ព័ត៌មាន
សមាគមអភិវឌ្ឍន៍សង្គមខ្មែរ សហការជាមួយដៃគូក្នុងស្រុកចូលរួមលើកកម្ពស់ផលិតផលខ្មែរ
សមាគមអភិវឌ្ឍន៍សង្គមខ្មែរ នឹងសហការជាមួយក្រុមហ៊ុនដៃគូក្នុងស្រុក រៀបចំពិព័រណ៍ផលិតផលខ្មែរនៅគ្រប់រាជធានី-ខេត្ត ដើម្បី ដាក់បង្ហាញ និងស្វែងរកការគាំទ្រពីប្រជាពលរដ្ឋ លើគោលដៅលើកកម្ពស់ផលិតផលក្នុងស្រុក បង្កើតការងារ ប្រាក់ចំណូលក្នុងគ្រួសារ ដើម្បីជំរុញឱ្យចលនាសេដ្ឋកិច្ចក្រៅប្រព័ន្ធកាន់តែរឹងមាំ។
ឯកឧត្តម ស្វាយ សុវណ្ណរិទ្ធ ប្រធានសមាគមអភិវឌ្ឍន៍សង្គមខ្មែរ លើកឡើងនៅក្នុងការចុះអនុស្សារណៈយោគយល់គ្នា ជាមួយ ក្រុមហ៊ុនធុរកិច្ចក្នុងស្រុកចំនួនពីរ លើកកម្ពស់ផលិតផលខ្មែរ នៅល្ងាចថ្ងៃទី១៧ ខែមីនា ឆ្នាំ២០២៥ នេះថា តាមរយៈការចាប់ដៃគូ ជាមួយក្រុមបណ្តាហ៊ុនធុរកិច្ចក្នុងស្រុកនេះ សមាគមមានគោលបំណងសំខាន់ ដើម្បីចូលរួមលើកកម្ពស់ផលិតផលខ្មែរ លើសមត្ថភាព ផលិត កែច្នៃ និងការផ្គត់ផ្គង់ចូលទីផ្សារទាំងក្នុងនិងក្រៅស្រុក ក្នុងគោលដៅជំរុញធ្វើពិពិធកម្មមុខបរ រកស៊ីទទួលទានរបស់សមាជិក សមាគម ឱ្យកាន់តែទូលំទូលាយ និងមានជម្រើសច្រើនសម្រាប់បរិបថសេដ្ឋកិច្ចថ្មីរបស់កម្ពុជា។
ឯកឧត្តម បន្តថា ជាក់ស្តែងការចុះអនុស្សារណៈយោគយល់គ្នា ជាមួយក្រុមហ៊ុនធុរកិច្ចក្នុងស្រុកនាពេលនេះ គឺដើម្បីសហការ គ្នាចូលរួមលើកកម្ពស់ផលិតផលខ្មែរ តាមរយៈការដាក់តំាងបង្ហាញ ក៏ដូចជាការផ្សព្វផ្សាយ នៅតាមបណ្តារាជធានី-ខេត្ត ទៅដល់ ប្រជាពលរដ្ឋ ដើម្បីស្វែងរកការគាំទ្រ, ដែលបញ្ហានេះ គឺជាការចូលរួមលើកកម្ពស់ផលិតផលខ្មែរ ឱ្យកាន់តែមានភាពប្រកួតប្រជែង ទាំងក្នុងនិងក្រៅស្រុក ដើម្បីចូលរួមបង្កើតការងារ ប្រាក់ចំណូលនៅក្នុងគ្រួសារ ជាពិសេសការចូលរួមជំរុញចលនាសេដ្ឋកិច្ចក្រៅប្រព័ន្ធ ឱ្យកាន់តែរឹងមាំ ខណៈដែលរាជរដ្ឋាភិបាលបាននិងកំពុងយកចិត្តទុកដាក់ខ្ពស់ លើការកែលម្អជីវភាពប្រជាជន និងជំរុញកំណើន សេដ្ឋកិច្ចកម្ពុជា ឱ្យមានកំណើនកាន់តែល្អប្រសើរ។
សូមបញ្ជាក់ថា ជុំវិញការចុះអនុស្សារណៈយោគយល់គ្នានេះ សមាគមអភិវឌ្ឍន៍សង្គមខ្មែរ បានបង្កើតនូវកិច្ចសហការជាមួយដៃគូ ជាច្រើនដូចជា៖ សមាគម, សហគមន៍ និងបណ្តាក្រុមហ៊ុនផ្សេងៗ ក្នុងបេសកម្មចូលរួមលើកកម្ពស់ផលិតផលខ្មែរ តាមរយៈការផ្លាស់ ប្តូរបទពិសោធន៍, ចំណេះដឹង, ជំនាញ ដើម្បីបង្កើតនូវជម្រើសឱ្យកាន់តែសម្បូរបែប ងាយក្នុងការបត់បែនតាមបរិបថនៃបច្ចេកវិទ្យា និង តាមតម្រូវការទីផ្សារ ក្នុងគោលដៅផ្តល់អត្ថប្រយោជន៍ជូនដល់សមាជិក និងដៃគូរទាំងអស់ ទទួលបានជោគជ័យលើការធ្វើអាជីវកម្ម៕ អត្ថបទ៖ សុន រ៉ាឌី

-
ព័ត៌មាន1 week ago
ជនសង្ស័យ៤នាក់ ត្រូវបានកម្លាំងកងទ័ពចាប់ខ្លួនភ្លាមៗ ក្រោយពួកគេព្យាយាមដឹកកូនត្រីខុសច្បាប់ក្នុងរដូវបិទនេសាទទៅលក់បន្តអោយឈ្មួញ
-
ព័ត៌មាន5 days ago
សភាពការណ៍ជួរមុខតាមបន្ទាត់ព្រំដែនខេត្តព្រះវិហារ ឧត្តរមានជ័យ និងបន្ទាយមានជ័យមានសភាពស្ងប់ស្ងាត់
-
ព័ត៌មាន1 week ago
ឯកឧត្តមឧបនាយករដ្ឋមន្ត្រី ប្រាក់ សុខុន ទទួលជួបសម្តែងការគួរសម និងពិភាក្សាការងារ ជាមួយអ្នកតំណាងថ្មី នៃអង្គការ UNDP ប្រចាំកម្ពុជា
-
ព័ត៌មាន1 week ago
កម្ពុជាជឿជាក់កិច្ចប្រជុំថ្នា RBCថ្ងៃនេះ នឹងទទួលបានលទ្ធផលល្អ រហូតដល់គោរពបាន នូវបទឈប់បាញ់ប្រកបដោយប្រសិទ្ធភាព
-
ព័ត៌មាន4 days ago
ក្រសួងសុខាភិបាលកម្ពុជា និងKOICA រួមគ្នាពង្រឹងសមត្ថភាពបុគ្គលិកសុខាភិបាល ដើម្បីប្រសិទ្ធិភាពសេវាសុខាភិបាលនាពេលអនាគត
-
ព័ត៌មាន1 week ago
ឯកឧត្តមរដ្ឋមន្រ្តី ជា វ៉ាន់ដេត ជួបសំណេះសំណាលជាមួយនិស្សិតជ័យលាភីអាហារូបករណ៍សិក្សានៅក្រៅប្រទេស ចំនួន ១២៤រូប
-
ព័ត៌មាន1 week ago
ការថែទាំផ្លូវមានសារៈសំខាន់ណាស់ ដើម្បីលើកកម្ពស់ជីវភាពរស់នៅរបស់ប្រជាជននៅជនបទ
-
ព័ត៌មាន1 week ago
គណៈប្រតិភូវិនិយោគិនជប៉ុនជួបប្រជុំជាមួយ CDC ដើម្បីស្វែងយល់សក្តានុពលវិនិយោគ និងពាណិជ្ជកម្មនៅកម្ពុជា