សម្ដេចធិបតី៖ ពលរដ្ឋខ្មែរនៅក្រៅប្រទេសភ្ញាក់ផ្អើល ក្រោយឃើញកម្ពុជាម្ចាស់ការលើអគ្គិសនី និងអ៊ិនធឺណិតខ្លួនឯង

ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ពិធីបិទមហាសន្និបាតវិសាមញ្ញកាយរឹទ្ធិជាតិកម្ពុជា នៅថ្ងៃទី១៧ ខែមិថុនា ឆ្នាំ២០២៥នេះ សម្ដេចធិបតី ហ៊ុន ម៉ាណែត នាយករដ្ឋមន្រ្ដី បានឱ្យដឹងថា មានពលរដ្ឋខ្មែរនៅក្រៅប្រទេសមួយចំនួនបង្ហាញភ្ញាក់ផ្អើលក្រោយឃើញកម្ពុជា អាចម្ចាស់ការដោយខ្លួនឯង លើការផ្គត់ផ្គង់អគ្គិសនី និងអ៊ិនធឺណិត ខណៈសម្ដេចធិបតីបញ្ជាក់ថា ចំពោះវិស័យផ្សេងទៀតក៏កម្ពុជាកំពុងម្ចាស់ការដោយខ្លួនឯងដែរ។

ក្នុងឱកាសនោះសម្ដេចធិបតីបានសម្ដែងការហួសចិត្ត ដែលភាគីថៃចេញមកបកស្រាយថា កម្ពុជាគ្មានវិជ្ជាជីវៈ (unprofessional) ពាក់ព័ន្ធនឹងការបកស្រាយលើបញ្ហាវិវាទជាមួយភគីថៃ។ ប៉ុន្ដែសម្ដេចបញ្ជាក់ថា បញ្ហានេះកម្ពុជាដើរតាមក្រោយថៃទេ ដូចជាករណីបិទព្រំដែនជាដើម។

ក្នុងឱកាសនោះសម្ដេចធិបតី នាយករដ្ឋមន្រ្ដី បានបញ្ជាក់ជូនជនរួមជាតិថា ការធ្វើសកម្មភាព នយោបាយ មិនចាំបាច់ លោតកព្ឆោង មិនច្បាស់លាស់នោះទេ ប៉ុន្ដែយើងត្រូវមានភាពចាស់ទុំ ច្បាស់លាស់។ រាជរដ្ឋាភិបាលកម្ពុជាមិនចាំបាច់ឆ្លើយតបរឿងអគ្គិសនី ឬអ៊ិនធឺណិតនោះទេ ប៉ុន្ដែដល់ម៉ោងកាត់ផ្ដាច់យកតែម្ដងទៅ៕អត្ថបទ៖ វ៉ន ដារ៉ា