ព័ត៌មាន
ពលរដ្ឋអរគុណរដ្ឋបាលរាជធានីភ្នំពេញបានបង្កើតផ្លូវថ្មើរជើងសម្រាប់ដើរកម្សាន្ត និងបញ្ចូលវប្បធម៌ ប្រពៃណីខ្មែរ
ភ្នំពេញ ៖ បងប្អូនប្រជាពលរដ្ឋ រស់នៅរាជធានីភ្នំពេញ និងមកពីតាមបណ្តាខេត្ត បានអញ្ជើញមកកម្សាន្តតាមបណ្តោយផ្លូវថ្មើរជើង នាល្ងាចថ្ងៃទី៨ ខែមីនា ឆ្នាំ២០២៥ បានថ្លែងអំណរគុណដល់រដ្ឋបាលរាជធានីភ្នំពេញ ដែលបង្កើតគម្រោងផ្លូវថ្មើរជើង មានបញ្ចូលនូវវប្បធម៌ ប្រពៃណី និងស្តង់ម្ហូបអាហារ នំ និងស្តង់លក់ផលិតផលសិប្បកម្មខ្មែរ។
លោក ចន ប៊ុនវឌ្ឍន៍ ប្រធានការិយាល័យសិល្បៈទស្សនីយភាព នៃមន្ទីរវប្បធម៌ និងវិចិត្រសិល្បៈរាជធានីភ្នំពេញ បានប្រាប់BTV ព័ត៌មានថា ថ្ងៃនេះក្រុមសិល្បករ សិល្បការិនី បានមកចូលរួមសម្តែងនូវទម្រង់សិល្បៈផ្សេងៗ ដូចជា៖ ការប្រគុំតន្រី្តប្រពៃណី និងសម្តែងរបាំប្រពៃណី (របាំនេសាទ និងរបាំច្រូតស្រូវ) ជូនភ្ញៀវទេសចរជាតិ និងអន្តរជាតិ សកម្មភាពទាំងអស់នេះ ប្រារព្ធឡើងដើម្បីផ្សព្វផ្សាយពីទម្រង់សិល្បៈវប្បធម៌ និងលើកស្ទួយទំនៀមទម្លាប់ប្រពៃណីពីស្នាដៃរបស់បុព្វបុរសយើងដែលបានបន្សល់ទុកឲ្យកូនចៅយើងមកដល់ពេលនេះ។
ទន្ទឹមគ្នានោះដែរ លោក ថុន ថៃ និសិ្សតនៃសាកលវិទ្យាល័យភ្នំពេញ កញ្ញា លីន អាជីវករ និងលោក រ៉ាវីដ រស់នៅខេត្តពោធិ៍សាត់ បានលើកឡើងស្រដៀងគ្នាថា ពួកគាត់មកកម្សាន្តនៅផ្លូវថ្មើរជើង ពិតជាមានអារម្មណ៍សប្បាយរីករាយ និងសង្កេតឃើញថាមានបងប្អូនប្រជាពលរដ្ឋ និងភ្ញៀវទេសចរអន្តរជាតិ មកកម្សាន្តយ៉ាងច្រើន។ ជាពិសេសនៅពេលរដ្ឋបាលរាជធានីភ្នំពេញ បានបិទផ្លូវ ដែលធ្វើឡើងនៅរៀងរាល់ថ្ងៃសៅរ៍ និងថ្ងៃអាទិត្យ ដោយចាប់ពីម៉ោង ១៨:០០នាទី រហូតដល់ម៉ោង ២៣:០០នាទីយប់ នៅតាមបណ្តោយតីរវិថីព្រះស៊ីសុវត្ថិ ចាប់ពីវិថីបក្សីចាំក្រុង (ផ្លូវលេខ៩៤) រហូតដល់មុខព្រះបរមរាជវាំង ស្ថិតនៅក្នុងខណ្ឌដូនពេញ រាជធានីភ្នំពេញ ដើម្បីឱ្យដំណើរការផ្លូវថ្មើរជើង (Walk Street) ពិតជាល្អ ព្រមទាំងបង្កើតព្រឹតិ្តការណ៍កម្សាន្តតាមបែបវប្បធម៌ ប្រពៃណី បានចូលរួមបំផុសឡើងវិញនូវតម្លៃសិល្បៈ វប្បធម៌ ជូនប្រជាជន និងភ្ញៀវទេសចរបរទេស បានស្គាល់។
សូមបញ្ជាក់ផងដែរថា បើតាមរដ្ឋបាលរាជធានីភ្នំពេញ បានឲ្យដឹងថា ផ្លូវថ្មើរជើង (Walk Street) នៅរាជធានីភ្នំពេញ សម្រាប់សប្តាហ៍នេះ ថ្ងៃទី០៨-០៩ ខែមីនា ឆ្នាំ២០២៥ មានការសម្ដែង របាំប្រពៃណី (របាំនេសាទ របាំច្រូតស្រូវ) របាំបុរាណ(របាំភួងនារី), រាំវង់, សៀករហ័សកម្ម, ចាប៉ីសហគមន៍, បណ្ណាល័យចល័ត និងកំប្លែង នាយក្រឹមផងដែរ៕
អត្ថបទ រដ្ឋា

-
ព័ត៌មាន1 week ago
ជនសង្ស័យ៤នាក់ ត្រូវបានកម្លាំងកងទ័ពចាប់ខ្លួនភ្លាមៗ ក្រោយពួកគេព្យាយាមដឹកកូនត្រីខុសច្បាប់ក្នុងរដូវបិទនេសាទទៅលក់បន្តអោយឈ្មួញ
-
ព័ត៌មាន5 days ago
សភាពការណ៍ជួរមុខតាមបន្ទាត់ព្រំដែនខេត្តព្រះវិហារ ឧត្តរមានជ័យ និងបន្ទាយមានជ័យមានសភាពស្ងប់ស្ងាត់
-
ព័ត៌មាន1 week ago
ឯកឧត្តមឧបនាយករដ្ឋមន្ត្រី ប្រាក់ សុខុន ទទួលជួបសម្តែងការគួរសម និងពិភាក្សាការងារ ជាមួយអ្នកតំណាងថ្មី នៃអង្គការ UNDP ប្រចាំកម្ពុជា
-
ព័ត៌មាន1 week ago
កម្ពុជាជឿជាក់កិច្ចប្រជុំថ្នា RBCថ្ងៃនេះ នឹងទទួលបានលទ្ធផលល្អ រហូតដល់គោរពបាន នូវបទឈប់បាញ់ប្រកបដោយប្រសិទ្ធភាព
-
ព័ត៌មាន1 week ago
គណៈប្រតិភូវិនិយោគិនជប៉ុនជួបប្រជុំជាមួយ CDC ដើម្បីស្វែងយល់សក្តានុពលវិនិយោគ និងពាណិជ្ជកម្មនៅកម្ពុជា
-
ព័ត៌មាន5 days ago
ក្រសួងសុខាភិបាលកម្ពុជា និងKOICA រួមគ្នាពង្រឹងសមត្ថភាពបុគ្គលិកសុខាភិបាល ដើម្បីប្រសិទ្ធិភាពសេវាសុខាភិបាលនាពេលអនាគត
-
កីឡា4 days ago
កីឡាករ ២៦រូប ត្រូវបានកោះហៅប្រមូផ្ដុំ ត្រៀមធ្វើម្ចាស់ផ្ទះវគ្គជម្រុះជើងឯក U23 អាស៊ី ពូលG
-
ព័ត៌មាន1 week ago
ឯកឧត្តមរដ្ឋមន្រ្តី ជា វ៉ាន់ដេត ជួបសំណេះសំណាលជាមួយនិស្សិតជ័យលាភីអាហារូបករណ៍សិក្សានៅក្រៅប្រទេស ចំនួន ១២៤រូប