អាជ្ញាធរស្រុកកោះសូទិន​ចុះទប់ស្កាត់ករណីប្រជាពលរដ្ឋនាំគ្នារំលោភយកដីសាធារណៈរដ្ឋមកធ្វេីកម្មសិទ្ធិ​នៅឃុំមហាលាភ

កំពង់ចាម ៖ អាជ្ញាធរស្រុកកោះសូទិន​ចុះទប់ស្កាត់ករណីប្រជាពលរដ្ឋក្នុងភូមិដំណាក់ព្រីងកើត ឃុំមហាលាភ​ នាំគ្នារំលោភយកដីសាធារណៈរដ្ឋមកធ្វេីកម្មសិទ្ធិ​។

នៅថ្ងៃទី៩ ខែឧសភា ឆ្នាំ២០២៥ លោក ផេន សុផាត អភិបាលរងស្រុកកោះសូទិន​ តំណាងលោក យី វណ្ណៈ អភិបាលស្រុកសហការជាមួយមន្ត្រីជំនាញ​ អាជ្ញាធរឃុំ​ ចុះពិនិត្យផ្ទាល់​ និងដោះស្រាយការដណ្តើមដីសាធារណៈយកមកគ្រប់គ្រង ខណៈដីដែលរំលោភនេះជាដីព្រែក បឹងឈើពុក នៅតាមបណ្តោយផ្លូវបេតុងភូមិដំណាក់ព្រីងកើតជាប់ព្រុំប្រទល់ស្រុកអូរាំងឪ ខេត្តត្បូងឃ្មុំ អាជ្ញាធរស្រុក​ ស្នេី​ និងអំពាវនាវសូមកុំអោយប្រជាពលរដ្ឋដណ្តើមដីសាធារណៈនេះបន្តទៀត។

លោក ផេន សុផាត អភិបាលរងស្រុកកោះសូទិន​បានបញ្ជាក់ឲ្យដឹងទៀតថា​ ដីដែលជាប់ផ្លូវបណ្តោយផ្លូវបេតុងភូមិដំណាក់ព្រីងកើតជាប់ព្រុំប្រទល់ស្រុកអូរាំងឪ ខេត្តត្បូងឃ្មុំនេះគឺសុទ្ធសឹងជាដីចំនីដែនបឹង​ ដែលកាន់កាប់ដោយជលផល​ ហេីយប្រជាពលរដ្ឋរំលោភពីកន្លងមកពុំមានប្លង់ឯកសារត្រឹមត្រូវឡេីយ។ ដូច្នោះដេីម្បីថែរក្សា​ និងទប់ស្កាត់កុំឲ្យប្រជាពលរដ្ឋដណ្តេីមគ្នា​ យកមកធ្វេីអាស្រ័យឬធ្វេីកម្មសិទ្ធិបានទៀតនោះ​ រដ្ឋបាលស្រុករួមអាជ្ញាធរឃុំ​ នឹងចាត់វិធានការចំពោះបុគ្គលដែលរំលោភយក​ ដោយអនុវត្តន៍តាមផ្លូវច្បាប់ប្រសិនបេីមានការប្រព្រឹត្តបន្តទៀត៕