មន្ត្រីរាជការ ព្រះសង្ឃ និងពលរដ្ឋ គាំទ្រសំណើសម្ដេចតេជោធ្វើវិសោធនកម្មច្បាប់ដកសញ្ជាតិក្រុមជ្រុលនិយម

ស្វាយរៀង ៖ ព្រះសង្ឃ មន្ត្រីរាជការ ពលរដ្ឋខេត្តស្វាយរៀង ប្រកាសគាំទ្រសំណើរបស់សម្តេចតេជោ ហ៊ុន សែន ប្រធានព្រឹទ្ធសភា ចំពោះរាជរដ្ឋាភិបាល ឱ្យពិនិត្យកែច្បាប់ដកសញ្ជាតិជនជ្រុលនិយមនៅក្រៅប្រទេស ដែល គប់គិតជាមួយបរទេសមកបំផ្លាញជាតិខ្លួន ។

​ព្រះសង្ឃ មន្ត្រីរាជការ ពលរដ្ឋ ខេត្តស្វាយរៀង បានសង្ឃដីកា និងលើកឡើងថា ក្រុមជ្រុលនិយម តែងតែ ចិញ្ចឹមចិត្តចង់ផ្ដួលរំលំរាជរដ្ឋាភិបាលស្របច្បាប់ ដែលបាននឹងកំពុងខិតខំកសាងអភិវឌ្ឍប្រទេស ពិសេសក្នុង កាលៈទេសៈនេះ កំពុងព្យាយាមទប់ទល់នឹងសត្រូវឈ្លានពាន ។

ព្រះសង្ឃ មន្ត្រីរាជការ ពលរដ្ឋ បានបញ្ជាក់ថាការដែលសម្ដេចតេជោ ស្នើឱ្យរាជរដ្ឋាភិបាលធ្វើកំណែ ច្បាប់ដកសញ្ជាតិពួកជ្រុលនិយម ពិតជាត្រឹមត្រូវ ពីព្រោះពួកជ្រុលនិយម មិនដែលមើលឃើញរាល់ទង្វើរបស់ រាជរដ្ឋាភិបាលធ្វើអ្វីល្អម្តងណានោះទេ ហើយពួកនេះតែងតែធ្វើការរិះគន់មកលើការដឹកនាំរបស់រាជរដ្ឋាបាល ហើយពិសេសពួកនេះ តែងតែដើរញុះញង់ដល់ប្រទេសនានាឲ្យផ្អាកការធ្វើវិនិយោគ ក៏ដូចជាទំនាក់ទំនងការ ទូតជាមួយនឹងកម្ពុជាផងដែរ ៕

អត្ថបទ៖ ភា សារិត