មន្ទ្រីគណៈឃោសនាអប់រំខេត្តស្វាយរៀងណែនាំដល់ជនបង្គោលតាមមន្ទីរអង្គភាពជំរុញដល់ មន្ត្រីនិងពលរដ្ឋអោយទៅពិនិត្យបញ្ជីរឈ្មោះនិងចុះឈ្មោះបោះឆ្នោតដើម្បីបំពេញសិទ្ធជាពលរដ្ឋ

ស្វាយរៀង ÷ មន្ត្រីគណៈឃោសនាអប់រំខេត្តស្វាយរៀងលោកជំទាវប្រាក់ ពុទ្ធី ក្នុងកិច្ចប្រជុំផ្សព្វផ្សាយ ការងារឃោសនាអប់រំ ប្រចាំខែមេសា និងទិសដៅ ការងារឃោសនាអប់រំបន្តប្រចាំខែឧសភា ឆ្នាំ២០២៥នៅស្នាក់ការគណៈបក្សប្រជាជនកម្ពុជាខេត្ត ថ្ងៃទី៩ ខែឧសភា ឆ្នាំ ២០២៥នេះ បានណែនាំដល់ មន្ត្រីជនបង្គោលនៅតាមមន្ទីរអង្គភាពនិងស្រុក ក្រុង បន្តចុះជំរុញដល់មន្ត្រីនិងពលរដ្ឋឲ្យពួកគាត់ទៅធ្វើការផ្ទៀងទាត់បញ្ជីឈ្មោះចុះឈ្មោះ និងធ្វើជីវមាណសារជាថ្មីដើម្បីបំពេញសិទ្ធជាពលរដ្ឋ ឆ្ពោះទៅកាន់ការបោះឆ្នោតជ្រើសរើសតំណាងដែលខ្លួនពេញចិត្ត និងផ្ដល់ទំនប់ចិត្តអោយបន្តដឹកនាំ ការពារនិងអភិវឌ្ឍន៍មូលដ្ឋាននាពេលអនាគត។

ទាក់ទងទៅនឹងការងារសណ្ដាប់ធ្នាប់និងសន្តិសុខសង្គម លោកជំទាវ អនុប្រធានគណៈឃោសនាអប់រំខេត្ត បានណែនាំដល់មន្ត្រីថ្នាក់ដឹកនាំដែលជាជនបង្គោល ត្រូវបន្តចលនាអនុវត្តគោលនយោបាយភូមិឃុំមានសុវត្ថិភាពបន្ថែមទៀត ដើម្បីរួមការពារមូលដ្ឋាន ក្នុងករណីមូលដ្ឋានណាដែលមានស្ថានភាពមិនប្រក្រតីត្រូវសហការជាមួយនឹងមន្ត្រីមានសមត្ថកិច្ច ចុះបង្ក្រាប ឬអប់រំពួកគេឲ្យយល់ច្បាស់ពីការដឹកនាំរបស់រាជរដ្ឋាភិបាល សំដៅបញ្ជៀសឲ្យបានរាល់អំពើហិង្សា ការជួញដូរមនុស្ស និងការប្រើប្រាស់គ្រឿងញៀនដើម្បីរក្សាឲ្យបានសន្តិសុខ ជូនពលរដ្ឋក៏ដូចជាជូនដល់ អ្នកវិនិយោគដែលពូកគេចូលមកបង្កើតការងារឲ្យពលរដ្ឋយើងធ្វើនៅតាមមូលដ្ឋាន។

តាមរបាយការណ៍បឋមរបស់លេខាធិការដ្ឋានរៀបចំបោះឆ្នោតខេត្ត គិតចាប់ពីដំណើរការ ចុះឈ្មោះផ្ទៀងទាត់ឈ្មោះនឹងធ្វើជីវមាត្រពីថ្ងៃទី១ដល់ថ្ងៃទី៨ ខែឧសភា ឆ្នាំ២០២៥នេះ បានចំនួន២ម៉ឺន ៨ពាន់៣២៣នាក់ក្នុងនោះមាននាក់ចុះឈ្មោះថ្មីមានចំនួន២១.៥៤% ។