សម្ដេចធិបតី ហ៊ុន ម៉ាណែត អញ្ជើញជាអធិបតីដ៏ខ្ពង់ខ្ពស់វេទិកាធុរកិច្ចកម្ពុជា-ជប៉ុន នៅប្រទេសជប៉ុន

ជប៉ុន៖ នៅល្ងាចថ្ងៃទី២៩ ខែឧសភា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអញ្ជើញជាអធិបតីដ៏ខ្ពង់ខ្ពស់វេទិកាធុរកិច្ចកម្ពុជា-ជប៉ុន នៅប្រទេសជប៉ុនទីក្រុងតូក្យូ ប្រទេសជប៉ុន ។

វេទិការនេះត្រូវបានសហការរៀបចំដោយ សភាពាណិជ្ជកម្មកម្ពុជា អង្គការពាណិជ្ជកម្មក្រៅប្រទេសជប៉ុន (JETRO) គណៈកម្មាធិការសហប្រតិបត្តិការសេដ្ឋកិច្ចនិងឧស្សាហកម្មជប៉ុន (AMEICC) និង ធនាគារមីស៊ូហ៊ុ (Mizuho) ដែលមានវិនិយោគិនចូលរួមចំនួនជិត៣០០នាក់ មកពីបណ្តាក្រុមហ៊ុនចំនួន ២២៧ ក្រុមហ៊ុន។

ក្នុងឱកាសនោះ សម្ដេចធិបតី ហ៊ុន ម៉ាណែត នាយករដ្ឋមន្ត្រី ក្រៅពីមានប្រ សាសន៍លើកឡើងពីសក្ដានុពលនៃឱកាសវិនិយោគនៅកម្ពុជា ដែលមានតាំងពីកំពង់ផែទឹកជ្រៅ ព្រលានយន្តហោះអន្តរជាតិតេជោ និងព្រែកជីកហ្វូណនតេជោជាដើមនោះ សម្ដេចធិបតីនាយករដ្ឋមន្ត្រី ក៏បានអញ្ជើញវិនិយោគិនជប៉ុនទាំងអស់មកបណ្ដាក់ទុនបន្ថែមនៅកម្ពុជា និងស្វែងយល់ពីឱកាសវិនិយោ គនៅកម្ពុជាតាមរយៈការមកទស្សនាដោយផ្ទាល់។ សម្ដេចធិបតីរម្លឹកបន្ថែមថា ពេលបានមកឃើញផ្ទាល់ ប្រសើរជាងឮតាមគេប្រាប់៕