សម្តេចធិបតី ណែនាំឲ្យរដ្ឋបាលរាជធានីភ្នំពេញ រៀបចំឡានក្រុងដឹកពលរដ្ឋទៅស្រុក ក្នុងឱកាសបុណ្យចូលឆ្នាំខាងមុខ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានណែនាំឲ្យរដ្ឋបាលរាជធានីភ្នំពេញ រៀបចំឡាន ដើម្បីត្រៀមដឹកបងប្អូនប្រជារដ្ឋទៅកាន់ស្រុកកំណើត ដោយមិនគិតលុយ ក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ។

ថ្លែងនៅក្នុងឱកាសអញ្ជើញជាអធិបតីបិទសន្និបាត​បូកសរុបលទ្ធផលការងារ របស់ក្រសួង​មុខងារធារណៈ នាព្រឹកថ្ងៃទី២០ ខែមីនា ឆ្នាំ២០២៥នេះ សម្តេចធិបតី នាយករដ្ឋមន្រ្តី បានលើកឡើងថា ឱកាសបុណ្យចូលឆ្នាំថ្មីប្រពៃណីខ្មែរកាន់តែខិតជិតមកដល់ហើយ ដូច្នេះរដ្ឋបាល​រាធានីភ្នំពេញត្រូវត្រៀមរថយន្ត ​ក្រុងសម្រាប់ដឹកបងប្អូនប្រជាពលរដ្ឋ ឬកម្មករនិយោជិត​ទៅកាន់ស្រុកកំណើត​ជួបជុំក្រុមគ្រួសារ។

សូមបញ្ជាក់ថា ការបន្តរៀបចំរថយន្តក្រុងសាធារណៈ ជូនដល់បងប្អូនប្រជាពលរដ្ឋទៅស្រុកកំណើត របស់សម្ដេចធិបតី ហ៊ុន ម៉ាណែត នាយករដ្ឋរថមន្រ្តី នៅក្នុងឱកាសបុណ្យចូលឆ្នាំថ្មីខាងមុខនេះ គឺជាការ​បន្តជួយដល់​បងប្អូន​ប្រជាពលរដ្ឋ តាមគំរូវីរភាពរបស់សម្ដេចតេជោ ​ហ៊ុន សែន អតីត​នាយករដ្ឋមន្រ្តីនៃកម្ពុជា ​ដែលកន្លងមករៀងរាល់រដូវបុណ្យទានម្ដងៗ ​មិនថារដូវភ្ជុំ ​ចូលឆ្នាំ ឬក្នុងឱកាសថ្ងៃបោះឆ្នោតទេ ​សម្ដេចតេជោ ហ៊ុន សែន តែងតែ​ណែនាំ​រៀបចំឱ្យមានការដឹក​ជញ្ជូន​ប្រជាពលរដ្ឋ តាមរយៈរថយន្តក្រុងសាធារណៈដែលមាន​អនាម័យ ​ផាសុកភាព និងព្រមជាមួយ​ទឹកសុទ្ធ ជូនប្រជាពលរដ្ឋដែលធ្វើដំណើរ ដើម្បីជួយ​សម្រួលការ​ចំណាយ​លើថ្លៃធ្វើដំណើរ​របស់​បងប្អូន​ប្រជាពលរដ្ឋ ​ជាពិសេសកម្មក-កម្មការិនី ​ទៅកាន់ស្រុកកំណើតបានដោយងាយស្រួល និងមិនអស់ប្រាក់៕អត្ថបទបាន ចក់