ឯកឧត្តម ចន ណារិទ្ធ ចុះសិក្សាពីស្ថានភាព និងតម្រូវការផ្តល់ការគាំពារជូនពលរដ្ឋ នៅ​តាម​ច្រក​ទ្វារ​ជាប់​ព្រំដែន

ឯកឧត្តម ចន ណារិទ្ធ ជាអគ្គលេខាធិការក្រុមប្រឹក្សាជាតិគាំពារសង្គម នៅថ្ងៃទី ២៥-២៦ ខែ​មិថុនានេះ បានដឹកនាំក្រុមការងារ ចុះពិនិត្យ និងសិក្សាពីស្ថានភាពជាក់ស្តែង និង​តម្រូវ​ការ​ផ្តល់​ការ​គាំពារ​នានា តា​មរយៈប្រព័ន្ធគាំពារសង្គម ជូនដល់បងប្អូនពលរដ្ឋខ្មែរ ដែល​បាន​វិល​ត្រឡប់​មក​កាន់​កម្ពុជា​វិញ តាមច្រកព្រំដែនកម្ពុជា-ថៃ។

ដើម្បីពិនិត្យ និងវាយតម្លៃពីស្ថានភាពនៃតម្រូវការក្នុងការផ្តល់ការគាំពារជូនដល់ពលរដ្ឋ អាជីវករ ដែល​កំពុង​វិលត្រឡប់មកកាន់កម្ពុជាវិញ, ឯកឧត្តម ចន ណារិទ្ធ បានដឹកនាំក្រុមការងារ​នៃ​អគ្គ​លេខា​ធិការដ្ឋានក្រុមប្រឹក្សាជាតិគាំពារសង្គម ចុះពិនិត្យកន្លែងរៀបចំកន្លែងទទួលពលរដ្ឋខ្មែរ របស់​ក្រុម​ការងារនៃក្រសួងការងារ និងបណ្តុះបណ្តាលវិជ្ជាជីវៈ និង ក្រសួងសង្គមកិច្ចអតីតយុទ្ធជន និង​យុវ​នីតិ​សម្បទា នៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។

ក្នុងឱកាសចុះជួបប្រជាពលរដ្ឋដោយផ្ទាល់នេះ ឯកឧត្តម ចន ណារិទ្ធ បានលើកឡើងថា រាជ​រដ្ឋាភិបាល​កម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជា​ណា​ចក្រកម្ពុជា បានគិតគូរយ៉ាងហ្មត់ចត់ប្រកបដោយបុរេសកម្មខ្ពស់ ជាមួយស្មារតី ”មិ​ន​បោះ​ប​​ង់ពលរដ្ឋណាម្នាក់” ក្នុងការរៀបចំត្រៀមរួចជាស្រេច គ្រប់ជ្រុងជ្រោយ ក្នុងការ​ផ្តល់​ការ​គាំពារ​នានា​តាមរយៈប្រព័ន្ធគាំពារសង្គម ជូនពលរដ្ឋខ្មែរគ្រប់រូប ជាពិសេសក្នុង​ស្ថាន​ភាព​ដែល​បង​ប្អូន​ពល​រដ្ឋខ្មែរវិលត្រឡប់ពីប្រទេសថៃមកកាន់ស្រុកកំណើតវិញ តាមច្រកទ្វារព្រំដែននានា។៕ អត្ថបទ៖គឹមហុក