អំណោយសម្តេចធិបតី និងលោកជំទាវ ត្រូវបានឧបត្ថម្ភដល់គ្រួសារប្រជាពលរដ្ឋ ដែលរងគ្រោះដោយភ្លើងឆេះផ្ទះ ក្នុងក្រុងកំពង់ឆ្នាំង

កំពង់ឆ្នាំង : នៅថ្ងៃទី៣១ ខែឧសភា ឆ្នាំ២០២៥ លោកឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងក្រុមការងារ អាជ្ញាធរក្រុងសង្កាត់ បានដឹកនាំយកអំណោយដ៏ថ្លៃថ្លារបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ ចន្ទមុនី ហ៊ុន ម៉ាណែត ឧបត្ថម្ភដល់ប្រជាពលរដ្ឋឈ្មោះ ខាន់ ហៀង ដែលត្រូវអគ្គិភ័យឆាប់ឆេះផ្ទះទំហំ ៧គុណ៤ម៉ែត្រ ថ្មក្រោមឈើលើ អស់ទាំងស្រុង នៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង នាព្រឹកថ្ងៃទី៣១ ខែឧសភា ឆ្នាំ២០២៥។

លោកមេបញ្ជាការ បានពាំនាំប្រសាសន៍ផ្តាំផ្ញើសួរសុខទុក្ខ និងចូលរួមសោកស្តាយ ពីសំណាក់ សម្តេចធិបតី និងលោកជំទាវ ចំពោះការបាត់បង់ផ្ទះសម្បែងរបស់បងប្អូននាពេលនេះ ។ សម្តេចធិបតី និងលោកជំទាវ តែងតែគិតគូរពីសុខទុក្ខរបស់បងប្អូនប្រជាពលរដ្ឋ គ្រប់ទីកន្លែង គ្រប់កាលៈទេសៈទាំងអស់ ។ ក្នុងនោះ សម្តេច និងលោកជំទាវ តែងតែឧបត្ថម្ភសម្ភារ និងគ្រឿងឧបភោគបរិភោគ ជាបន្តបន្ទាប់ សម្រាប់ទុកចែកជូនបងប្អូនប្រជាពលរដ្ឋ ដែលជួបការ និង រងគ្រោះដោយគ្រោះមហន្តរាយផ្សេងៗ ដូចជាបងប្អូននាពេលនេះជាដើម ។

គ្រួសាររងគ្រោះ បានថ្លែងអំណរគុណយ៉ាងជ្រាលជ្រៅជាទីបំផុតជូនចំពោះ សម្តេចធិបតី និង លោកជំទាវ ដែលជានិច្ចកាលតែងតែយកចិត្ដទុកដាក់ចំពោះប្រជាពលរដ្ឋនៅគ្រប់ទីកន្លែង និងសូមគោរពជូនពរ សម្តេច និង លោកជំទាវ មានសុខភាពល្អបរិបូណ៌ ដើម្បីដឹកនាំប្រទេសកម្ពុជា ឲ្យកាន់តែរីកចម្រើនបន្ថែមទៀត៕ កាំង ហុងវាស្នា