អាជ្ញាធរខណ្ឌទួលគោកទុករយៈពេល២ថ្ងៃ ដល់ក្រុមអាជីវកលក់ដូរគ្រឿងបន្លាស់រថយន្តត្រូវរក្សាសណ្ដាប់ធ្នាប់ និងរើចេញ ឲ្យបានល្អប្រសើរ

ភ្នំពេញ៖ ក្រុមអាជីវក តាំងលក់គ្រឿងបន្លាស់រថយន្ត បង្កឲ្យបាត់បង់សណ្ដាប់ធ្នាប់សាធារណៈ បង្កកក់ស្ទះចរាចរណ៍នោះ ត្រូវបានកម្លាំងគណ:បញ្ជាការឯកភាពរដ្ឋបាលខណ្ឌទួលគោក ចុះអប់រំណែនាំនុងធ្វើកិច្ចសន្យាចុងក្រោយ ដោយទុករយះពេល២ថ្ងៃ មិនអនុញ្ញាតឲ្យតាំងលក់លើផ្លូវបន្តទៀតឡើយ។

ជាក់ស្ដែងនាថ្ងៃទី០៩ ខែកក្កដា ឆ្នាំ២០២៥ លោក សុឹម សុផង់ អភិបាលរងខណ្ឌទួលគោក បានដឹកនាំកម្លាំងគណ:បញ្ជាការឯកភាពរដ្ឋបាលខណ្ឌសហការជាមួយក្រុមការងារសង្កាត់ផ្សារដេប៉ូទី១ ដេីម្បីចុះត្រួតពិនិត្យ និងធ្វេីកំណត់ហេតុណែនាំដល់អាជីវករលក់ គ្រឿងបន្លាស់រថយន្ត ស្ថិតនៅផ្លូវលេខ១៦២ ដែលកន្លងទៅក្រុមអាជីវករតាំងលក់របស់របរ លើផ្លូវធ្វើឲ្យបាត់បង់សណ្ដាប់ធ្នាប់ និងបង្កការកកស្ទះចរាចរណ៍។

ក្នុងការចុះត្រួតពិនិត្យនិងធ្វេីកំណត់ហេតុ ក្រុមការងាររដ្ឋបាលខណ្ឌបានណែនាំ ដោយមិនអនុញ្ញាតអោយដាក់គ្រឿងបន្លាស់រថយន្តគ្រប់ប្រភេទ រឺចតយានយន្តគ្រប់ប្រភេទនៅលេីចិញ្ចេីមផ្លូវ និងទ្រូងផ្លូវសាធារណ:ជាដាច់ខាត។ ត្រូវរេីសម្ភារះដែលដាក់លេីចិញ្ចេីមផ្លូវ និងទ្រូងផ្លូវសាធារណ:ចេញ ដោយទុករយះពេលពីរថ្ងៃ។ ចំណុចចុងក្រោយក្នុងករណីមិនអនុវត្តតាមការណែនាំអាជ្ញាធរនិងចាត់វិធានការរដ្ឋបាលដោយធ្វេីការដកហូតសម្ភារះយកមករក្សាទុកដោយមិនទទួលខុសត្រូវរាល់ការខូចខាតឡេីយ។

លោក ស៊ឹម សុផង់ អភិបាលរងខណ្ឌទួលគោកបានបញ្ជាក់ផងដែរថាការចុះអប់រំណែនាំដោយអាជីវករតាំងលក់គ្រឿងបន្លាស់រថយន្តនៅក្នុងមូលដ្ឋានសង្កាត់ផ្សារដេប៉ូទី១នេះមិនមែនជាលើកទីមួយនោះទេបានចុះអប់រំណែនាំជាច្រើនលើកច្រើនសារមកហើយ ប៉ុន្តែក្រុមអាជីវករទាំងនោះហាក់មិនចូរួមជាមួយនឹងអាជ្ញាធរឡើយបង្កឲ្យមានការកកស្ទះនឹងធ្វើឲ្យបាត់បង់សណ្ដាប់ធ្នាប់តាមដងផ្លូវសារធារណៈ៕

អត្ថបទ៖ កុម្ភៈ