សម្តេចតេជោ៖ ការចរចាដំបូងស្វែងរកសន្តិភាពនៅកម្ពុជា បានដាក់ចេញនូវយុទ្ធសាស្ត្រ៥ចំណុច

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជាបានថ្លែងបាឋកថា ក្រោមប្រធានបទ៖ “មេរៀនរបស់ហ៊ុនសែន ពីរបបប្រល័យពូជសាសន៍ និងភាពក្រីក្រឆ្ពោះទៅកាន់សេរីភាព និងវិបុលភាព” ពីវិមានប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ ដោយបានលើកឡើងថា កាលពីសាធារណរដ្ឋប្រជាមានិតកម្ពុជា រដ្ឋកម្ពុជា សម្ដេចតេជោ ហ៊ុន សែន បានដាក់ចេញយុទ្ធសាស្ត្រ ៥ ចំណុច ដើម្បីចរចាសន្តិភាព ទី១.រៀបចំជំនួបសីហនុ ហ៊ុនសែន ទី២.ការដកកងទ័ពវៀតណាមចេញទាំងស្រុងពីកម្ពុជា ទី៣.ការរៀបចំបោះឆ្នោត ដែលមានអ្នកសង្កេតការណ៍អន្តរជាតិ ទី៤.ការចរចាជាមួយប្រទេសថៃ ដើម្បីកំណត់ព្រំដែនការធ្វើមាតុភូមិវិវត្តន៍ ទី៥.រៀបចំសន្តិសុខអន្តរជាតិរវាងសាធារណរដ្ឋប្រជាមានិតកម្ពុជាកម្លាំងចម្រុះ កម្ពុជាធិបតេយ្យក្រុមប្រឹក្សាសន្តិសុខ។

សម្ដេចអគ្គមហាសេនាបតីតេជោ ហ៊ុន សែន  បានថ្លែងបន្ដទៀតថា បន្ទាប់ពីបញ្ចប់សង្គ្រាមទទួលបានឯករាជ្យសន្តិភាពពេញលេញទូទាំងប្រទេស។ កម្ពុជាបានបង្រួបបង្រួមជាតិឯកភាពទឹកដីកងទ័ពតែមួយក្រោមរដ្ឋធម្មនុញ្ញតែមួយ និងរដ្ឋាភិបាលតែមួយ ក្រោមនយោបាយឈ្នះឈ្នះរបស់សម្ដេចតេជោហ៊ុនសែន បានប្រកាស ធានាលក្ខខណ្ឌចំពោះអតីតខ្មែរក្រហម៣យ៉ាងទី១.ធានាអាយុជីវិតរូបកាយ ទី២.ធានាអាជីព និងមុខរបរ ទី៣.ធានាកម្មសិទ្ធិឯកជន។ ការធានាទាំងអស់នេះ ដើមពីការជឿទុកចិត្តគ្នាមិនមានចែងនឹងកិច្ចព្រមព្រៀងក្រុងប៉ារីសណាមួយនោះទេ។ការប្រកាសនេះ វាផ្ដើមចេញពីគំនិតរបស់សម្ដេចតេជោ ហ៊ុន សែន។