ព័ត៌មាន
ឯកឧត្តម ហ៊ុន ម៉ានី អំពាវនាវដល់ប្រជាពលរដ្ឋជួយលើកទឹកចិត្តដល់កងទ័ព និងជឿជាក់លើរាជរដ្ឋាភិបាល
ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានថ្លែងសាអំពាវនាវដល់ប្រជាពលរដ្ឋលើកទឹកចិត្តដល់កងទ័ព និងជឿជាក់មកលើរាជរដ្ឋាភិបាលក្នុងការដោះស្រាយវិវាទព្រំដែនកម្ពុជា_ថៃ។
ការថ្លែងរបស់ឧបនាយករដ្ឋមន្រ្តីយ៉ាងដូច្នេះ បានធ្វើឡើងនៅព្រឹកថ្ងៃទី១០ខែមិថុនានេះ ក្នុងពិធីជួបសំណេះសំណាលសួរសុខទុក្ខ និងប្រគល់អំណោយរបស់សហភាពសហព័ន្ធយុវជនកម្ពុជាជូនដល់កងទ័ព ស្ថិតនៅខេត្តព្រះវិហារ។
នៅក្នុងពិធីឯកឧត្តម ហ៊ុន ម៉ានី ឧបនាយករដ្ឋមន្រ្តី បានថ្លែងបន្តថា ក្នុងនាមប្រជាពលរដ្ឋខ្មែរស្រលាញ់ទឹកដីរបស់ប្រទេសយើង គឺត្រូវតាមដានស្ថានការព្រំដែនកម្ពុជា_ថៃ គ្រប់កាលៈទេសៈ និងគាំទ្រលើចំណាត់ការណ៍ទាំងបីរបស់រាជរដ្ឋាភិបាលក្នុងការដោះស្រាយបញ្ហាព្រំដែនជាមួយភាគីថៃ ដែលក្នុងរួមមាន៖ ការទូត ច្បាប់ និងយោធា។
សម្រាប់ស្បៀង សម្ភារៈ និងថវិកាជូនកងទ័ព និងគ្រួសារកងទ័ពដែលបានពីការចូលរួមចំណែកពីគ្រប់ទិសទីរួមមាន៖ ថវិកាចំនួន 180.000 $ (ដប់ប្រាំបីម៉ឺនដុល្លារ) និងគ្រឿងឧបភោគ និងសម្ភារៈប្រើប្រាស់ជាច្រើនទៀត។
ជាការកត់សំគាល់ ស. ស.យ.ក. បានធ្វើចលនាស្ម័គ្រចិត្តចូលរួមរៃអង្គាសថវិកា និងសម្ភារៈជូនដល់វីរកងទ័ពដែលបង្ហាញពីការគាំទ្រ ដល់វីរយុទ្ធជនដែលកំពុងឈរជើងការពារជាតិនៅខ្សែបន្ទាត់ព្រំដែន។ គំនិតផ្តួចផ្តើមនេះបានអនុញ្ញាតឱ្យបងប្អូនប្រជាពលរដ្ឋខ្មែរ មិនថាព្រះសង្ឃ សាសនិកឥស្លាម គ្រឹះស្ថានឧត្តមសិក្សា វិស័យឯកជន កីឡាករ កីឡាការិនី ជាពិសេសបងប្អូនជាកីឡាករប៉ារ៉ាឡាំពិក សិល្បករ សិល្បការិនី សិស្ស និស្សិត ឬមហាជនទូទៅនានា បានបង្ហាញពីមនោសញ្ចេតនាជ្រាលជ្រៅក្នុងនាមជាខ្មែរ ដោយបង្ហាញពីទឹកចិត្ត ឆន្ទះ និងក្ដីស្រលាញ់ដ៏ធំធេងរបស់ប្រជាជនខ្មែរ ក្រោមស្មារតី«ជួយយកអាសារគ្នា រួមគ្នា ដើម្បីកម្ពុជាឆ្លងផុតវិបត្តិ»៕ អត្ថបទ៖ទូច សោភ័ណ
-
ព័ត៌មាន1 week agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ
-
ព័ត៌មាន1 week agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoរដ្ឋមន្ត្រីក្រសួងឧស្សាហកម្មលើកទឹកចិត្តម្ចាស់អាជីវកម្មពង្រឹងគុណភាព ជំនាញ និងគាំទ្រផលិតផលក្នុងស្រុក ដើម្បីរួមចំណែកអភិវឌ្ឍន៍សេដ្ឋកិច្ចកម្ពុជា
-
ព័ត៌មាន1 week agoក្រសួងសុខាភិបាល បើកសិក្ខាសាលាស្តីពី លទ្ធផលវាយតម្លៃប្រព័ន្ធរាយការណ៍ការចម្លងរោគ ក្នុងមូលដ្ឋានព្យាបាល និងថែទាំសុខភាព
-
ព័ត៌មាន1 week agoកងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ
-
ព័ត៌មាន6 days agoឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាងថ្នាក់ដឹកនាំជំនាន់មុន និងថ្នាក់ដឹកនាំជំនាន់ក្រោយ
-
ព័ត៌មាន1 week agoប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ
-
ព័ត៌មាន1 week agoឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញប្រកាសជាផ្លូវការបណ្តាញអគ្គលេខាធិការនៃក្រសួង ស្ថាប័ន ចំណុះអង្គការនីតិប្រតិបត្តិ