ឆមាសទី១ ឆ្នាំនេះ ច្រកទ្វារព្រំដែនអន្តរជាតិព្រៃវល្លិ ខេត្តស្វាយរៀង មានភ្ញៀវឆ្លងកាត់ជាង១ម៉ឺននាក់

ស្វាយរៀង ៖ លោកឧត្តមសេនីយ៍ ប៉ាង ឡេង នាយនគរបាលអន្តោប្រវេសន៏ច្រកទ្វារព្រំដែនអន្តរជាតិព្រៃវល្ល័ ស្រុកកំពង់រោទ៏ ខេត្តស្វាយរៀង នៅថ្ងៃទី៣០ ខែមិថុនា ឆ្នាំ២០២៥នេះ បានប្រាប់ទូរទស្សន៏ BTV អោយដឹងថា ក្នុងរយះពេល៦ខែ ឆ្នាំ២០២៥ ច្រកទ្វារព្រំដែនអន្តរជាតិព្រៃវល្ល័ បានទទួលភ្ញៀវជាតិ និងអន្តរជាតិ ធ្វើដំណើរឆ្លងកាត់ ចូល មកកម្ពុជាមានចំនួន ១ម៉ឺន ៣ពាន់ ៨៣១នាក់ មាន២៦សញ្ជាត្តិ ក្នុងនោះមានភ្ញៀវបរទេសចូលមកកម្ពុជា មានចំនួន១ម៉ឺន ២ពាន់ ៧០៣នាក់ មាន២៥សញ្ជាត្តិ និងពលរដ្ឋខ្មែរចូលមានចំនួន១ពាន់ ១២៨នាក់ ។

លោកបានបញ្ជាក់បន្ថែមថា ទន្ទឹមនិងភ្ញៀវបរទេស និងភ្ញៀវខ្មែរវិលត្រឡប់ចូលមកកម្ពុជា បន្ទាប់ពីបំពេញកិច្ចការអន្តរជាតិ ពិភាក្សាផ្លាស់ប្តូរ ទំនិញ និងសម្រាក់លំហែកាយ ក្នុងរយះពេល៦ខែ ឆ្នាំ២០២៥នេះដែរ ច្រកទ្វារព្រំដែនអន្តរជាតិព្រៃវល្ល័ បានធ្វើការសម្របសម្រួលជូនភ្ញៀវចេញ សរុប១ម៉ឺន ៣ពាន់ ៧៥៣នាក់ មាន២៤ សញ្ជាត្តិ ក្នុងនោះពលរដ្ឋខ្មែរចេញមានចំនួន១ពាន់១១៣នាក់ ។

លោកឧត្តមសេនីយ៏បានបញ្ជាក់ថា កត្តាដែលភ្ញៀងបរទេសចូលមកកម្ពុជាក្នុងរយះពេល៦ខែឆ្នាំ២០២៥នេះ បើតាមការសន្និដ្ឋាន របស់មន្ត្រីច្រក គឺភ្ញៀវមានទំនប់ចិត្តលើការដឹកនាំរបស់រាជរដ្ឋាភិបាលបង្កអោយមានសន្តិសុខល្អ ពិសេសរាជរដ្ឋាភិបាលបានធ្វើការបញ្ជៀសនិងទប់ស្កាត់ជំងឺដង្កាត់និងគ្រប់ប្រភេទឆ្លងចូលសហគមន៏និងពលរដ្ឋ។

អត្ថបទ៖ ភា សារិទ្ធ