ឯកឧត្តម វ៉ី សំណាង រួមទាំង​សប្បុរសធម៌​ បាននាំយកអំណោយជា​ទឹកអាកុលចំនួន១ម៉ឺនលីត្រ​ជូនមន្ទីរពេទ្យគន្ធបុប្ផា

ភ្នំពេញ៖ មន្ទីរពេទ្យគន្ធបុប្ផានៅរាជធានីភ្នំពេញ និងមន្ទីរពេទ្យគន្ធបុប្ផាអង្គរ បានទទួលនូវអំណោយ សប្បុរសធម៌ របស់ក្រុមហ៊ុន ដាវីស៊ីអេច អ៊ីមផត អិចផត ឯ.ក និងក្រុមហ៊ុន សុខ ធារ៉ា ចំនួន១ម៉ឺនលីត្រជារៀងរាល់ខែ ដើម្បីប្រើប្រាស់។

ការប្រគល់ជូននេះ បានធ្វើឡើងនៅព្រឹកថ្ងៃទី០៧ ខែមិថុនា ឆ្នាំ២០២០៥នេះ ដោយមាន​វត្តមានឯកឧត្តម វ៉ី សំណាង អភិបាលខេត្តតាកែវ តំណាងកិត្តិយសក្រុមហ៊ុន ដាវីស៊ីអេច អ៊ីមផត អិចផត បាននាំយក អាល់កុល ជូនជាអំណោយ ដល់មន្ទីរពេទ្យគន្ធបុប្ផា នៅរាជធានីភ្នំពេញ និងមន្ទីរពេទ្យគន្ធបុប្ផាអង្គរ ចំនួន១ម៉ឺនលីត្រ រួមមាន៖ កម្រិតអាល់កុល៧៥%ចំនួន៥ពាន់លីត្រ និង កម្រិតអាល់កុល៩៧% ចំនួន៥ពាន់លីត្រ ស្មើរនឹង៣៣៤កាន ជារៀងរាល់ខែ ដើម្បីសម្រាប់ប្រើប្រាស់​ក្នុងតម្រូវការរបស់មន្ទីរពេទ្យ និងចូលរួមចំណែកជាមួយរាជរដ្ឋភិបាលក្នុងការទប់ស្កាត់ការ​រីករាលដាលឡើងវិញ នៃជំងឺឆ្លងថ្មី កូវីដ១៩ ប្រភេទបំប្លែងថ្មី JN.1។

ជាមួយគ្នានោះឯកឧត្ដម វ៉ី សំណាង តំណាងក្រុមហ៊ុន បានថ្លែង អំណរអរគុណកោតសរសើរ ចំពោះ គិលានុបដ្ឋាយិកា និងវេជ្ជបណ្ឌិតទាំងអស់ដែលកំពុងថែរក្សា ព្យាបាលអ្នកជំងឺ ដោយសេចក្តី​ស្រលាញ់​បរិសុទ្ធ ការយកចិត្តទុកដាក់ខ្ពស់បំផុតរបស់ពួកគាត់ ដោយគ្មានការ​ស្ទាក់ស្ទើរ។ បន្ថែមទៀតនោះឯកឧត្តម សង្ឃឹមយ៉ាងមុតមាំថា នឹងបន្តរផ្ដល់​នូវអាល់កុលទឹកដល់បណ្ដា​ក្រសួង​ស្ថាប័ន្ថ រដ្ឋបាលរាជធានីខេត្ត ​និងតាមមន្ទីពេទ្យផ្សេងៗ ​ដើម្បីប្រើប្រាស់ប្រចាំថ្ងៃ​ ក៏ដូចជាជំងឺឆ្លង ជាពិសេស​ ក្នុងការទប់ស្កាត់ការីករាលដាលឡើងវិញ នៃជំងឺឆ្លងថ្មី កូវីដ១៩ ប្រភេទបំប្លែងថ្មីJN.1។

ឯកឧត្តម បានបញ្ជាក់ថា ក្រុមហ៊ុនបានផលិតផលកែច្នៃឡើងវិញ ​ពីសម្ភារៈដែលត្រូវបានបោះចោល​ចេញពីកាកសំណល់ស្រាបៀ​ ត្រូវបាន​ផលិតជាអាល់កុលទឹក ​ប្រើប្រាស់សម្រាប់ជួយ​ដល់វិស័យ​សុខាភិបាល ជាពិសេសតាមបណ្ដាមន្ទីពេទ្យ ក៏ដូចជាជីវភាពរស់នៅប្រចាំថ្ងៃរបស់ប្រជាពលរដ្ឋ​ក្នុងសង្គមកម្ពុជា ​ដែលកែច្នៃដោយសិប្បកម្ម ក្រុមហ៊ុន ដាវី ស៊ីអេច ដែលជាក្រុមហ៊ុនស្នាដៃកូនខ្មែរ​ដំបូងនៅកម្ពុជាដែលមានការទទួលស្គាល់ និងឯកភាពគាំទ្រដោយក្រសួងបរិស្ថាន និងការចុះបញ្ជី​ម៉ាកពីក្រសួង ពាណិជ្ជកម្មផងដែរ។

ក្នុងឱកាសនោះ មន្ទីរពេទ្យគន្ធបុប្ផា បានថ្លែងថា សម្ភារនេះបានដើរតួនាទីដ៏សំខាន់សម្រាប់បម្រើការ ក្នុងមន្ទីរពេទ្យទាំងមូល និង ទុកប្រើប្រាស់ ជាប្រចាំថ្ងៃដែលមាន ជំងឺរាតត្បាតនៃជំងឺឆ្លងផ្សេងៗ ព្រមទាំងចូលរួមចំណែកលើកកម្ពស់គុណភាពជីវិត​របស់ប្រជាជនកម្ពុជា៕ អត្ថបទ៖ កុម្ភៈ