អភិបាលស្រុកស្វាយជ្រំខេត្តស្វាយរៀងអំពាវនាវដល់ពលរដ្ឋអញ្ជើញទៅចុះឈ្មោះនៅតាមសាលាឃុំដើម្បីអោយរដ្ឋបាលឃុំសម្របសម្រួលជាមួយរោងចក្រត្រៀមយកការងារធ្វើ

ស្វាយរៀង ÷ លោកហែម សារិទ្ធ អភិបាលស្រុកស្វាយជ្រំ ខេត្តស្វាយរៀង នៅថ្ងៃទី ២៩ ខែឧសភាឆ្នាំ ២០២៥នេះ បានអំពាវនាវដល់ពលរដ្ឋនៅតាមបណ្ដាឃុំក្នុងស្រុក សូមអញ្ជើញទៅចុះឈ្មោះនៅតាមសាលាឃុំ ដើម្បីផ្តល់ព័ត៌មានជូនដល់រដ្ឋបាលឃុំស្រង់ ទិន្ននយ័កំលាំងពលកម្ម ចំនួនពលរដ្ឋដែលមានបំណងធ្វើការងារនៅតាមរោងចក្រសហគ្រាស ខណៈដែលភូមិសាស្ត្រ ស្រុកស្វាយជ្រំ ត្រូវបានឯកឧត្តមអភិបាលខេត្ត ធ្វើការទំនាក់ទំនងអ្នកវិនិយោគក្នុងនិងក្រៅស្រុកចូលមកបង្កើតរោងចក្រ ជាច្រើនកន្លែងដើម្បីអោយពលរដ្ឋចូលធ្វើការបង្កើនប្រាក់ចំណូលគ្រួសារបន្ថែមលើរបបកសិកម្ម ។

លោកបានបញ្ជាក់បានបញ្ជាក់ថាកន្លងមកការស្វែងរកការងារធ្វើរបស់បងប្អូនពលរដ្ឋតែងតែប្រឈមទៅនឹងផ្នែកខ្លះៗ ដូច្នេះពីពេលនេះតទៅបងប្អូនដែលមានបំណងធ្វើការនៅតាមរោងចក្រសហគ្រាសក្នុងស្រុកសូមបងប្អូនទៅធ្វើការទំនាក់ទំនងដោយខ្លួនឯងផ្ទាល់ ជាមួយរោងចក្រ ឬតាមរយះមន្ទីរការងារ ពិសេសទៅចុះឈ្មោះនៅសាលាឃុំ ដើម្បីឲ្យរដ្ឋបាលឃុំ ប្រមូលទិន្ននយ័ដើម្បីយកទៅធ្វើទំនាក់ទំនងជាមួយនឹងម្ចាស់រោងចក្រសហគ្រាសផ្ដល់ការងារឲ្យបងប្អូនធ្វើតែម្តង ។សំឡេង…….  សូមបញ្ជាក់ថាស្វាយរៀងជាខេត្តដែលរាជរដ្ឋាភិបាល បានបង្កើតឲ្យមានតំបន់សេដ្ឋកិច្ចពិសេសនៅឆ្នាំ ២០០៥ រហូតមកដល់ឆ្នាំ២០២៥នេះស្វាយរៀងមានតំបន់សេដ្ឋកិច្ចពិសេស នៅក្នុងភូមិសាស្ត្រខេត្តចំនួន១៣ទីតាំង និងមាន រោង សហគ្រាស គ្រឹះស្ថាន កំពុងប្រតិបត្តិការផលិតផលិតផលនាំចេញ មានចំនួន១ពាន់៣កន្លែងក្នុងនោះមានកម្មករនិយោជិត បំរើការងារចំនួន១សែន ៤ម៉ឺន ២០៩នាក់ ។