ព័ត៌មាន
ក្រសួងការងារបន្តបើកយុទ្ធនាការផ្សព្វផ្សាយស្តីពីការចូលរួមទប់ស្កាត់ និងប្រឆាំងពលកម្មលើកុមារនៅទូទាំងប្រទេស
ដើម្បីលើកកម្ពស់ការចូលរួម ការយល់ដឹង និងសហការអនុវត្តច្បាប់ពីគ្រប់ភាគីពាក់ព័ន្ធទៅនឹងការប្រឆាំងពលកម្មកុមារ។ ក្រសួងការងារ និងបណ្ដុះបណ្ដាលវិជ្ជាជីវៈ បានសហការជាមួយមន្ទីរការងារ និងបណ្តុះបណ្តាលវិជ្ជាជីវៈ រាជធានី ខេត្ត ដើម្បីចុះផ្សព្វផ្សាយ និងចងបដាស្តីពីការបង្ការ និងទប់ស្កាត់ការប្រើប្រាស់ពលកម្មកុមារនៅតាមសហគ្រាស គ្រឹះស្ថាន ជាពិសេសនៅវិស័យសិប្បកម្មផលិតឥដ្ឋ ក្បឿង និងកសិ-ឧស្សាហកម្ម។
ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានប្រាប់ព័ត៌មាន ប៊ីធីវី ឱ្យដឹងនៅព្រឹកថ្ងៃទី២៨ ខែឧសភានេះថា យុទ្ធនាការនេះក្រសួងតែងតែធ្វើជារៀងរាល់ឆ្នាំ ហើយនៅឆ្នាំ២០២៥នេះ ក៏នៅតែបន្តសកម្មភាពទាំងនេះថែមទៀតនៅទូទាំងប្រទេស ក្នុងគោលបំណងដើម្បីផ្សព្វផ្សាយឱ្យបានដឹងអំពីការទប់ស្កាត់លើការប្រើប្រាស់កម្លាំងពលកម្មកុមារដែលខុសពីទៅនឹងច្បាប់ជាតិ និងអន្តរជាតិផងដែរ។
ឯកឧត្តមអ្នកនាំពាក្យ បានឱ្យដឹងទៀតថា យុទ្ធនាការនេះ ក្រសួងបានធ្វើនៅតាមគោលដៅជាច្រើន មានដូចជានៅឡឥដ្ឋ តំបន់សេដ្ឋកិច្ចពិសេស តំបន់កសិឧស្សាហកម្ម រួមទាំងតំបន់ផ្សេងៗទៀតដែលអាចមើលឃើញថា មានការប្រឈមទាក់ទងជាមួយការប្រើប្រាស់កម្លាំងពលកម្មកុមារផងដែរ។ ឯកឧត្តម បានបន្ថែមថា ក្រៅពីការអប់រំផ្សព្វផ្សាយ ក្រសួងតែងតែផ្តល់ជំនាញ ផ្តល់ការសិក្សា និងឧបត្ថម្ភទៅដល់ក្រុមគ្រួសារដែលមើលឃើញថា ជាគ្រួសារដែលមានជីវភាពខ្វះខាត គ្រួសារដែលមានកុមារច្រើន ដើម្បីឱ្យកុមារទាំងអស់នោះអាចទៅរៀនបាន ហើយឪពុកម្តាយ យើងក៏បានផ្តល់ជំនាញជូនពួកគាត់ដើម្បីអាចឱ្យឪពុកម្តាយមានជំនាញជាក់លាក់ច្បាស់លាស់ ហើយអាចឱ្យប្រកបរបរបាន និងកុំឱ្យជំរុញកូនទៅធ្វើការងារ ហើយយកកូនទៅរៀនវិញ។
ឯកឧត្តម ស៊ុន មេសា បានគូសបញ្ជាក់ទៀតថា យុទ្ធនាការនេះ មន្ត្រីជំនាញរបស់ក្រសួងការងារ ក៏បានបន្តជំរុញនិងលើកទឹកចិត្តដល់អាជ្ញាធរមូលដ្ឋាន និងសហគមន៍នៃសិប្បកម្មផលិតឥដ្ឋ ក្បឿង និងកសិ-ឧស្សាហកម្ម ចូលរួមទប់ស្កាត់ និងលុបបំបាត់រាល់ទម្រង់ទាសភាព ទម្រង់ធ្ងន់ធ្ងរនៃពលកម្មកុមារ និងការងារ ប្រកបដោយគ្រោះថ្នាក់។ ឯកឧត្តមក៏បានអំពាវនាវដល់គ្រប់ភាគីពាក់ព័ន្ធរួមគ្នាប្តេជ្ញាបញ្ចប់រាល់ទម្រង់ធ្ងន់ធ្ងរនៃពលកម្មកុមារ និងរាយការណ៍រហ័សតាមរយៈ Hotline ១២៩៧ ឬ ១២៨៦ ក្នុងករណីការ ប្រើប្រាស់រាល់ទម្រង់ធ្ងន់ធ្ងរនៃពលកម្មកុមារ៕ អត្ថបទ៖ ឈិត បូរ៉ាវី
-
ព័ត៌មាន1 week agoអាជ្ញាធរខណ្ឌពោធិ៍សែនជ័យប្រឹងប្រែងស្តារប្រឡាយ និងលូឆ្អឹងជំនីតាមតំបន់សំខាន់ៗក្នុងមូលដ្ឋាន ដើម្បីរំដោះការជន់លិច
-
ព័ត៌មាន1 week agoសម្តេចអគ្គមហាពញាចក្រី ហេង សំរិន អញ្ជើញកាន់បិណ្ឌវេនទី១ នៅវត្តគីរីសុវណ្ណរាម ក្នុងស្រុកពញាក្រែក ខេត្តត្បូងឃ្មុំ
-
ព័ត៌មាន6 days agoប្រជាជនរងគ្រោះទឹកជំនន់រហ័សជាង១ពាន់គ្រួសារ ក្នុងខេត្តបន្ទាយមានជ័យ ដែលជម្លៀសមកកាន់ទីទួលសុវត្ថិភាព ទទួលបានអំណោយពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
-
ព័ត៌មាន1 week agoអ្នកជំនាញការអាដហុក អាយស៊ីស៊ី ព្រះវិហារ ចុះពិនិត្យវឌ្ឍនភាពការងារអភិរក្ស អភិវឌ្ឍន៍ក្នុងរមណីយដ្ឋានប្រាសាទកោះកេរ និងប្រាសាទព្រះវិហារ
-
ព័ត៌មាន1 week agoប្រមុខការទូតកម្ពុជា និងអគ្គលេខាធិការ UN ជួបពិភាក្សាទ្វេភាគី ផ្លាស់ប្តូរទស្សនៈគ្នាលើបច្ចុប្បន្នភាពនៅតាមបណ្តោយព្រំដែនកម្ពុជា-ថៃ
-
ព័ត៌មាន1 week agoការគិតគូរជីវភាពពលរដ្ឋគឺជាអាទិភាពនៃគោលនយោបាយរបស់រាជរដ្ឋាភិបាល នៃគណបក្សប្រជាជនកម្ពុជា
-
ព័ត៌មាន1 week agoសម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
-
ព័ត៌មាន1 week agoរដ្ឋមន្ត្រីក្រសួងអធិការកិច្ច ជួបប្រជុំទ្វេភាគីជាមួយអគ្គអធិការនៃអធិការកិច្ចរដ្ឋាភិបាលវៀតណាម