សម្តេចធិបតី៖ ការហាត់ប្រាណគឺជាឱសថដ៏មានប្រសិទ្ធភាពក្នុងការទ្រទ្រង់សុខភាពរាងកាយទប់ទល់នឹងជំងឺផ្សេងៗ

ក្នុងឱកាសអញ្ជើញជាអធិបតីក្នុងពិធីប្រកាសដាក់ឲ្យអនុវត្តផែនការជាតិប្រយុទ្ធនឹងជំងឺមហារីកឆ្នាំ២០២៥-២០៣០ នៅសណ្ឋាគារសូហ្វីតែលភ្នំពេញព្រឹកថ្ងៃទី៥ឧសភានេះ សម្តេចធិបតី ហ៊ុន ម៉ាណែត បានមានប្រសាសន៍ថា៖ការហាត់ប្រាណគឺជាឱសថដ៏មានប្រសិទ្ធភាពក្នុងការទ្រទ្រង់សុខភាពរាងកាយទប់ទល់នឹងជំងឺផ្សេងៗ។

សម្តេចបានមានប្រសាសន៍បន្តថា បើទោះបីរាជរដ្ឋាភិបាលដែលមានក្រសួងសុខាភិបាលជាសេនាធិការបាននិងកំពុងខិតខំយកចិត្តទុកដាក់ បង្កើនសមត្ថភាពនៅតាមមន្ទីរពេទ្យមួយចំនួនក្នុងការព្យាបាលជំងឺមហារីកយ៉ាងណាក៏ដោយ ប៉ុន្តែត្រូវអប់រំផ្សព្វផ្សាយជាកត្តាសំខាន់ អំពីចំណីអាហារបន្លែបង្ការត្រីសាច់ជាដើម ដែលអស់សុពលភាពខូចគុណភាពនិងមានជាតិគីមីច្រើន ហើយសំខាន់បំផុតគីយកចិត្តទុកដាក់ទៅលើកីឡានិងការហាត់ប្រាណជាប្រចាំព្រោះការហាត់ប្រាណគឺជាឱសថដ៏មានប្រសិទ្ធភាពក្នុងការទ្រទ្រង់សុខភាពរាងកាយទប់ទល់នឹងជំងឺផ្សេងៗ។

គួរបញ្ជាក់ថា៖ នៅកម្ពុជា ជំងឺមហារីកដែលកើតមានញឹកញាប់ជាងគេរួមមាន (១).ថ្លើម (១៧,៧%) (២). សួត (១០,៩%) (៣).សុដន់ (១០,៧%) (៤).ពោះវៀនធំ (៨,៧%) និង (៥).មាត់ស្បូន (៦,៤%)។ ភាគច្រើននៃជំងឺមហារីកទាំងនេះ គឺអាចការពារបានតាមរយៈការកាត់បន្ថយកត្តាហានិភ័យ ជាមួយនឹងការ ត្រួតពិនិត្យ និងការធ្វើរោគវិនិច្ឆ័យបានទាន់ពេល៕