ឯកឧត្តម គួច ចំរើន៖ប្រជាពលរដ្ឋខ្មែរគ្រប់ទិសទីគាំទ្រយ៉ាងខ្លាំងក្លាចំពោះវីរៈភាពរបស់កងកម្លាំងជួរមុខ

បងប្អូនប្រជាពលរដ្ឋ បានផ្ដល់នូវការគាំទ្រ បងប្អូនកងកម្លាំងដែលនៅជួរមុខ ដោយសារតែពួកគាត់មិនអាចធ្វើដំណើរ មកបានទាំងអស់គ្នាតែបងប្អូនតែងតែផ្ដល់ជាសម្ភារៈ និងថវិការ ខ្លះទៀតគាត់មានជាពាក្យសម្ដី ស្មារតី គាត់តែងតែពោលពាក្យកោតសរសើរ ពោលពាក្យគាំទ្រ បង្ហាញពីការគាំទ្រយ៉ាងខ្លាំងខ្លាចំពោះវីរះភាពរបស់កងកម្លាំងរបស់យើងផងដែរប្រឹងប្រែងតស៊ូដែលនៅខាងមុខនេះដោយមិនរាលថយ។

មានប្រសាសន៍ក្នុងឱកាសជួបសំណេះសំណាលសួរសុខទុក្ខ និងនាំយកនូវគ្រឿងឧបភោគបរិភោគ សម្ភារៈបរិក្ខារ ឱសថ និងថវិកា ជូនដល់កងកម្លាំងកំពុងឈរជើងជួរមុខ ចំណុះគណៈបញ្ជាការឯកភាពទិសទី២ យោធភូមិភាគទី៤ ខេត្តឧត្ដរមានជ័យនារសៀលម្សិលម៉ិញនេះ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាលបានបញ្ជាក់ថា៖ ត្រង់ថាស្ថានភាពនាវេលានេះមិនជាល្អនោះទេ អាកាសធាតុ មេឃខ្យល់ ភ្លៀងធ្លាក់ មូល ដង្កូវសត្វ តែងតែយាយីដល់បងប្អូនលើផ្នែករាងកាយ និងបញ្ហារផ្សេងជាដើមនោះ ប៉ុន្ដែបងប្អូនមិនបោះបង់ទីតាំងរបស់ខ្លួននោះទេ ទោះបីការលំបាក់អស់ទាំងនេះមករំខានដល់រូបរាងកាយរបស់បងប្អូនយ៉ាងណាក៏ដោយ។ ទាំងនេះបង្ហាញពីវីរៈភាពដ៏អង់អាចក្លាហានរបស់កងទ័ពជួរមុខ ដែលបានការពារបូរណភាពទឹកដី មិនឱ្យមានសត្រូវណាមកឈ្លានពានប្រទេសយើងឡើយ។

ជាក់ស្ដែងថ្ងៃនេះសម្រាប់អំណោយដែលយកមកប្រគល់ជូនបងប្អូននាថ្ងៃនេះគឺជាការចូលរួមចំណែកពីសំណាក់បងប្អូនប្រជាពលរដ្ឋរបស់យើងយ៉ាងច្រើនសន្ធឹកសន្ធាប់ រួមទាំងព្រះសង្ឃផងដែរនោះ បានចូលរួម ទាំងសំភារះ  ទាំងស្មារតី ការគាំទ្រនេះបានបង្ហាញអំពីស្មារតីនៃការគាំទ្រកងកម្លាំងជួរមុខរបស់យើង។

ឯកឧត្តមអភិបាលក៏បានបញ្ជាក់ផងដែរថា៖ រាជរដ្ឋាភិបាលកម្ពុជា ក្នុងការការពារទឹកដី ការដោះស្រាយបញ្ហាបូរណភាពទឹកដីជាមួយប្រទេសថៃ ពិសេសនៅតំបន់ទាំងបួនរួមមាន តំបន់មុំបី ប្រាសាទតាមាន់តូច ប្រាសាទតាមាន់ធំ និងប្រសាទតាក្របី ដែលកំពុងមានជំលោះ គឺត្រូវធ្វើការដោះស្រាយតាមយន្តការច្បាប់តាមរយៈតុលាការយុត្តិធម៌អន្តរជាតិ(ICJ) ហើយបន្ទាប់ពីបង្ហាញជំហរច្បាស់លាស់ក្នុងការដោះស្រាយតាមយន្តការតុលាការ(ICJ) ហើយយើងមានការឯកភាពជាតិតែមួយ ព្រះមហាក្សត្រ រាជរដ្ឋាភិបាល និងកងទ័ពតែមួយ។ហើយប្រជាជនយើង បានបង្ហាញជំហរគាំទ្រតាមរយៈសកម្មភាព ការដើរដង្ហែក្បួនកាលពីថ្ងៃទី១៨ ខែមិថុនា កន្លងទៅ ដែលមានអ្នកចូលរួមរាប់ម៉ឺននាក់ បង្ហាញការគាំទ្រដល់រាជរដ្ឋាភិបាលក្នុងការដោះស្រាយតាមផ្លូវតុលាការI(CJ)លើបញ្ហាជំលោះព្រំដែនកម្ពុជាថៃ និងជាការលើកទឹកចិត្តដល់កងទ័ពកំពុងឈរជើងយ៉ាងរឹងមាំការពារទឹកដីរបស់យើងនៅជួរមុខ។