​ រយៈពេល៦ខែឆ្នាំ២០២៥នេះ ច្រកទ្វាព្រំដែនអន្តរជាតិបាវិតខេត្តស្វាយរៀងទទួលភ្ញៀវជាតិ និងអន្តរជាតិ​ជាង៩សែននាក់ ស្មើនិង១៤៨សញ្ជាតិ

ស្វាយរៀង ៖ មន្ត្រីជំនួយការប្រធានច្រកទ្វារព្រំដែនអន្តរជាតិបាវិត ខេត្តស្វាយរៀង លោក ពុធ សុភាកែវ នៅថ្ងៃទី១៩ ខែមិថុនា ឆ្នាំ២០២៥នេះ បានប្រាប់ទូរទស្សន៏ BTV អោយដឹងថា ក្នុងរយៈពេល៦ខែ ឆ្នាំ២០២៥ ច្រកទ្វារព្រំដែនអន្តរជាតិបាវិត បានទទួលភ្ញៀវជាតិ និងអន្តរជាតិ ធ្វើដំណើរឆ្លងកាត់ ចូល  មកកម្ពុជា មានចំនួន៩សែន ២ម៉ឺន ៩ពាន់ ៧៨១នាក់ មាន១៤៨ សញ្ជាតិ  ក្នុងនោះជនបរទេសចូលមកកម្ពុជាសរុប៧សែន ៩ម៉ឺន ១ពាន់ ៧៧៥នាក់ និងពលរដ្ឋខ្មែរវិលចូលស្រុកបន្ទាប់ពីបំពេញការងារការទូត ធ្វើជំនួញ ព្យាបាលជំងឺ និងដើរកំសាន្ត មានចំនួន១សែន ៣ម៉ឺន ៨ពាន់ ០០៦នាក់ ។

លោកបានបញ្ជាក់បន្ថែមថា ទន្ទឹមនិងភ្ញៀវបរទេស និងភ្ញៀវខ្មែរវិលត្រឡប់ចូលមកកម្ពុជា បន្ទាប់ពីបំពេញកិច្ចការអន្តរជាតិ ពិភាក្សាផ្លាស់ប្តូរ ទំនិញ និងសម្រាក់លំហែកាយ ក្នុងរយៈពេល៦ខែ ឆ្នាំ២០២៥នេះដែរ ច្រកទ្វារព្រំដែនអន្តរជាតិបាវិត បានធ្វើការសម្របសម្រួលជូនភ្ញៀវចេញមានចំនួន ៧សែន ៤ម៉ឺន ៧ពាន់ ៨៤៧នាក់ មាន១៤៧សញ្ជាតិ ក្នុងនោះភ្ញៀវចេញជាពលរដ្ឋខ្មែរមានចំនួន១សែន ៣ម៉ឺន ៥ពាន់ ៣៩៩នាក់ ។

លោកបានបញ្ជាក់ថា កត្តាដែលភ្ញៀងបរទេស បានចូលមកកម្ពុជាច្រើន នៅក្នុងរយៈពេល៦ខែ ឆ្នាំ២០២៥នេះ បើតាមការសន្និដ្ឋានរបស់មន្ត្រីច្រក គឺភ្ញៀវមានទំនប់ចិត្តលើការដឹកនាំរបស់រាជរដ្ឋាភិបាល បង្កអោយមាន សន្តិសុខល្អ ពិសេសរាជរដ្ឋាភិបាល បានធ្វើការបញ្ជៀសនិងទប់ស្កាត់ជំងឺដង្កាត់និងគ្រប់ប្រភេទឆ្លងចូលសហគមន៏និងពលរដ្ឋ ៕ ដោយ ៖ ភា សារិទ្ធ

​