ព័ត៌មាន
ពិធីចុះអនុស្សរណៈនៃការយោគយល់គ្នារវាង សាកលវិទ្យាល័យចេនឡា ជាមួយនិងសាកលវិទ្យាល័យ KYUNGNAM COLLEGE OF INFORMATION AND TECHNOLOGY និងសាកលវិទ្យាល័យ KOREA DICAPOEM INSTITUTE នៃសាធារណរដ្ឋកូរ៉េ
ភ្នំពេញ ៖ នាព្រឹកថ្ងៃទី២៤ ខែមេសា ឆ្នាំ២០២៥នេះ នៅសាកលវិទ្យាល័យចេនឡា លោកបណ្ឌិត អ៉ី លីម៉ា សាកលវិទ្យាធិការនៃសាកលវិទ្យាល័យចេនឡា និងលោកសាស្ត្រាចារ្យមហាបរិញ្ញា Tae Sang Kim សាកលវិទ្យាធិការនៃសាកលវិទ្យាល័យ KYUNGNAM COLLEGE OF INFORMATION AND TECHNOLOGY និងលោកសាស្ត្រាចារ្យមហាបរិញ្ញា Sang Ok Lee សាកលវិទ្យាធិការនៃសាកលវិទ្យាល័យ KOREA DICAPOEM INSTITUTE បានចុះហត្ថលេខាលើអនុស្សរណៈនៃការយោគយល់គ្នា។
(MOU)នេះដើម្បីបង្កើតកិច្ចសហប្រតិបត្តិការលើចំណុចសំខាន់ៗដូចខាងក្រោម៖
១. ដំណើរទស្សនកិច្ចសិក្សារវាងសាកលវិទ្យាល័យទាំង៣ សម្រាប់សាស្ត្រាចារ្យ បុគ្គលិក និងនិស្សិត
២. ផ្លាស់ប្តូរបទពិសោធន៍ និងកម្មវិធីសិក្សារវាងសាកលវិទ្យាល័យទាំង៣ សម្រាប់សាស្ត្រាចារ្យ បុគ្គលិក និងនិស្សិតក្នុងរយៈពេលខ្លី ឬរយៈពេលវែង
៣. បង្កើតកិច្ចការស្រាវជ្រាវ ទស្សនាវដ្តីសិក្សា និងការបោះពុម្ពផ្សាយរួមគ្នា
៤. រៀបចំសន្និសីទ និងសិក្ខាសាលាអន្តរជាតិ
៥. សាកលវិទ្យាល័យ KYUNGNAM COLLEGE OF INFORMATION AND TECHNOLOGY និងសាកលវិទ្យាល័យ KOREA DICAPOEM INSTITUTE នៃសាធារណរដ្ឋកូរ៉េ នឹងទទួលយកនិស្សិតរបស់សាកលវិទ្យាល័យចេនឡា យ៉ាងច្រើនលើសលុបដើម្បីទៅបន្តការសិក្សារយៈពេលខ្លី ឬរយៈពេលវែង រហូតដល់ថ្នាក់បណ្ឌិត និងផ្តល់ឱកាសឱ្យនិស្សិតអាចធ្វើការងារក្រៅម៉ោងដោយមិនកំណត់ពេលវេលា គឺអាស្រ័យលើសមត្ថភាពភាសាកូរ៉េរបស់និស្សិតផ្ទាល់។
ជាចុងក្រោយលោកបណ្ឌិត អ៉ី លីម៉ា សាកលវិទ្យាធិការ នៃសាកលវិទ្យាល័យចេនឡា បានគោរពអញ្ជើញលោកសាស្ត្រាចារ្យមហាបរិញ្ញា Tae Sang Kim សាកលវិទ្យាធិការនៃសាកលវិទ្យាល័យ KYUNGNAM COLLEGE OF INFORMATION AND TECHNOLOGY និងលោកសាស្ត្រាចារ្យមហាបរិញ្ញា Sang Ok Lee សាកលវិទ្យាធិការនៃសាកលវិទ្យាល័យ KOREA DICAPOEM INSTITUTE
ក៏ដូចជាសាស្ត្រាចារ្យ និងអ្នកស្រាវជ្រាវនៃសាកលវិទ្យាល័យទាំងពីរ ចូលរួមសន្និសីទអន្តរជាតិរបស់សាកលវិទ្យាល័យចេនឡា លើកទី១ នឹងគ្រោងធ្វើនៅឆ្នាំ២០២៥ ឆាប់ៗខាងមុខនេះ។ ឆ្លើយតបត្រឡប់មកវិញ សាកលវិទ្យាធិការនៃសាកលវិទ្យាល័យទាំងពីរ ក៏បានគោរពអញ្ជើញថ្នាក់ដឹកនាំ និងសហការីនៃសាកលវិទ្យាល័យចេនឡា ទៅទស្សនកិច្ចសិក្សា ផ្លាស់ប្តូរបទពិសោធន៍ និងចូលរួមសន្និសីទអន្តរជាតិនៅពាក់កណ្តាលឆ្នាំ២០២៥នេះផងដែរ។ ជាពិសេសនោះសាកលវិទ្យាធិការនៃសាកលវិទ្យាល័យទាំងពីរ ពិតជាចង់ឃើញនិស្សិតរបស់សាកលវិទ្យាល័យចេនឡាយ៉ាងតិចចំនួន ៥០នាក់ បានទៅសិក្សារយៈពេលខ្លី ឬរយៈពេលវែងនៅឆ្នាំ២០២៥នេះ និងរាប់រយនាក់នៅឆ្នាំបន្តបន្ទាប់ទៀត។
ពិធីចុះអនុស្សរណៈការយោគយល់គ្នាដ៏មានតម្លៃខាងលើនេះ គឺបានបញ្ចប់ទៅប្រកបដោយភាពរីករាយ ស្និទ្ធស្នាល និងការទទួលខុសត្រូវខ្ពស់៕
អត្ថបទ រដ្ឋា
-
ព័ត៌មាន2 days agoឧត្តមសេនីយ៍ទោ ហ៊ុល សំអុន ដាក់បទបញ្ជាដល់នាយទាហានក្រោមឱវាទទាំងអស់សាមគ្គីគ្នាជាធ្លុងមួយ ដើម្បីការពារអធិបតេយ្យភាព បូរណភាពទឹកដីកម្ពុជា និងរក្សាសុខសន្ដិភាពជូនប្រជាជន
-
ព័ត៌មាន5 days agoកងទ័ពកម្ពុជា និងថៃ បន្តកែសម្រួលយុទ្ធោបករណ៍បំផ្លិចបំផ្លាញធុនធ្ងន់លើកទី២ក្រោមក្រសែភ្នែកអ្នកសង្កេតការណ៍អាស៊ាន
-
ព័ត៌មាន1 week agoសម្ដេចតេជោ ហ៊ុន សែន បានប្រាប់មិត្តបរទេសថា ថៃបិទច្រកព្រំដែនជាមួយកម្ពុជាមិនត្រឹមតែផ្ដាច់ការតភ្ជាប់រវាងកម្ពុជា-ថៃ ទេ តែជាការកាត់ផ្តាច់ការតភ្ជាប់អាស៊ាន និងអាស៊ីផងដែរ
-
ព័ត៌មាន5 days agoអូស្ត្រាលីគាំទ្រវិស័យស្រូវអង្ករកម្ពុជា
-
ព័ត៌មាន1 week agoសម្តេចកិត្តិសង្គហបណ្ឌិត ម៉ែន សំអន ហែរអង្គកឋិនទានមហាសាមគ្គីទៅវត្តទួលអង្គញ់ ទទួលបានបច្ច័យចំនួនជាង ១ម៉ឺនដុល្លារ
-
ព័ត៌មាន6 days agoសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនដល់យុទ្ធជនដែលរងរបួស និងកំពុងសម្រាកព្យាបាលនៅតាមបណ្តាមន្ទីរពេទ្យនៅរាជធានីភ្នំពេញ
-
ព័ត៌មាន5 days agoឯកឧត្ដម ប៉េង ពោធិ៍សា អញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង
-
ព័ត៌មាន1 week agoក្រុមអ្នកសង្កេតការណ៍អាស៊ាន (AOT) ចុះត្រួតពិនិត្យការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ ដំណាក់កាលទី១ ដែលបញ្ជូនត្រឡប់មកទីតាំងដើមវិញ នៅក្នុងខេត្តកណ្តាល