នាយឧត្តមសេនីយ៍ ទៀ វិញ អញ្ជើញជាអធិបតី​សម្ពោធដាក់​ឲ្យ​ប្រើប្រាស់ជាផ្លូវការនូវឈាបនដ្ឋាន និង​សាលាបុណ្យវត្តគីរីសាគរ ខេត្តកោះកុង

ឯកឧត្ដម នាយឧត្ដមសេនីយ៍ ទៀ វិញ រដ្ឋលេខាធិការ ក្រសួងការពារជាតិ និងលោកជំទាវ កាន់ ចន្រ្ទា ទៀ វិញ នៅថ្ងៃទី១៨ ខែមេសា ឆ្នាំ២០២៥នេះ បានអញ្ជើញជាអធិបតីភាព ក្នុង​ពិធី​កាត់​ខ្សែ​បូរ និងសម្ពោធដាក់ឲ្យប្រើប្រាស់ជាផ្លូវការនូវឈាបនដ្ឋាន និងសាលាបុណ្យស្ថិតនៅ វត្ត​គីរី​សាគរ​(ហៅ​វត្តចម្លងគោ) ដែលស្ថិតនៅ ភូមិចម្លងគោ ឃុំថ្មសរ ស្រុកបុទុំសាគរ ខេត្តកោះកុង។

ថ្លែងនៅ​ក្នុងពិធីនោះ ឯកឧត្ដម នាយឧត្ដមសេនីយ៍ ទៀ វិញ បានលើកឡើង​អំពី​ការ​យក​ចិត្ត​ទុក្ខ​ដាក់​ពី​​សំណាក់សម្ដេចបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និង​លោក​ជំទាវបណ្ឌិត ពេជ ចន្ទមុន្នី ចំពោះប្រជាជន និង​លើក​កម្ពស់​នូវ​ព្រះពុទ្ធ​សាស​នា​តាម​រយៈ​ការ​សាង​សង់​នូវ​សមិទ្ធផលនានានៅក្នុងវត្តអារាម ជាក់ស្តែងដូចការេសម្ពោធដា​ក់​ឲ្យ​ប្រើ​ប្រាស់​នូវ​សមិទ្ធ​ក្នុង​វត្តគីរីសាគរយ៉ាងដូច្នេះ ដែរ។

នាយឧត្តមសេនីយ៍ ទៀ វិញ បានលើកឡើងទៀតថា ក្រោមការដឹកនាំរបស់រាជរដ្ឋាភិបាលបច្ចុប្បន្ន បាន​ធ្វើ​ឲ្យប្រទេសជាតិ មានសុខសន្តិភាព មានស្ថេរភាព និងរីកចំរើនគ្រប់វិស័យទាំងពុទ្ធចក្រ និង​អាណា​ចក្រ ហើយមិនតែប៉ុណ្ណោះរាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា នឹង​ខិតខំ​គ្រប់​មធ្យោបាយ​ទាំង​អស់​ដើម្បី​លើក​កម្ពស់នូវ​ជីវភាព​ប្រជា​ពលរដ្ឋ​ឲ្យ​កាន់​តែ​ល្អ​ប្រសើរ​បន្ថែម​ទៀត។

ជាមួយគ្នានោះដែរឯកឧត្ដមនាយឧត្តមសេនីយ៍ ទៀ វិញ ក៏ផ្ដាំផ្ញើរថា ការកសាងឈាបនដ្ឋាន និង​សាលា​បុណ្យនេះឡើងមិនមែនសំរាប់បុគ្គល់ណាមួយឡើយ គឺសំរាប់ពុបរិស័កជើងវត្ត ទាំងអស់​គ្នា​ប្រើ​ប្រាស់​រួមគ្នា និងចេះជួយថែរក្សាអោយបានល្អ ដូចជារបស់ខ្លួនឯង។ ខណៈនោះដែរឯកឧត្ដម និង​លោកជំទាវ ក៏បានពាំនាំនូវអំណោយរបស់ សម្ដេចបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះ​រា​ជាណាចក្រកម្ពុជា និងលោកជំទាវ ពេជ្រ ចាន់មុន្នី រួមមានខោអាវ ថវិកាចំនួន​២០០០០​រៀល សំរាប់យាយជីតាជីចំនួន៣៥នាក់ ក្នុងម្នាក់ៗទទួលបានថវិកា២០០០០រៀល(ពីរម៉ឺនរៀល) និង​ខោអាវមួយកំប្លេរផងដែរ៕