នាំ ២០២៥នេះ គុណភាពខ្យល់នៅតាមបណ្ដារាជធានី ខេត្តនៅកម្ពុជា គឺបន្តមានសន្ទស្សន៍គុណភាពខ្យល់ «ល្អ«។ នេះបើយោងតាមសេចក្ដីជូនដំណឹងរបស់ក្រសួងបរិស្ថាន។

ក្រសួងបញ្ជាក់ថា គុណភាពខ្យល់នៅកម្ពុជា ចាប់ពីម៉ោង ៦ ល្ងាច ថ្ងៃទី៣០ ដល់ម៉ោង ៦ ព្រឹក ថ្ងៃទី៣១ ខែមករា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ៥០.២៤ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អ”។

បើតាមសេចក្ដីជូនដំណឹង បានដឹងថា គុណភាពខ្យល់ពណ៌ខៀវ (ល្អណាស់) មានខេត្តកំពង់ឆ្នាំង ខេត្តកំពត ខេត្តក្រចេះ ខេត្តមណ្ឌលគីរី ខេត្តរតនគិរី និងខេត្តត្បូងឃ្មុំ ។

ពណ៌បៃតង(ល្អ) មានខេត្តបាត់ដំបង ខេត្តកំពង់ចាម ខេត្តកំពង់ស្ពឺ ខេត្តកំពង់ធំ ខេត្តកណ្តាល រាជធានីភ្នំពេញ ខេត្តព្រៃវែង ខេត្តសៀមរាប ខេត្តស្វាយរៀង ខេត្តកែប ខេត្តឧត្តរមានជ័យ និងខេត្តប៉ៃលិន។

ដោយឡែកពណ៌លឿង (មធ្យម) មានខេត្តកោះកុង ខេត្តព្រះវិហារ ខេត្តតាកែវ ខេត្តស្ទឹងត្រែង និងខេត្តព្រះសីហនុ។

ពណ៌ទឹកក្រូច(បង្គួរ ) មានខេត្តបន្ទាយមានជ័យ និងខេត្តពោធិ័សាត់៕