សម្ដេចធិបតី ណែនាំឱ្យនគរបាលរៀបចំប្រព័ន្ធពន្លត់អគ្គិភ័យតាមស្តង់ដា នៃការវិវត្តសំណង់អគារ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីក្នុងពិធីអបអរសាទរ ខួបលើកទី៨០ ព្រឹកមិញនេះ សម្ដេច បានថ្លែងថា កងកម្លាំងត្រូវគិតគូរពីបរិបទថ្មីដើម្បីធានាចីរភាពសណ្ដាប់ធ្នាប់តាមទីសាធារណៈសណ្ដាប់ធ្នាប់ចរាចរណ៍មានការរៀបរយល្អឆ្លើយតប និងការកើនឡើង និងតម្រូវការនៃការអភិវឌ្ឍជាតិកំណើនសេដ្ឋកិច្ចអគារខ្ពស់ៗនិងបុរីដែលមានមនុស្សរស់នៅច្រើនកុះករ ។

សម្ដេចធិបតី បានសម្ដែងនូវការកោតសរសើរចំពោះការត្រៀមលក្ខណៈ និងចេញប្រតិបត្តិការរបស់កងកម្លាំងពន្លត់អគ្គីភ័យដោយសហការជាមួយស្ថាប័នផ្សេងៗ ក្នុងការសង្គ្រោះប្រជាពលរដ្ឋបានល្អ។ ប្រពន្ធ័សន្តិសុខតាមរយះ ការផ្ដល់ព័ត៌មានតាមរយៈប្រព័ន្ធអនឡាញវិទ្យុ និងទូរទស្សន៍ជាការចាំបាច់ ដើម្បីទប់ស្កាត់នូវការគ្រោះថ្នាក់ផ្សេងៗ ។

សម្ដេចធិបតី បានអំពាវនាវដល់បងប្អូនប្រជាពលរដ្ឋយកចិត្តទុកដាក់រៀបចំទុកដាក់ប្រើប្រាស់គ្រឿងអគ្គិសនីពិនិត្យមើល បិតភ្លើងហ្គាស៍ ឱ្យមានការប្រុងប្រយ័ត្នខ្ពស់មុនចេញពីផ្ទះការពារប្រសើរជាងសង្គ្រោះព្យាបាលកុំឱ្យមានការសោកស្ដាយផ្សេងៗកើតឡើង។