ព័ត៌មាន
គ្រប់កម្មវិធី លើផ្លូវថ្មើជើងផ្តល់ប្រយោជន៍ និងបង្កើនចំណេះដឹង ដល់ពលរដ្ឋ ភ្ញៀវអន្តរជាតិ អញ្ជើញមកកម្សាន្ត
ប្រជាពលរដ្ឋ យុវជន មកពីរាជធានី ខេត្ត បានអញ្ជើញមកកម្សាន្តលើផ្លូវថ្មើជើង (Walk street) ស្របតាមបណ្តោយមាត់ទន្លេ បានប្រាប់BTV ព័ត៌មាន នាល្ងាចថ្ងៃទី១៥ ខែមីនា ឆ្នាំ២០២៥ថា គ្រប់កម្មវិធី ដែលរៀបចំដោយរដ្ឋបាលរាជធានីភ្នំពេញ ស្ថិតតាមបណ្តោយផ្លូវថ្មើជើង ចាប់ពីមុខប្រៃសណីយ៍កម្ពុជា រហូតដល់មុខព្រះបរមរាជវាំង គឺពិតជាផ្តល់ប្រយោជន៍ និងបង្កើនចំណេះដឹង ជាច្រើនដល់ប្រជាពលរដ្ឋ និងភ្ញៀវអន្តរជាតិ ដែលអញ្ជើមកកម្សាន្ត។
ប្រជាពលរដ្ឋ យុវជន បានបង្ហាញចំណាប់អារម្មណ៍ នៅពេលបានអញ្ជើញមកកម្សាន្តតាមបណ្តោយផ្លូវថ្មើជើង គឺពិតជាឲ្យគាត់សប្បាយរីករាយ ពេលដើរកម្សាន្ត ព្រោះថាក្នុងរយៈពេលស្ទើមួយសប្តាហ៍ពេញ មានបងប្អូនប្រជាពលរដ្ឋ យុវជន សិស្ស និសិ្សត ក៏ដូចជាអាជីវករ ប្រឹងប្រែងធ្វើការងារ រកស៊ី និងរៀនសូត្រ ពាក់ព័ន្ធនិងសុវតិ្ថភាពចរាចរណ៍ ក៏មានការស្ទះ និងមមាញឹក។ ហើយនៅពេលចុងសប្តាហ៍បានកម្សាន្តលើផ្លូវថ្មើជើង សម្រាប់លម្ហែ អត់មានរថយន្ត ម៉ូតូ ធ្វើចរាចរណ៍ឆ្លងកាត់ បានធ្វើឲ្យគាត់ហាក់បីដូចជាទទួលបាននូវបទពិសោធន៍ថ្មីមួយ ជាពិសេស សង្កេតឃើញបងប្អូនប្រជាពលរដ្ឋ ក៏ដូចជាភ្ញៀវអន្តរជាតិ មើលមុខគ្នា ញញឹមដាក់គ្នា រាក់ទាក់គ្នា បង្កើនទំនាក់ទំនងជាមួយគ្នា នេះគឺជាសុជីវធម៌របស់ខ្មែរយើង ហើយអ្វីដែលកាន់តែធ្វើឲ្យគាត់ចាប់អារម្មណ៍ទៀតនោះ គឺផ្លូវថ្មើជើង មានគ្រប់កម្មវិធីសម្រាប់មកទស្សនាកម្សាន្ត ដូចជា៖ ការអប់រំ សិល្បៈ វប្បធម៌ និងប្រពៃណី ជាក់ស្តែងដូចនៅល្ងាចនេះ ឃើញប្រជាពលរដ្ឋ នាំកូនតូចៗ និងយុវជន មកចូលរួមអានសៀវភៅនៅបណ្ណាល័យ ចល័ត របស់អង្គការស៊ីប៉ា (Sipar) និងសង្កេតឃើញមានលេងល្បែងប្រជាប្រិយខ្មែរ ព្រមទាំងរាំលេងកម្សាន្ត គឺពិតជាសប្បាយរីករាយជាខ្លាំង។
ទន្ទឹមគ្នានោះដែរ លោក គឿន កាម៉ិ បណ្ណារក្ស និងអប់រំ នៃអង្គការស៊ីប៉ា បានលើកឡើងថា អង្គការស៊ីប៉ា រៀបចំឲ្យមានបណ្ណាល័យចល័ត ស្ថិតលើផ្លូវថ្មើជើងនេះ គឺដើម្បីបណ្តុះទម្លាប់អាន សម្រាប់កុមារ យុវជន និងមនុស្សចាស់ ដោយហេតុថាសព្វថ្ងៃនេះបច្ចេកវិទ្យាទំនើប ហើយចំនួនអ្នកប្រើប្រាស់ទូរស័ព្ទច្រើន។ ដូច្នេះទម្លាប់នៃការអាន មានការថយចុះ ហេតុនេះអង្គការ ស៊ីប៉ា រៀបចំធ្វើឡើងដើម្បីឲ្យគាត់អានសៀវភៅឡើងវិញ។
ជាចុងក្រោយ លោក ក៏សូមអំពាវនាវដល់ពុក ម៉ែ បងប្អូនប្រជាពលរដ្ឋ យុវជន អញ្ជើញមកកម្សាន្តលើផ្លូវថ្មើជើងដែលរៀបចំដោយរដ្ឋបាលរាជធានីភ្នំពេញឱ្យកាន់តែច្រើនថែមទៀត៕អត្ថបទ រដ្ឋា

-
ព័ត៌មាន23 hours ago
ឯកឧត្តម ហ៊ុល សំអុន ចុះសំណេះសំណាល និងសួរសុខទុក្ខដល់ប្រជាការពារ និងពលរដ្ឋជិត ៣រយនាក់នៅស្រុកត្រាំកក់
-
ព័ត៌មាន5 days ago
សម្ដេចធិបតី៖ កម្ពុជាកំពុងរៀបចំឯកសារស្នើសុំចុះបញ្ជីសង្ក្រាន្តឆ្នាំថ្មី ចូលក្នុងបញ្ជីបេតិកភណ្ឌពិភពលោក
-
កីឡា2 days ago
អ្នកលេងគុនខ្មែរមកពីខេត្តព្រៃវែង លន បញ្ញា ល្អឡើងៗប្រមាណ ១០ប្រកួតចុងក្រោយនេះផ្ដួលដៃគូឲ្យសន្លប់បោះបង់ការប្រកួតមុនបញ្ចប់ទឹករហូត ស្របពេលនេះកំពុងហ្វឹកហាត់យ៉ាងសកម្មបន្តទៀតត្រៀមប៉ះជើងខ្លាំងមកពីប្រទេសអ៊ុយក្រែន។
-
ព័ត៌មាន5 days ago
សម្តេចធិបតី ណែនាំឱ្យរក្សាទុកគ្រូកិច្ចសន្យាដែលមានគុណវុឌ្ឍិ សម្រាប់បំពេញការកង្វះខាតគ្រូបង្រៀន
-
ព័ត៌មាន5 days ago
និស្សិតអាហារូបករណ៍ អ.ម.ត ២៩ រូប សិក្សានៅវិទ្យាស្ថានវ៉ាន់ដា ទទួលជ័យលាភីបញ្ចប់ការសិក្សាដោយជោគជ័យ
-
ព័ត៌មាន5 days ago
សម្តេចធិបតី ណែនាំអាជ្ញាធររាជធានីភ្នំពេញ ឱ្យរៀបចំទីតាំងអានសៀវភៅនៅតំបន់ Walk Street មុខព្រះបរមរាជវាំង
-
ព័ត៌មាន1 day ago
ចាប់ខ្លួនបុរសម្នាក់ដែលប្រមាថ និងប្រៀបធៀបការចាប់ខ្លួនអតីតប្រធានាធិបតីហ្វីលីពីន ជាមួយសម្ដេចតេជោ ហ៊ុន សែន
-
ព័ត៌មាន5 days ago
សម្ដេចធិបតី៖ ព្រឹត្តិការណ៍អង្គរសង្ក្រាន្តមិនបម្រើឱ្យនយោបាយទេ គឺដើម្បីបង្កើតក្ដីសប្បាយរីករាយជូនពលរដ្ឋ និងទាក់ទាញទេសចរ