ព័ត៌មាន
និស្សិត និងយុវជននាំគ្នាចូលរួមវេទិកាការងារ ដើម្បីសួរព័ត៌មានទទួលឱកាសការងារ
នៅថ្ងៃទី១៣ ខែកុម្ភៈនេះ មានសិស្សនិស្សិត និងយុវជនដែលភាគច្រើនជាអ្នកស្វែងរកឱកាសការងារហាត់ការ ស្វែងរកការងារ និងខ្លះទៀតចង់ផ្លាស់ប្តូរអាជីពការងារ បាននាំគ្នាចូលរួមវេទិកា ការងាររៀបចំដោយទីភ្នាក់ងារជាតិមុខរបរ និងការងារ នៅវិទ្យាស្ថានជាតិពាណិជ្ជសាស្ត្រ ដើម្បីសាកសួរព័ត៌មាន ដាក់ប្រវត្តិរូបសង្ខេប CV ការជួបសម្ភាសន៍ផ្ទាល់ជាមួយក្រុមហ៊ុនភ្លាមៗ និងការទទួលបានឱកាសការងារ ។
បណ្តានិស្សិត និងក្រុមយុវជន បានថ្លែងប្រាប់BTV ថា ក្រោយពីទទួលបានដំណឹងពីទីភា្នក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ ថា មានក្រុមហ៊ុនចំនួន១៩ មានតម្រូវការងារជ្រើសរើសបុគ្គលិក កម្មករនិយោជិក ចំនួន២០៣៤កន្លែង នៅពេលនេះ ឃើញមានបណ្តាយុវជន សិស្សនិស្សិតច្រើនកុះករបាននាំគ្នារៀបចំប្រវត្តិរូបសង្ខេប CVមកជាមួយ ដាក់ជូនក្រុមហ៊ុន និងការណាត់ពេលជួបសម្ភាសន៍ភ្លាមៗនោះដែរ ដើម្បីទទួលបានឱកាសការងារហាត់ការ ក៏ដូចស្នើសុំការងារធ្វើ ដែលមានប្រាក់ខែសមរម្យផងដែរ។
បណ្តាក្រុមហ៊ុនដែលមានតម្រូវការបុគ្គលិកថ្លែងថា នៅថ្ងៃនេះបណ្តាក្រុមហ៊ុន គឺមានបានទទួលប្រវត្តិរូបសង្ខេប និងបានជួបសម្ភាសន៍ផ្ទាល់ជាមួយបេក្ខជននិស្សិត និងយុវជនជាច្រើន ហើយគេសំគាល់ឃើញថា គ្រប់បេក្ខជនសុទ្ធតែមានសមត្ថភាពអាចធ្វើការងារក្នុងក្រុមហ៊ុនបាន ខណៈមានបេក្ខជនភាគច្រើនដែរមិនទទួលយកការងារដោយសារ គេមានជម្រើស ហើយខ្លះគិតថា ការងារនោះនៅឆ្ងាយពីផ្ទះ និងខ្លះទៀតចង់ធ្វើការងារបណ្តើរៗ រៀនបណ្តើរជាដើម។
សូមបញ្ជាក់ថា ទីភ្នាក់ងារជាតិមុខរបរ និងការងារ ហៅកាត់ថា NEA នៃក្រសួងការងារ និងបណ្តុះបណ្តាលវិជ្ជាជិវៈ រហូតមកដល់ពេលនេះ បានទទួលសំណើរពីបណ្តាក្រុមហ៊ុនឯកជននានានៅទូទាំងប្រទេស មានតម្រូវការបុគ្គលិក កម្មករនិយោជិក ចូលបម្រើការងារ ធ្វើការក្រៅម៉ោង ពេញម៉ោង កើនរហូតជិត ៦៥០០០កន្លែង ហើយបច្ចុប្បន្ននៅតាមបណ្តាមន្ទីរការងារ និងបណ្តុះបណ្តាលតាមរាជធានីខេត្តនានា ក៏បានបើកដំណើរការទទួលពាក្យ និងសម្ភាសជ្រើសរើសបុគ្គលិកចូលបម្រើការងារច្រើនផងដែរ៕ អត្ថបទ ស៊ុម សុខជា
-
ព័ត៌មាន2 days agoសម្ដេចធិបតី សាទរនាវាដឹកទំនិញតាមផ្លូវដឹកជញ្ជូនត្រង់ពីកំពង់ផែ Wuxi ប្រទេសចិនមកកាន់កំពង់ផែព្រះសីហនុ
-
ព័ត៌មាន1 week agoឧបនាយករដ្ឋមន្ត្រី ទៀ សីហា÷ កងទ័ព២រូប ពលីនៅប្រទេសស៊ូដង់ខាងត្បូង
-
ព័ត៌មាន6 days agoលោកជំទាវ ឱ វណ្ណឌីន ក្រើនរំលឹកប្រជាពលរដ្ឋទាំងអស់ពិសេសក្រុមងាយរងគ្រោះនាំគ្នាទៅចាក់វ៉ាក់សាំង Pfizer ដើម្បីការពារជាមុននូវភាពឈឺធ្ងន់ធ្ងរបណ្តាលមកពីវីរុសកូវីដ-១៩ បំប្លែងថ្មី
-
ព័ត៌មាន5 days agoករណីគ្រោះថ្នាក់ចរាចរណ៍រវាងម៉ូតូ និងរថយន្តតាក់ស៊ី ក្នុងក្រុងប៉ៃលិន ត្រូវបានដោះស្រាយបញ្ចប់ជាស្ថាពរ
-
ព័ត៌មាន2 days agoប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញអបអរសាទរការទទួលបានក្រុមហ៊ុនវិនិយោគចំនួន២០០ នៅតំបន់សេដ្ឋកិច្ចពិសេសក្រុងព្រះសីហនុ
-
ព័ត៌មាន4 hours agoមានការរិះគន់នគរបាលខេត្តឧត្តរមានជ័យ ឃាត់រថយន្តឈ្នួលត្រួតពិនិត្យលិខិតឆ្លងដែន និងទារប្រាក់ ស្នងការខេត្តបញ្ជាក់ថា កំពុងស្រាវជ្រាវ
-
ព័ត៌មាន1 week agoនាយឧត្តមសេនីយ៍ ឥត សារ៉ាត់អញ្ជើញត្រួតពិនិត្យទីតាំងបើកសមយុទ្ធ«នាគមាស-២០២៥»
-
ព័ត៌មាន2 days agoគិតត្រឹមខែមេសាឆ្នាំនេះ វិស័យកាត់ដេរផ្តល់ឱកាសការងារដល់ពលរដ្ឋក្នុងស្រុកចំនួនប្រមាណ ៩៧ម៉ឺននាក់