ឯកឧត្តមហេង សួរ ណែនាំដល់កម្មករនិងម្ចាស់រោងចក្រត្រូវរួមគ្នាដោះស្រាយរាល់វិវាទការងារដោយសន្តិវិធី

ស្វាយរៀង ៖ ឯកឧត្តម ហេង សួរ រដ្ឋមន្ត្រីក្រសួងការងារបណ្តុះបណ្តាលវិជ្ជាជីវះនិងនីតិសម្បទា បានណែនាំដល់ កម្មករ កម្មការិនី និងម្ចាស់រោងចក្រ សហគ្រាស ត្រូវរួមគ្នាដោះស្រាយរាល់វិវាទផ្ទៃក្នុង ទំនាស់ការងារ និងបច្ចេកទេស ដោយសន្តិវិធីយោគយល់ បញ្ជៀសអំពើហឹង្សាដែលនាំអោយបាត់បង់ផលប្រយោជន៏រួមទាំងថៅកែ និងកម្មករគ្នាឯង។

ការថ្លែងនិងមានប្រសាសន៍របស់មន្ត្រីជាន់ខ្ពស់ក្រសួងការងារបែបនេះ បានធ្វើឡើងក្នុងឱកាសឯកឧត្តមអញ្ជើញប្រារព្វពិធីអបអរសាទរទិវាពលកម្មអន្តរលើកទី១៣៩ក្រោមប្រធានបទ (រួមគ្នាដើម្បីការងារសមរម្យ និងកំណើនប្រកបដោយចីរភាពនិងភាពធន់)ដែលពិធីនេះបានប្រព្រឹត្តទៅនៅតំបន់សេដ្ឋកិច្ចពិសេស(មេនហានធេនស្វាយរៀង)ក្រុងបាវិតដោយមានការអញ្ជើញចូលរួមពីឯក ប៉េងពោធិសា អភិបាលខេត្តស្វាយរៀង មន្ត្រីថ្នាក់ដឹកនាំក្រសួង និងមន្ត្រីថ្នាក់ដឹកនាំខេត្តស្រុកក្រុង និងកម្មករ កម្មការិនីជាង២ពាន់នាក់ផងដែរ។

ឯកឧត្តមបានបញ្ជាក់ថារាល់បញ្ហាវិវាទនិងទំនាស់ផ្សេងៗ ទាំងកម្មករ និងម្ចាស់រោងចក្រត្រូវធ្វើការដោះស្រាយដោយលាក់ការពោលគឺកុំធ្វើការដោះស្រាយបែបហឹង្សា ហើយកុំបង្ហាញដល់មជ្ឈដ្ឋាននៅខាងក្រៅដែលនាំឲ្យអ្នកដែលទំនោរទៅរកការប្រឆាំងយកបញ្ហាទាំងអស់នេះទៅធ្វើការឃោសនាបន្ថែមបំប៉ោងសភាពការណ៍ ដែលនាំឲ្យប៉ះពាល់ដល់ការងារសន្តិសុខនិងការងារអភិវឌ្ឍន៍ បើអាចធ្វើបានតាមគោលការ លាក់ការគឺជាមធ្យោបាយមួយនាំមកនូវការទាក់ទាញអ្នកវិនិយោគ បន្ថែមពីព្រោះអ្នកវិនិយោគគាត់បានតាមដានរាល់សកម្មភាពដឹកនាំឆ្ពោះទៅការរីកចម្រើន និងធ្វើការអភិវឌ្ឍក្នុងខេត្តនោះ អ្នកវិនិយោគនិងមកធ្វើការបង្កើតតំបន់រកស៊ីជាច្រើនបន្ថែមទៀតជាក់ជាមិនខាន។

ជាមួយគ្នានោះដែរក្នុងនាមរាជរដ្ឋាភិបាលនិងក្នុងនាមសម្ដេចមហាបបរធិបតី ហ៊ុន ម៉ាណែត ឯកឧត្តមរដ្ឋមន្ត្រីនៅបានថ្លែងនូវការកោតសរសើរចំពោះមន្ត្រីថ្នាក់ដឹកនាំខេត្តស្វាយរៀង ដែលកន្លងមក បានធ្វើការទាក់ទាញអ្នកវិនិយោគឲ្យចូលមកបង្កើតរោងចក្រសហគ្រាស បង្កើតការងារផ្ដល់ឲ្យពលរដ្ឋក្នុងខេត្តនិងខេត្តជិតៗចូលបម្រើការងារស្រូបបានកម្រៃពលកម្ម ទៅធ្វើការអភិវឌ្ឍន៍គ្រួសារបានល្អក្នុងការរួមចំណែកកាត់បន្ថយភាពក្រីតំបន់ជនបទ។ជាមួយគ្នានោះដែរឯកឧត្តមក៏បានថ្លែងអំណរគុណ អស់លោក លោកស្រី ដែលជាថៅកែរោងចក្រ សហគ្រាសបានចូលមកបណ្ដាក់ទុនរកស៊ីនៅខេត្តស្វាយរៀងប្រកបដោយភាពជឿជាក់លើការដឹកនាំរបស់រាជរដ្ឋាភិបាល។

ស្ថិតក្នុងឱកាសប្រារព្ធពិធីទិវាពលកម្មអន្តរជាតិតំណាងកម្មករ ដែលបានចូលរួមបានមានចំណាប់អារម្មណ៍ដោយគោរពថ្លែងអំណរគុណចំពោះប្រមុខរាជរដ្ឋាភិបាលក្រោមសម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីដែលបានដឹកនាំអ្នកវិនិយោគអោយចូលមកបង្កើតរោងចក្រសហគ្រាសនៅខេត្តស្វាយរៀងធ្វើឲ្យពួកគាត់មានការងារធ្វើស្រូបបានកម្រៃពលកម្ម ដើម្បីអភិវឌ្ឍន៍គ្រួសារ ឆ្លៀតឪកាសនោះតំណាងក៏អំពាវនាវកម្មករទាំងអស់រួមការពារសន្តិភាព ពិសេសការពាររោងចក្រ ដែលជាឆ្នាំងបាយរួមរបស់កម្មករ និងថៅកែ ។ សំឡេង…..

សូមបញ្ជាក់ថានៅក្នុងអង្គពិធីទិវាពលកម្មអន្តរជាតិ១ឧសភាឆ្នាំ២០២៥នេះ ឯកឧត្តមរដ្ឋមន្ត្រីបាននាំអំណោយចែកផ្ដល់ជូនដល់អ្នកចូលរួមជាង២ពាន់នាក់ម្នាក់ៗទទួលបានកៅស៊ូទទូភ្លៀង១ ថវិកា៤ម៉ឺនរៀល និងផ្ដល់ជូនកម្មកដែលមានផ្ទៃពោះមួយចំនួន ដែលម្នាក់ៗទទួលបានកៅស៊ូទទួភ្លៀង១និងថវិកា១០០ដុល្លារ។