លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ថវិកាវិភាគទានប្រចាំឆ្នាំ ១លានដុល្លារ ដល់មូលនិធិគន្ធបុប្ផាកម្ពុជា

ដោយមានការចាត់តាំងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី អូន ព័ន្ធ​មុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធាន​ក្រុម​ប្រឹក្សា​បរធនបាល​ នៃ​មូលនិធិគន្ធបុប្ផាកម្ពុជា, លោកជំទាវ ប៉ែន សុបភា បានដឹកនាំ​ប្រតិភូ​ដែល​រួម​មាន​តំណាង​មន្ទីរ​គន្ធបុប្ផា, តំណាងមូលនិធិគន្ធបុប្ផាស្វីស និងតំណាងមូលនិធិគន្ធបុប្ផាកម្ពុជា ចូល​រួម​ទទួល​ថវិកា​វិភាគទានប្រចាំឆ្នាំចំនួន ១លានដុល្លារអាម៉េរិក ពីកាកបាទក្រហមកម្ពុជា នៅ​រសៀល​ថ្ងៃ​អង្គារ ទី៣ ខែមិថុនា ឆ្នាំ២០២៥។

ពិធីប្រគល់ទទួលនេះ ធ្វើឡើងក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុន​ម៉ាណែត អនុប្រធានអចន្ត្រៃយ៍នៃកាកបាទក្រហមកម្ពុជា និង​ជា​តំណាង​ដ៏​ខ្ពង់​ខ្ពស់​របស់​សម្ដេច​កិត្ដិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។

បន្ទាប់មក, មូលនិធិគន្ធបុប្ផាកម្ពុជា ក៏បានប្រគល់ថវិកានេះ ជូនតំណាងមន្ទីរពេទ្យគន្ធបុប្ផា ដើម្បី​បន្ត​បេសកកម្ម​ផ្ដល់​សេវាពិនិត្យ និងព្យាបាលជំងឺទារក និងកុមារ ព្រមទាំង សេវាសម្ភព​ដោយ​ឥត​គិត​ថ្លៃ ប្រកបដោយគុណភាព និងមិនមានការរើសអើង៕