កាកបាទក្រហមកម្ពុជាខេត្តសៀមរាប រៀបចំពិធីថ្វាយព្រះពរសម្តេចម៉ែ ក្នុងឱកាសព្រះរាជពិធី​ចម្រើន​ព្រះជន្ម​​គម្រប់ ៨៩យាងចូល ៩០ព្រះវស្សា

នៅព្រឹកថ្ងៃទី១២ ខែ មិថុនា ឆ្នាំ២០២៥នេះសាខាកាកបាទក្រហមកម្ពុជាខេត្តសៀមរាប បាន​រៀប​ចំ​ពិធី​ថ្វាយ​ព្រះពរសម្តេចមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះ​ប្រធាន​កិត្តិយស​កាក​បាទ​ក្រហមកម្ពុជា ក្នុងឱកាសព្រះរាជពិធីបុណ្យ​ចម្រើន​​ព្រះជន្ម​គម្រប់ ៨៩យាង​ចូល​៩០​ព្រះវស្សា ព្រមទាំងរៀចំកម្មវិធីទទួលការបរិច្ចាគឈាម ដើម្បី​អបអរ​ទិវា​ពិភព​លោក​នៃ​អ្នក​បរិច្ចាគ​ឈាម​ឆ្នាំ២០២៥ ក្រោមប្រធានបទ «បរិច្ចាគឈាម គឺជួយជីវិត» ដើម្បីរួមចំណែក ជួយ​សង្គ្រោះ​អាយុជីវិតបងប្អូនប្រជាពលរដ្ឋយើង ដែលកំពុងត្រូវការឈាម ជារៀងរាល់ថ្ងៃ។ កម្មវិធីបរិច្ចាគឈាម គឺប្រារព្ធធ្វើនៅទីស្នាក់ការសាខាកាកបាទក្រហមកម្ពុជា ខេត្តសៀមរាប ស្ថិត​ក្រោម​ធិបតី​ភាពអ្នកឧកញ៉ា សៀង ណាំ ប្រធាន​កិត្តិយស​សាខា​កាក​បាទ​ក្រហម​កម្ពុជា​ខេត្ត​សៀមរាប, ឯកឧត្តម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្ត​សៀមរាប, លោកជំទាវ ទុយ ជិ អនុប្រធានគណៈកម្មាធិការសាខាកាកបាទក្រហមកម្ពុជា ខេត្ត​សៀមរាបព្រម​ទាំងមានការអញ្ជើញចូលរួមពីសំណាក់សមាជិក សមាជិកា សាខាកាកបាទលោក​ លោកស្រី ថ្នាក់ដឹកនាំមន្ទីរ អង្គភាព មន្ត្រីរាជការ និងបង​ប្អូន​ប្រជា​ពលរដ្ឋ​សិស្ស​និស្សិត​ជា​ច្រើន​រូប​ចូល​រួម​បរិចា្ចគឈាមផងដែរ៕